Benneg 12
Paltiing a naited ken ni Joseph Knight, Sr., babaen ni Joseph Smith a Propeta, iti Harmony, Pennsylvania, idi Mayo 1829 (History of the Church, 1:47–48). Pinati ni Joseph Knight dagiti palawag ni Joseph Smith maipanggep iti pannakaalana kadagiti pinanid ti Libro ni Mormon ken ti panagipatarus a madama idi a maar-aramid, ken ti sumagmamano a daras a pannakaited kada Joseph Smith ken ti para suratna iti kasapulan a tulong, a nangparegta kadakuada a mangituloy nga agipatarus. Kas dawat ni Joseph Knight, nagdamag ti Propeta iti Apo ket immawat iti paltiing.
1–6, Makagun-od iti pannakaisalakan dagiti agtartrabaho iti bangkag; 7–9, Mabalin amin dagiti agtarigagay ken maikari ti manarabay iti aramid ti Apo.
1 Dandanin dumteng ati naindaklan ken nakakaskasdaaw nga aramid kadagiti annak ti tattao.
2 Adtoy, siak ti Dios; denggem ti balikasko, a napartak ken nabileg, natadtadem ngem iti dua ti tademna nga espada, a mamagsina kadagiti nagsusuopan ken pata; ngarud denggem ti balikasko.
3 Adtoy, purawen ti kataltalonan a pagapitan; ngarud, asino man nga agtarigagay nga agani bay-am nga ipakanna ti kumpayna iti amin a kabaelanna, ket agani nga agmalmalem, tapno mayurnonganna ti kararuana iti agnanayon a pannakaisalakan iti pagarian ti Dios.
4 Wen, asino man a mangipakan iti kumpayna ket agani, isu met laeng ti inawagan ti Dios.
5 Ngarud, no agdawatka kaniak umawatka; no agtuktokka malukatanka.
6 Ita, kas dinawatmo, adtoy, kunak kenka, tungpalem dagiti bilinko, ket ikalikagummo a yeg ken ipasdek ti pagsayaatan ti Zion.
7 Adtoy, agsaoak kenka, ken kasta met kadagiti amin nga addaan iti tarigagay a mangyeg ken mangpatalged iti daytoy nga aramid;
8 Ket awan ti asino man a makaaramid iti daytoy nga aramid malaksid no anapakumbaba ken napno iti bayat, addaan iti cpammati, dnamnama, ken epanangngaasi, managparbeng iti amin a banag, iti ania man a maitalek kenkuana.
9 Adtoy, siak ti silaw ken biag ti lubong, a mangisao kadagitoy a balikas, ngarud dumngegkayo iti amin a kabaelanyo, ket kalpasanna maawagankayo. Amen.