Benneg 37
Paltiing a naited kada Joseph Smith a Propeta ken Sidney Rigdon, iti asideg ti Fayette, Nueva York, idi Disiembre 1830 (History of the Church, 1:139). Ditoy ti nakaitedan ti umuna a bilin maipanggep iti panaguummong iti daytoy a dispensasion.
1–4, Naawagan dagiti Santo nga aguummong iti Ohio.
1 Adtoy, kunak kadakayo a saan nga umdas kaniak nga aagipataruskayo pay laeng agingga a mapankayo iti Ohio, ket gapu daytoy iti kabusor ken iti pagimbaganyo.
2 Ket manen, kunak kadakayo a saankayo a mapan agingga a maikasabayo ti ebangheliok kadagidiay a paset, ken mapapigsa ti simbaan iti sadino man a pakasarakan, ken kangrunaanna iti aColesville; ta, adtoy, agkararagda kaniak a sipapammati.
3 Ket manen, mangtedak iti bilin iti simbaan, a nasken kaniak nga aguummongda aiti Ohio, iti panawen sakbay nga agsubli ti katulongak a ni Oliver Cowdery kadakuada.
4 Adtoy, nainsiriban daytoy, ket bay-anyo nga aagpili ti tunggal tao para kenkuana agingga nga umayak. Pudno a kasta. Amen.