Benneg 48
Paltiing a naited babaen ni Joseph Smith a Propeta, iti Kirtland, Ohio, idi Marso 1831 (History of the Church, 1:166–167). Nagsaludsod ti Propeta iti Apo maipanggep iti wagas ti panaggatang iti daga a pagyanan dagiti Santo. Napateg daytoy a banag para iti panagdappat dagiti kameng ti Simbaan manipud iti dumaya nga Estados Unidos, iti panagtungpal iti bilin ti Apo a nasken nga agummongda iti Ohio (kitaen dagiti benneg 37:1–3; 45:64).
1–3, Nasken nga ibinglayan dagiti Santo iti Ohio dagiti kabsatda iti dagdagada; 4–6, Nasken a gumatang dagiti Santo iti dagdaga, mangbangonda iti siudad, ken surotenda ti pammagbaga dagiti mangimaton a dadauloda.
1 Nasken nga agtalinaedkayo iti agdama a panawen kadagiti lugar a yanyo, a kas mainugot iti kasasaadyo.
2 Ket no la ketdi adda dagayo, aibingayanyo dagiti kabsatyo iti lumaud;
3 Ket no awan ti dagayo, bay-anyo a gumatangda iti disso iti aglawlaw, a kas pagsayaatanda, ta nasken unay nga adda lugar a pagbiaganda iti agdama a panawen.
4 Nasken unay nga urnongenyo ti amin a kuarta a kabaelanyo, ket gun-odenyo amin a kabaelanyo iti nalinteg a wagas, tapno iti saan a mabayag amakagatangkayonto iti daga a tawidenyo, buray pay ti siudad.
5 Saan pay a mabalin nga ipalgak ti lugar; ngem kalpasan ti yaay dagiti kabsatyo manipud iti daya aaddanto maituding a tattao, ket isudanto ti bpakaipakaammuan ti lugar, wenno isudanto ti pakaipalgakanna.
6 Ket matudingandanto a manggatang iti daga, ken mangirugi a mangikabil iti pamuon ti asiudad; ket kalpasanna mangrugikayonto nga aguummong kadagiti kaamaanyo, tunggal tao a maibatay iti bkaamaanna, a maibatay iti kasasaadna, ken kas ituding kenkuana ti panguluen ken ti obispo ti simbaan, a maibatay kadagiti paglintegan ken bilin nga inawatyo, ken awatenyonto kalpasan daytoy. Pudno a kasta. Amen.