Benneg 23
Paltiing a naited babaen ni Joseph Smith a Propeta, iti Manchester, Nueva York, idi Abril 1830, kada Oliver Cowdery; Hyrum Smith; Samuel H. Smith; Joseph Smith, Sr.; ken Joseph Knight, Sr. (History of the Church, 1:80). Kas banag ti napasnek a tarigagay iti biang dagiti lima a tao a nainaganan a mangammo iti pagrebbengan ti tunggal maysa kadakuada, nagdamag ti Propeta iti Apo ket naawatna daytoy a paltiing.
1–7, Natudingan dagitoy nagkauna a disipulo a mangasaba, mangigunamgunam, ken mangpapigsa iti Simbaan.
1 Adtoy, agsaoak kenka, Oliver, iti sumagmamano a balikas. Adtoy, nagasatka, ket awan ti pakakedngam. Ngem annadam ti akinapalangguad, di la ket mamin-ano ta maikursongka iti bsulisog.
2 Ipakaammom ti rebbengem iti simbaan, ken kasta met iti lubong, ket maluktanto ti pusom a mangikasaba iti kinapudno manipud ita ken iti agnanayon. Amen.
3 Adtoy, agsaoak kenka, Hyrum, iti sumagmamano a balikas; ta awan met ti pakakedngam, ket naluktan ti pusom, ken napalukay ti dilam; ken ti mangigunamgunam ti rebbengem, ken ti agtultuloy a apanangpapigsam iti simbaan. Gapuna adda iti simbaan ti pagrebbengam iti agnanayon, ket gapu daytoy iti kaamaam. Amen.
4 Adtoy, agsaoak iti sumagmamano a balikas kenka, aSamuel; ta awan met ti pakakedngam, ket rebbengem ti mangigunamgunam, ken mangpapigsa iti simbaan; ken saanka pay a natudingan a mangasaba iti imatang ti lubong. Amen.
5 Adtoy, agsaoak iti sumagmamano a balikas kenka, Joseph; ta awan met ti pakakedngam, ken mangigunamgunam met ti rebbengem, ken mangpapigsa iti simbaan; ket daytoy ti pagrebbengam ita ken iti agnanayon. Amen.
6 Adtoy, ipakitak kenka, Joseph Knight, babaen dagitoy a balikas, a nasken nga ibaklaymo ti akrusmo, a nasken nga bagkararagka a csibabatad iti imatang ti lubong ken kasta met iti nalimed, ken iti kaamaam, ken kadagiti gayyemmo, ken iti amin a lugar.
7 Ket, adtoy, pagrebbengam ti amakikaysa iti pudno a simbaan, ken itdem ti pagsasaom iti agtultuloy a panangigunamgunam, tapno maawatmo ti gunggona ti agtartrabaho. Amen.