Dagiti Nasantuan a Kasuratan
Doktrina ken Katulagan 94


Benneg 94

Paltiing a naited babaen ni Joseph Smith a Propeta, iti Kirtland, Ohio, idi 6 ti Mayo 1833 (History of the Church, 1:346–347). Natudingan da Hyrum Smith, Reynolds Cahoon, ken Jared Carter iti komite ti panagipasdek ti Simbaan.

1–9, Nangted ti Apo iti bilin a mayappeng iti pannakapatakder ti balay a pagtrabahuan ti Panguluen; 10–12, Mabangon ti balay a pagimalditan; 13–17, Mailatang dagiti sumagmamano a tawid.

1 Ket manen, pudno kunak kadakayo, agagayyemko, ti bilin nga itedko kadakayo, nga irugiyonto ti mangibaskag ken mangisagana iti pangrugian ken pamuon ti siudad ti bistaka ti Zion, ditoy daga ti Kirtland, a mangrugi iti balayko.

2 Ket adtoy, nasken a maaramid a maibatay iti apagtuladan nga intedko kadakayo.

3 Ket ikkan-pategyo ti umuna a lote iti abagatan a para kaniak a pagpatakderan iti balay ti panguluen, a pagtrabahuan ti panguluen, a pakagun-odan kadagiti paltiing; ken para iti aramid a panagserbi ti apanguluen, iti amin a banag a maipanggep iti simbaan ken pagarian.

4 Pudno kunak kadakayo, a mabangonto iti sekkegna a limapulo-ket-lima ken innem-a-pulo-ket-lima a kadapan, iti akin-uneg a pasetna.

5 Ket addanto akinbaba ken akinngato a kadsaaran, a maibatay iti pagbasaran a maitedto kadakayo kalpasan daytoy.

6 Ket maidatonto iti Apo manipud iti pamuon daytoy, a maibatay iti urnos ti kinasaserdote, a maibatay iti pagtuladan a maitedto kadakayo kalpasan daytoy.

7 Ket maidatonto a sibubukel iti Apo a pagtrabahuan ti panguluen.

8 Ket diyonto palubosan ti ania man a anarugit a banag a makastrek; ket addanto idiay ti bgloriak, ken addaakto sadiay.

9 Ngem no addanto sumrek ditoy a anarugit a banag, awanto ti gloriak sadiay; ket saanakto a sumrek iti daytoy.

10 Ket manen, pudno kunak kadakayo, maidatonto kaniak ti maikadua a lote iti abagatan a pakaipatakderan ti balayko, a apakaimalditan ti bnakaipatarusan dagiti nasantuan a kasuratak, ken amin a banag nga ibilinkonto kadakayo.

11 Ket limapulo-ket-lima ken innem-a-pulo-ket-lima a kadapan ti sekkegnanto, iti akin-uneg a pasetna; ket addanto akinbaba ken akinngato a kadsaaran.

12 Ket sibubukelto a maidaton daytoy a balay iti Apo manipud iti pamuonna, a pagimalditan, iti amin a banag nga ibilinkonto kadakayo, a nasantuanto, nadalus, a maibatay iti pagbasaran iti amin a banag a kas iti maitedto kadakayo.

13 Ket awatento ti katulongak a ni Hyrum Smith ti maikatlo a lote a tawidna.

14 Ket tawidento dagiti katulongak a da Reynolds Cahoon ken Jared Carter dagiti umuna ken maikadua a lote iti amianan—

15 Tapno maaramidda ti aramid nga intudingko kadakuada, a komite a mangbangon iti balayko, a maibatay iti bilinko, siak, ti Apo a Dios, kadakayo.

16 Saan a mabangon dagitoy dua a balay agingga nga itedko kadakayo ti bilin maipanggep kadakuada.

17 Ket ita awanen ti itedko pay kadakayo iti daytoy a gundaway. Amen.