1 Dandanin dumteng ti naindaklan ken ^anakaskasdaaw nga aramid kadagiti annak ti tattao.

2 Adtoy, siak ti Dios; denggenyo ti ^abalikasko, a napartak ken nabileg, a ^bnatadtadem ngem ti dua ti tademna nga espada, a mamagsina kadagiti nagsusuopan ken pata; ngarud denggenyo dagiti balikasko.

3 Adtoy, purawen ti ^akataltalonan a pagapitan; ngarud, asino man nga agtarigagay nga agani, bay-anyo nga ipakanna ti kumpayna iti amin a kabaelanna, ket agani nga agmalmalem, tapno mayurnonganna ti kararuana iti agnanayon a pannakaisalakan iti pagarian ti Dios.

4 Wen, asino man a ^amangipakan iti kumpayna ket agani, isu met laeng ti inawagan ti Dios.

5 Ngarud, no ^aagdawatkayo kaniak umawatkayo; no agtuktokkayo maluktan kadakayo.

6 Ita, kas dinawatyo, adtoy, kunak kadakayo, tungpalenyo dagiti bilinko, ket ^aikalikagumyo a yeg ken ipasdek ti pagsayaatan ti ^bZion;

7 Dikayo ^aagsapul iti ^bkinabaknang no di ketdi ti ^cpagsiriban, ket adtoy, maiparangto kadakayo dagiti ^dkinadatdatlag ti Dios, ken kalpasanna bumaknangkayto. Adtoy, baknang ti addaan iti ^eagnanayon a biag.

8 Pudno, pudno, kunak kadakayo, kas iti panagtarigagayyo kaniak ti maaramidto kadakayo; ket no tarigagayanyo, dakayonto ti pakaigapuan ti maaramid nga adu a kinaimbag iti daytoy a kaputotan.

9 Awan ti sabali nga ibagayo iti daytoy a kaputotan no di ^apanagbabawi; tungpalenyo dagiti bilinko, ken tumulongkayo iti pannakaidanon ti aramidko, a maibatay kadagiti bilinko, ket mabendisionankayonto.

10 Adtoy addaankayo iti sagut, ket nagasatkayo gapu iti sagutyo. Laglagipenyo a ^asagrado ken naggapu iti ngato—

11 Ket no ^aagdamagkayo, maammuanyo dagiti ^bdatdatlag a naindaklan ken nakaskasdaaw; ngarud aramatenyo ti ^csagutyo, tapno masarakanyo dagiti datdatlag, tapno adu ti mayasidegyo a mangammo iti kinapudno, wen, ^dpaawatyo kadakuada ti biddut kadagiti aramidda.

12 Diyo ipakpakaammo iti asino man ti sagutyo malaksid kadagiti mamati kadakayo. Diyo tagibassiten dagiti ^asagrado a banag.

13 No agaramidkayo iti nasayaat, wen, ket ^aagtalinaedkayo a ^bnapudno agingga iti ^ckanibusanan, maisalakankayonto iti pagarian ti Dios, nga isu ti kaindaklanan iti amin a sagut ti Dios; ta awan ti sagut a nain-indaklan ngem iti sagut ti ^dpannakaisalakan.

14 Pudno, pudno, kunak kadakayo, mabendisionankayo iti inaramidyo; ta ^anagdamagkayo kaniak, ket adtoy, kas iti kasansan ti panagdamagyo kasta met ti pannakaiwanwanyo iti espirituk. No saan a kasta, saankayo koma nga immay iti lugar a yanyo ita a kanito.

15 Adtoy, ammoyo a nagsaludsodkayo kaniak ket linawagak ti ^apanunotyo; ket ita ibagak kadakayo dagitoy a banag tapno maammuanyo a linawagannakayo ti Espiritu ti kinapudno;

16 Wen, ibagak kadakayo, a maammuanyo nga awan ti sabali malaksid ti Dios ti ^amakaammo iti pampanunotenyo ken ti panggep ti ^bpusoyo.

17 Ibagak kadakayo dagitoy a banag a kas maysa a saksiyo—a ^apudno dagiti balikas wenno ti aramid nga isursuratyo.

18 Ngarud ^aagreggetkayo; ^bkaduaenyo ni katulongak a Joseph, a sipupudno, iti ania man a parikut a pakaipasungalngalanna a para iti pagimbagan ti balikas.

19 Palagipanyo kadagiti pakabasolanna, ken kasta met nga awatenyo ti pammalagipna. Aganuskayo; agparbengkayo; agteppelkayo; maaddaankayo iti anus, pammati, namnama ken kaasi.

20 Adtoy, sika ni Oliver, ket nagsaoak kenka gapu iti tarigagaymo; ngarud ^aitalimengmo dagitoy a balikas iti pusom. Agtalinaedka a napudno ken naregget iti panangtungpalmo kadagiti bilin ti Dios, ket yarakupko kenka dagiti takiag ti ayatko.

21 Adtoy, siak ni Jesucristo, ti ^aAnak ti Dios. Immayak iti ^bbukbukodko, ket awan ti nangawat kaniak. Siak ti ^clawag nga agrimat iti ^dkasipngetan, ket saan a maawatan ti kasipngetan.

22 Pudno, pudno, kunak kenka, no tarigagayam ti ad-adu a saksi, iturongmo ti panunotmo iti rabii ket umararawka kaniak a naimpusuan, tapno bareng no ^amaammuam ti maipanggep iti kinapudno dagitoy a banag.

23 Diak kadi imbaga ti ^akappia iti panunotmo maipanggep iti dayta a banag? Ania pay ti nain-indaklan a ^bsaksi a magun-odmo ngem ti aggapu iti Dios?

24 Ket ita, adtoy, nakaawatka iti maysa a saksi; ta no imbagak kenka dagiti banag nga awan ti tao a makaammo dika kadi pay nakaawat iti saksi?

25 Ken, adtoy, ikkanka iti sagut, no tarigagayam kaniak, nga ^aagipatarus, a kas iti katulongak a ni Joseph.

26 Pudno, pudno, kunak kenka, nga adda dagiti ^akasuratan a naglaon iti adu kadagiti ebangheliok, a naisubli gapu iti ^bkinadangkes dagiti tao;

27 Ket ita bilinenka, a no addaanka iti nasayaat a tarigagay—ti tarigagay a mangurnong kadagiti kinabaknang a para kenka idiay langit—agbalinka ngarud a tarabay iti pannakaisaknap ti lawag, babaen ti sagutmo, dagidiay paset dagiti ^anasantuan a kasuratak a nailemmeng gapu iti basol.

28 Ket ita, adtoy, itedko kenka, ken kasta met iti katulongak a ni Joseph, dagiti tulbek daytoy a sagut, a mangyeg iti silaw iti daytoy a naespirituan a panagserbi; ken iti ngiwat ti dua wenno tallo a ^asaksi ti pagtaudanto ti tunggal balikas.

29 Pudno, pudno, kunak kenka, no supringenda dagiti balikasko, ken daytoy a paset ti ebangheliok ken ti naespirituan a panagserbik, mabendisionanka, ta dida makaaramid kenka iti ad-adu ngem iti kaniak.

30 Ken uray pay no ^aagaramidda kenka iti kas iti inaramidda kaniak, mabendisionanka, ta ^bmakipagtaengkanto kaniak iti ^cgloria.

31 Ngem no dida ^asupringen dagiti balikasko, a buklen ti ^bpammaneknek a maitedto, mabendisionanda, ket maaddaankanto iti rag-o iti bunga ti panagtrabahom.

32 Pudno, pudno, kunak kenka, kas iti nasaokon kadagiti disipulok, a ^anakaummongan ti dua wenno tallo iti naganko, iti pannakasagid ti maysa a banag, adtoy, addaakto iti ^btengngada—a kas iti kaaddak iti tengngayo.

33 Dikayo ^aagbuteng nga agaramid iti nasayaat, annakko, ta ania man ti ^bimulayo, kastanto met ti apitenyo; ngarud, no agmulakayo iti nasayaat agapitkayonto met iti nasayaat a gunggona.

34 Ngarud, dikayo agbuteng, bassit a pangen; agaramidkayo iti nasayaat; bay-anyo nga agtipon ti daga ken ti impierno a mangbusor kadakayo, ta no nabangonkayo iti ^abatok, saanda nga agballigi.

35 Adtoy, saankayo a kedngan; mapankayon ket saankayon nga ^aagbasol pay; aramidenyo a sipaparbeng ti aramid nga imbilinko kadakayo.

36 ^aKitaendak iti tunggal panunot; saankayo nga agduadua, saankayo nga agbuteng.

37 ^aImutektekanyo dagiti sugat a naipalay iti bakrangko, ken kasta met ti nagnaan dagiti ^blansa kadagiti dakulap ken dapanko; agbalinkayo a napudno, tungpalenyo dagiti bilinko, ket ^ctawidenyonto ti ^dpagarian ti langit. Amen.