1 Gapu ta impalgak kaniak ti Apo a dagiti kabusorko, iti Missouri ken iti daytoy nga Estado, sapsapulendak manen; ken tangay sapsapulendak met laeng nga awan ^agapgapuna, nga awan a pulos ti anniniwan wenno maris ti linteg wenno kalintegan iti biangda iti panagalada iti pammabasol a maibusor kaniak; ken tangay dagiti panangipatoda natakuatan nga inuulbod a kas iti kangisitan a pagtina, napanunotko a nasken ken nainsiriban kaniak a pumanawak iti ababa a panawen, para iti pannakasalaknibko ken pannakasalaknib dagitoy a tao. Masaok kadagiti amin a nakasaritak, nga imbatik dagiti amin nga asikasuen kadagiti pannakabagi ken eskribiente a mangasikaso kadagiti aramid iti nadaras ken umno a wagas, ken mangkita a mabayadan amin dagiti utangko iti umno a panawen, babaen ti pannakailako dagiti sanikua, wenno no saan, no kasapulan, wenno no ipalubos dagiti pasamak. No maammuakto a nagkirpan ti bagyo, agsubliakto manen kadakayo.

2 Ket maipanggep kadagiti ^apeggad a nasken a paglasatak, ipapanko a bassit laeng dagitoy a banag, ta ti ^bapal ken gura ti tao ti gagangay a masagsagangko iti unos ti panagbiagko; ken kasla nakaskasdaaw, malaksid no ^cnaordenanak idi sakbay a mabukel ti lubong nga addanto nasayaat a pagbanaganna, wenno dakes, no ania man ti kayatyo a pangawag iti daytoy. Kednganyo iti bagbagiyo. Ammo ti Dios amin dagitoy a banag, no naimbag man wenno dakes. Ngem nupay kasta, ugalik ti aglangoy iti adalem a danum. Adda amin maikadua a kaipapananda kaniak; ket mariknak, kas ken ni Pablo, a maitan-okak iti ^dpanagtutuok; ta iti daytoy nga aldaw inlikliknak ti Dios dagiti ammak kadakuada amin, ket ilikliknak manipud dita; ta adtoy, ken kitaenyo, agballigiakto kadagiti amin a kabusorko, ta kinuna daytoy ti Apo a Dios.

3 Agrag-o koma amin a santo, ngarud, ket aglaplapusanan koma ti ragsakda; ta ti ^aDios ti Israel ti Diosda, ket supapakannanto iti umno a gunggona kadagiti ulo dagiti amin a mangidadanes kadakuada.

4 Ket manen, pudno a kastoy ti kinuna ti Apo: Maituloy koma ti aramid iti ^atemplok, ken amin dagiti aramid nga intudingko kadakayo, ket saan a maisardeng; ket paminduaenyo koma ti ^bkinaregtayo, ken ti kinapingetyo, ken ti kinaanusyo, kadagiti aramidyo, ket awanto ti gapuna a mapukaw ti gunggonayo, kinuna ti Apo ti Pangen. Ket no ^cidadanesdakayo, indadanesda met dagiti propeta ken nalinteg a tattao nga immun-una ngem dakayo. Ta amin dagitoy adda gunggonada iti langit.

5 Ket manen, itedko kadakayo ti balikas a mainaig iti ^apanangbuniag kadagiti ^bminatayyo.

6 Pudno, kastoy ti kinuna ti Apo kadakayo maipanggep kadagiti minatayyo: No asino man kadakayo ti ^anabuniagan para kadagiti minatayyo, adda koma ^bparasurat, ket isu koma ti saksi iti panagbuniagyo; denggenna koma babaen dagiti lapayagna, tapno mapaneknekanna ti kinapudno, kinuna ti Apo;

7 Ta amin nga isuratyo ^amaisurat iti langit; ania man a ^bpagkappengenyo iti daga, mapagkappengto iti langit; ania man a warwaranyo iti daga, mawarwaranto iti langit;

8 Ta dandanikon ^amaisubli amin a banag iti daga, maipanggep iti ^bkinasaserdote, kinuna ti Apo ti Pangen.

9 Ket manen, maurnos koma amin a ^akasuratan, tapno maikabilda iti pagitalimengan iti nasantuan a templok, tapno mapagtalinaed a pakalaglagipan dagiti sumarsaruno a kaputotan, kinuna ti Apo ti Pangen.

10 Ibagak kadagiti amin a santo, a tarigagayak, iti aglaplapusanan a tarigagay, a maitedda koma iti tallaong iti topiko a panangbuniag kadagiti natay, iti sumaruno nga Aldaw ti Panaginana. Ngem ta ngamin iti laksid ti kabaelak nga aramiden, agtultuloy ti panagisuratko iti balikas ti Apo, iti dayta a topiko, ket itedko kadakayo babaen ti koreo, kasta met dagiti adu a banag.

11 Gibusakon daytoy suratko para iti agdama, a pagayatak ti ad-adu koma a panawen; ta naalibtak dagiti kabusor, ket kas iti kinuna ti Mangisalakan, umay ti ^aprinsipe daytoy a lubong, ngem dinak kabaelan.

12 Adtoy, kararagko iti Dios ti pannakaisalakanyo amin. Ket idatonko ti bagik a katulongan ti Apo, propeta ken ^amammadto ti Simbaan ni Jesucristo dagiti Santo iti Ud-udina nga Aldaw.