Benneg 61
Paltiing a naited babaen ni Joseph Smith a Propeta, iti igid ti Karayan Missouri, iti McIlwaine’s Bend, idi 12 ti Agosto 1831 (History of the Church, 1:202–205). Iti panagdaliasat nga agsubli iti Kirtland, nagdaliasat ti Propeta ken dagiti sangapulo nga elder a bimmaba iti Karayan Missouri babaen ti barangay. Iti maikatlo nga aldaw ti panagdaliasatda, adu a peggad ti napadasanda. Nakita ni Elder William W. Phelps, iti parmata iti aldaw, ti mangdadael nga agtatapaw ti bilegna iti danum.
1–12, Impaulog ti Apo ti adu a pannakadadael iti danum; 13–22, Inlunod ni Juan ti dandanum, ket agtapaw ti mangdadael; 23–29, Sumagmamano ti addaan iti bileg a mangbilin kadagiti danum; 30–35, Nasken nga agdaliasat dagiti elder a sagdudua a mangikasaba iti ebanghelio; 36–39, Nasken nga agsaganada iti yaay ti Anak ti Tao.
1 Adtoy, ken imdenganyo ti timek ti addaan iti amin a abileg, a nagtaud iti agnanayon agingga iti agnanayon, nga isu ti bAlpha ken Omega, ti pangrugian ken panungpalan.
2 Adtoy, pudno a kuna ti Apo kadakayo, O dakayo nga elder ti simbaanko, a naummong iti daytoy a disso, a napakawanen iti basbasolyo, ta siak, ti Apo, amamakawan iti basbasol, ken bmanangngaasiak kadagiti cmangipudno iti basbasolda nga addaan napakumbaba a puso.
3 Ngem pudno kunak kadakayo, a saan a nasken iti daytoy sibubukel nga ummong dagiti elderko nga agtignay a sipapardas kadagiti danum, bayat ti pannakaungaw dagiti agindeg iti agsumbangir gapu iti kaawan ti pammatida.
4 Nupay kasta, impalubosko a mamaneknekkayo; adtoy, adu ti peggad iti dandanum, ken kangrunaanna ditoy;
5 Ta siak, ti Apo, naipaulogkon iti pungtot ti adu a pannakadadael iti dandanum; wen, ken kangrunaanna kadagitoy a danum.
6 Nupay kasta, adda iti imak ti amin a lasag, ket isu a napudno kadakayo saanto a mapukaw iti dandanum.
7 Gapuna, maikanada a di agtaktak dagiti katulongak a da Sidney Gilbert ken aWilliam W. Phelps iti nakaibaonanda a mision.
8 Nupay kasta, diak ipalubos a pumanawkayo agingga a dikayo amadusa kadagiti amin a basolyo, tapno maymaysakayo, tapno saankayo a maungaw iti bkinadangkes;
9 Ngem ita, pudno kunak, nasken kaniak a mapankayon. Gapuna patiponenyo dagiti katulongak a da Sidney Gilbert ken William W. Phelps iti sigud a grupoda, ket pagdaliasatenyo ida a dagus tapno matungpalda ti misionda, ket agballigida babaen ti pammati.
10 Ket no la ketdi napudnoda mataginayonda, ket siak, ti Apo, addaakto kadakuada.
11 Ket paalayo kadagiti nabati ti nasken a para lupot.
12 Paalayo iti katulongak a ni Sidney Gilbert ti saan a nasken kenkuana, a kas pagnanaminganyo.
13 Ket ita, adtoy, para iti apagimbaganyo intedko kadakayo ti bbilin maipanggep kadagitoy a banag; ket siak, ti Apo, ikalintegankayo a kas kadagiti nagkauna a tao.
14 Adtoy, siak, ti Apo, idi punganay binendisionak dagiti adanum; ngem kadagiti maudi nga aldaw, babaen ti ngiwat ti katulongak a ni Juan, binlunodko dagiti danum.
15 Gapuna, dumtengto dagiti aldaw nga awan ti lasag a natalged kadagiti danum.
16 Ket masaonto kadagiti dumteng nga aldaw nga awan ti mabalin a mapan iti daga ti Zion babaen dagiti danum, ngem isu laeng a napudno ti panagpuspusona.
17 Ket, kas siak, ti Apo, iti apanangilunodko iti daga idi punganay, kasta met kadagiti maudi nga aldaw ti panangbendisionko, iti panawenna, para iti pangaramatan dagiti santok, tapno mairanudda iti adda a kinatabana.
18 Ket ita itedko kadakayo ti bilin a no ania a ti ibagak iti maysa ibagak iti amin, tapno maballaaganyo dagiti kabsatyo maipanggep kadagitoy a danum, a saanda nga agdaliasat kadagitoy, amangan ta maduprak ti pammatida ket matiliwda kadagiti palab-og;
19 Siak, ti Apo, naipaulogkon, ket nagtalaytay dagiti manangdadael iti rabawna, ket saanko nga ibabawi ti paulog.
20 Siak, ti Apo, kinapungtotkayo idi kalman, ngem ita nga aldaw, napukawen ti pungtotko.
21 Gapuna, ibagayo maipanggep kadagiti nasaokon, a nasken nga agdaliasatda a dagus—kunak manen kadakayo, pagdaliasatenyo ida a dagus.
22 Ket awan ti aniamanna kaniak, kalpasan ti apagapaman, no la ketdi ta tungpalenda ti misionda, mapanda man babaen ti danum wenno iti daga; bay-anyo a kastoy a kas iti pannakaammoda kadakuada a kas maibatay iti pangngukomda kalpasanna.
23 Ket ita, maipanggep kadagiti katulongak, a da Sidney Rigdon, Joseph Smith, Jun., ken Oliver Cowdery, saanyo a paumayen manen ida babaen ti dandanum, malaksid iti kali, bayat ti panagdaliasatda nga agawid iti balbalayda; wenno iti ababa a pannao saanda nga agdaliasat iti dandanum, malaksid iti kali.
24 Adtoy, siak, ti Apo, nangitudingak iti dalan a para kadagiti agdaliasat a santok; ket adtoy, daytoy ti dalan—a kalpasan ti ipapanawda iti kali agdaliasatda iti daga, no la ketdi nabilinda nga agdaliasat a mapan iti daga ti Zion;
25 Ket aramidendanto a kas kadagiti annak ti Israel, nga aipatakderda dagiti toldada iti dalan.
26 Ket, adtoy, itedyonto daytoy a bilin kadagiti amin a kabsatyo.
27 Nupay kasta, asino man a nakaitedan iti abileg a mangbilin kadagiti danum, isu ti nangtedan ti Espiritu iti pannakaammo kadagiti amin a dalanna;
28 Gapuna, paaramidyo kenkuana a kas iti bilin kenkuana ti Espiritu ti sibibiag a Dios, iti man daga wenno iti dandanum, a kas nabati kaniak a maaramid kalpasanna.
29 Ket maited kadakayo ti turong dagiti santo, wenno ti dalan a para kadagiti santo iti kampo ti Apo, tapno agdaliasat.
30 Ket manen, pudno kunak kadakayo, a saanto nga ungapen da katulongak a Sidney Rigdon, Joseph Smith, Jun., ken Oliver Cowdery, ti ngiwatda kadagiti paguummongan dagiti nadangkes agingga a makadanonda iti Cincinnati;
31 Ket iti dayta a lugar ipukkawdanto ti timekda iti Dios a maibusor kadagita a tao, wen, kenkuana a naaronan ti pungtotna a maibusor kadagiti kinadangkesda, dagiti tao a nasayaaten ti apannakaluomda a madadael.
32 Ket manipud dita pagdaliasatenyo ida para iti panaguummong dagiti kabsatda, ta dagiti aramidda ita ad-adda ti pannakasapulda kadakuada ngem kadagiti panaguummong dagiti nadangkes.
33 Ket ita, maipanggep kadagiti nabati, pagdaliasatenyo ida ket aipakdaarda ti balikas kadagiti paguummongan dagiti nadangkes, no la ketdi maited;
34 Ket no la ketdi aramidenda daytoy alabaanda dagiti pagan-anayda, ket awanto ti mulitda iti imatangko.
35 Ket pagdaliasatenyo ida a sangsangkamaysa, wenno asagdudua, a kas ibilangda a nasayaat, saanyo laeng nga isinsina ni katulongak a Reynolds Cahoon, ken ni katulongak a Samuel H. Smith, a nakaay-aywak unay, agingga a makasublida iti balbalayda, ket nainsiriban daytoy a panggepko.
36 Ket ita, pudno kunak kadakayo, ket ania man ti ibagak iti maysa ibagak iti amin, agragsakkayo, ababassit nga ubbing; ta addaak iti btengngayo, ket saankayo a cbinaybay-an;
37 Ket no la ketdi agpakumbabakayo iti sanguanak, kukuayo dagiti parabur ti apagarian.
38 Patibkerenyo dagiti lomoyo ket aagsiput ken agparbengkayo, urayenyo ti idadateng ti Anak ti Tao, ta umay iti oras a diyo pinampanunot.
39 aAgkararagkayo a kanayon tapno saankayo a maikursong iti bsulisog, tapno maurayyo ti aldaw a yaayna, iti man biag wenno iti patay. Pudno a kasta. Amen.