Benneg 117
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, maipanggep kadagiti kangrunaan a pagrebbengan da William Marks, Newel K. Whitney, ken Oliver Granger (History of the Church, 3:45–46).
1–9, Nasken a saan nga aguman dagiti katulongan ti Apo dagiti naindagaan a banag, ta “ania ti sanikua iti Apo?”; 10–16, Nasken a lipatenda ti kinabassit ti kararua, ket sagradonto iti Apo dagiti sakripisioda.
1 Pudno kastoy ti kinuna ti Apo iti katulongak a ni William Marks, ken kasta met iti katulongak a ni Newel K. Whitney, asikasuenda koma a dagus ti pamastrekanda ket agdaliasatda manipud iti daga ti Kirtland, sakbay a siak, ti Apo, pagtinnagek manen ti niebe iti daga.
2 Agriingda koma, ken bumangonda, ket umayda, ken saanda nga agbati, ta siak, ti Apo, ibilinko.
3 Ngarud, saan a nasayaat para kadakuada no agbatida.
4 Ibabawida koma amin dagiti basolda, ken amin dagiti inaagum a tarigagayda, iti imatangko, kinuna ti Apo; ta ania ti asanikua kaniak? kinuna ti Apo.
5 Maibayad koma kadagiti autang dagiti sanikua iti Kirtland, kinuna ti Apo. Mapalusotda koma, kinuna ti Apo, ket ania man ti mabati, agbatida koma kadagiti imayo, kinuna ti Apo.
6 Ta awan kadi dagiti tumatayabko iti langit, ken kasta met ti ikan iti baybay, ken dagiti ayup iti kabambantayan? Diak kadi inaramid ti daga? Diak kadi iggem ti agasat amin dagiti buyot kadagiti pagilian iti daga?
7 Ngarud, diakto kadi pagrusingen ken pagbukaren dagiti anaiputputong a lugar, ket agbalinda a pakairanudan? kinuna ti Apo.
8 Awan kadi ti umdas a lugar iti kabambantayan ti aAdan-ondi-Ahman, ken kadagiti kapatagan ti Olaha bShinehah, wenno iti cdaga a nagyanan ni Adan, tapno nasken pay nga agumanyo dayta sangsangkatedted, ket baybay-anyo dagiti napatpateg a banag?
9 Ngarud, umaykayo ditoy daga dagiti taok, nga isu ti Zion.
10 Agbalin koma a anapudno ni katulongak a William Marks kadagiti sumagmamano a banag, ket agbalinto nga agturay kadagiti adu. Isu koma ti mangimaton kadagiti taok iti siudad ti Far West, ket mabendisionan koma iti bendision dagiti taok.
11 Ibain koma ni katulongak a Newel K. Whitney ti bunggoy a aNicolaita ken amin dagiti bnalimed a panagkikinnunsaboda, ken ti kabassit ti riknana kaniak, kinuna ti Apo, ket umay iti daga ni Adan-ondi-Ahman, ket agbalin nga cobispo dagiti taok, kinuna ti Apo, saan nga iti nagan ngem iti aramid, kinuna ti Apo.
12 Ket manen, kunak kadakayo, malagipko ni katulongak nga aOliver Granger; adtoy, pudno kunak kenkuana nga addanto sagrado a pakalaglagipan iti naganna kadagiti sumarsaruno a kaputotan, iti agnanayon nga awan inggana, kinuna ti Apo.
13 Ngarud, irupirna koma a sipapasnek ti pannakasubbot ti Umuna a Panguluen ti Simbaanko, kinuna ti Apo; ket no madaleb bumangonto manen, ta nasagsagradonto kaniak ti asakripisiona ngem ti matgedanna, kinuna ti Apo.
14 Ngarud, darasenna koma ti umay ditoy, iti daga ti Zion; ket iti umno a panawen agbalinto nga agtagtagilako iti naganko, kinuna ti Apo, para iti pagimbagan dagiti taok.
15 Ngarud awan koma ti tao a mangallilaw iti katulongak a ni Oliver Granger, ngem maipaay koma ti bendision dagiti taok kenkuana iti agnanayon nga awan inggana.
16 Ket manen, pudno kunak kadakayo, laglagipen koma amin dagiti katulongak iti daga ti Kirtland ti Apo a Diosda, ken kasta met ti balayko, tapno maaywanan ken mataginayon a nasantuan, ken mangparmek kadagiti agsuksukat iti kuarta iti naituding a panawenko, kinuna ti Apo. Pudno a kasta. Amen.