Benneg 125
Paltiing a naited babaen ni Joseph Smith a Propeta, iti Nauvoo, Illinois, idi Marso 1841, maipanggep kadagiti Santo iti teritorio ti Iowa (History of the Church, 4:311–312).
1–4, Mangbangon dagiti Santo iti siudad ken aguummongda kadagiti istaka ti Zion.
1 Ania ti pagayatan ti Apo maipanggep kadagiti santo iti Teritorio ti Iowa?
2 Pudno, kastoy ti kinuna ti Apo, kunak kadakayo, no dagiti amangawag iti bagbagida iti naganko ken magpadpadas nga agbalin a santok, no aramidenda ti pagayatak ken agtungpalda kadagiti bilinko maipanggep kadakuada, ummongenda koma ti bagbagida kadagiti lugar nga intudingko kadakuada babaen ni katulongak a Joseph, ket agbangonda kadagiti siudad babaen ti naganko, tapno maisaganada iti dayta naisagana iti dumteng a panawen.
3 Mangbangonda koma iti siudad babaen ti naganko iti daga a kasumbangir ti siudad ti Nauvoo, ket panagananda koma iti aZarahemla.
4 Ket mangala koma dagiti aggapu iti daya, ken iti laud, ken iti amianan, ken iti abagatan, nga adda tarigagayna nga agtaeng sadiay, iti tawiden, kasta met iti siudad ti aNashville, wenno iti siudad ti Nauvoo, ken kadagiti amin a bistaka nga intudingko, kinuna ti Apo.