Benneg 110
Dagiti parmata a naipakita kada Joseph Smith a Propeta ken Oliver Cowdery iti templo ti Kirtland, Ohio, idi 3 ti Abril 1836 (History of the Church, 2:435–436). Miting iti Aldaw a Panaginana dayta a pasken. Pinakaunaan ti Propeta ti pakasaritaanna iti panagpakita kadagiti kastoy a balikas: “Iti malem, tinarabayko dagiti dadduma a Presidente a nagiwaras iti Pangrabii ti Apo iti Simbaan, a naawat manipud kadagiti Sangapulo-ket-dua, nga addaan iti gundaway a mangiturong iti sagrado a lamisaan iti daytoy nga aldaw. Kalpasan ti pannakaipaay daytoy a serbisio kadagiti kabsatko, nagtugawak iti pulpito, a nakababa dagiti belo, ket nagdumogak, a kaduak ni Oliver Cowdery, iti napasnek ken naulimek a kararag. Kalpasan ti itatakderko a nagkararag, naluktan kadakami a dua ti sumaganad a parmata” (History of the Church, 2:435).
1–10, Agparang ni Apo Jehova a nadayag ket awatenna ti Templo ti Kirtland a balayna; 11–12, Agparang a saggaysa da Moises ken Elias ket italekda dagiti tulbek ken panangiwardasda; 13–16, Agsubli ni Propeta Elias ket italekna dagiti tulbek ti dispensasion kas inkari ni Malakias.
1 Nawaknit ti abelo manipud iti panunotmi, ket naluktan dagiti bmata ti pannakaawatmi.
2 Nakitami ti Apo nga agtaktakder iti abay ti paradipad ti pulpito, iti sangomi; ket nayaplag iti sakaananna ti aramid a puro a balitok, a natangken nga amarilio ti marisna.
3 Kasla dumardarang nga apuy dagiti amatana; puraw ti buokna a kas iti puro a niebe; naranraniag ti brupana ngem iti init; ket ti ctimekna kas iti anasaas ti dakkel a danum, a kas iti timek ni dJehova, a nagkuna;
4 Siak ti aumuna ken maudi; Siak ti bnagbiag, siak ti napapatay; siak ti cmangibabaet kadakayo iti Ama.
5 Adtoy, anapakawankayon kadagiti basolyo; nadaluskayo iti imatangko; ngarud, yangadyo dagiti uloyo ket agrag-okayo.
6 Agrag-o koma ti puspuso dagiti kabsatyo, ken agrag-o koma ti puspuso dagiti amin a taok, a anangbangon, iti amin a kabaelanda, iti daytoy a balay a nainagan kaniak.
7 Ta adtoy, ainawatko daytoy a bbalay, ket addanto ditoy ti naganko; ket agpakitaakto kadagiti taok a siaasi iti daytoy a balay.
8 Wen, aagparangakto kadagiti katulongak, ket kasaokto ida iti timekko, no agtungpal dagiti taok kadagiti bilinko, ken saanda a brugrugitan daytoy cnasantuan a balay.
9 Wen agrag-onto unay ti puspuso dagiti rinibu ken pinullo a ribu a gapu kadagiti abendision a maibukbokto, ken ti btalugading a nakatalugadingan dagiti katulongak iti daytoy a balay.
10 Ket agsaknapto kadagiti ganggannaet a daga ti kinalatak daytoy a balay; ket daytoy ti pangrugian ti bendision a amaibukbokto kadagiti ulo dagiti taok. Pudno a kasta. Amen.
11 Kalpasan ti panagrikep daytoy a aparmata, naglukat manen ti langit iti imatangmi; ket nagparang ni bMoises kadakami, ket intalekna kadakami dagiti ctulbek ti dpanaguummong ti Israel manipud iti uppat a paset ti daga, ken ti pannakaiturong dagiti sangapulo a tribu manipud iti daga iti eamianan.
12 Kalpasan daytoy, nagparang ni aElias, ket intalekna ti bdispensasion ti cebanghelio ni Abraham, a kinunana a babaen kadakami ken dagiti bukelmi nasken a mabendisionanto amin a kaputotan a sumarsaruno kadakami.
13 Kalpasan ti panagrikep daytoy a parmata, sabali pay a naindaklan ken napnuan dayag a parmata ti nagburak kadakami; ta ni aPropeta Elias, a bnaipan iti langit a di nakapadas a matay, nagtakder iti sangomi, ket kinunana:
14 Adtoy, dimtengen ti naan-anay a panawen, a nagtaud a mismo iti ngiwat ni Malakias—a mangipaneknek a nasken a maipatulod ni [Propeta Elias], sakbay ti yaay ti naindaklan ken nakaam-amak nga aldaw ti Apo—
15 A amangisubli iti puspuso dagiti amma kadagiti annak; ken dagiti annak kadagiti amma, no saan masaplit ti sibubukel a lubong iti lunod—
16 Ngarud, naitalek kadagiti imayo dagiti tulbek daytoy a dispensasion; ket babaen daytoy maammuanyo koma nga asidegen ti naindaklan ken nakaam-amak nga aaldaw ti Apo, nga addan kadagiti ridaw.