Dagiti Nasantuan a Kasuratan
Doktrina ken Katulagan 52


Benneg 52

Paltiing a naited kadagiti elder ti Simbaan babaen ni Joseph Smith a Propeta, iti Kirtland, Ohio, idi 7 ti Hunio 1831 (History of the Church, 1:175–179). Naangay ti taripnong iti Kirtland, a nangrugi iti maikatlo ken naggibus iti maikanem ti Hunio. Naaramid iti daytoy a taripnong ti umuna a naisalsalumina a panagordena iti takem ti nangato a saserdote, ken narikna ken nasuppiat ti nalawag a pannakaipakita dagiti sinsinan ken manangallilaw nga espiritu.

1–2, Natinong a maangay ti sumaruno a taripnong iti Missouri; 3–8, Natudingan dagiti napili nga elder a sangsangkamaysa nga agdaliasat; 9–11, Isuro dagiti elder ti insurat dagiti apostol ken propeta; 12–21, Mangidateng iti bungbunga ti panagdayaw ken kinasirib dagiti linawlawagan ti Espiritu; 22–44, Sumagmamano nga elder ti natudingan a mapan mangikasaba iti ebanghelio bayat ti panagdaliasatda a mapan makitaripnong iti Missouri.

1 Adtoy, kasta ti kinuna ti Apo kadagiti elder nga ainawaganna ken pinilina kadagitoy maudi nga aldaw, babaen ti timek ti Espirituna—

2 A kunana: Siak, ti Apo, ipakaammok kadakayo ti kayatko nga aramidenyo manipud ita agingga iti sumaruno a taripnong, a maangayto iti Missouri, iti adaga, nga bitedko a napateg a sagut kadagiti taok, a cnabati ni Jacob, ken dagiti agtawid a maibatay iti dkatulagan.

3 Gapuna, pudno kunak kadakayo, palubosanyo dagiti katulongak a da Joseph Smith, Jun., ken Sidney Rigdon nga agdaliasat apaman a maisagana ti panangpanawda kadagiti pagtaenganda, ket agdaliasatda iti daga ti Missouri.

4 Ket no la ketdi napudnoda kaniak, maipakaammonto kadakuada ti aramidenda;

5 Ken kasta met, no la ketdi napudnoda, a maipakaammonto kadakuada ti adaga a tawidenyo.

6 Ket no saanda a napudno, maisinadanto, a kas iti pagayatak, a namnamaek a nasayaat.

7 Ket manen, pudno kunak kadakayo, pagdaliasatenyo a sipapardas ni katulongak a Lyman Wight ken ni katulongak a John Corrill;

8 Ken kasta met ni katulongak a John Murdock, ken ni katulongak a Hyrum Smith, nga agdaliasat iti isu met la a lugar a magna iti Detroit.

9 Ket pagdaliasatenyo ida bayat ti panangikasabada iti balikas iti dalan, nga aawan ti sabali a banag nga ibagada malaksid ti insurat dagiti bpropeta ken apostol, ken ti insuro kadakuada ti cMangliwliwa babaen ti kararag ti pammati.

10 Ibaonyo ida a asagdudua, ket iti kasta pangasabaenyo ida iti dalan iti tunggal paguummongan, a mamuniag babaen ti bdanum, ken ti panangipatay iti cdakulap iti asideg ti danum.

11 Ta kastoy ti kinuna ti Apo, apagbiitto nga ipatungpalko ti aramidko iti akinalinteg, ta dumtengto dagiti aldaw a panangukomko a naballigian.

12 Ket pagannadenyo ni katulongak a Lyman Wight, ta tarigagayanto ni Satanas a agasagasen a kasla taep.

13 Ket adtoy, isu a anapudno maaramidto a mangituray iti amin a banag.

14 Ket manen, itedkonto kadakayo ti pagtuladan iti amin a banag, tapno saankayo a maallilaw; ta agdakdakiwas ni Satanas iti daga, a di agsardeng a mangallilaw kadagiti pagilian—

15 Gapuna isu nga agkararag, a asibababawi ti espirituna, isu ti bawatek no tungpalenna dagiti cordinansak.

16 Isu nga agsao, a sibababawi ti espirituna, a naemma ken itandudona ti pagsasaona, isu met laeng iti Dios no tungpalenna dagiti ordinansak.

17 Ket manen, isu nga agkintayeg iti babaen ti bilegko amapapigsanto, ken mangidateng iti bungbunga iti panagdayaw ken bkinasirib, a maibatay kadagiti paltiing ken kinapudno nga intedko kadakayo.

18 Ket manen, isu a marimbawan ken saan a amangidateng iti bungbunga, a kas maibatay iti daytoy a pagtuladan, saan a para kaniak.

19 Gapuna, babaen daytoy a pagbasaran amaammuanyo dagiti espiritu iti amin a kasasaad iti babaen ti sibubukel a langit.

20 Ket dimtengen dagiti aldaw; maibatay iti pammati dagiti tao amaaramidto kadakuada.

21 Adtoy, naited daytoy a bilin kadagiti amin nga elder a pinilik.

22 Ket manen, pudno kunak kadakayo, pagdaliasatenyo ni katulongak a aThomas B. Marsh ken kasta met ni katulongak nga Ezra Thayre, a mangikasaba iti balikas iti dalan nga agturong iti daytoy isu met la a daga.

23 Ket manen, pagdaliasatenyo ni katulongak nga Isaac Morley ken ni katulongak nga Ezra Booth, a mangikasaba met iti balikas iti dalan nga agturong iti daytoy isu met la a daga.

24 Ket manen, pagdaliasatenyo dagiti katulongak a da aEdward Partridge ken Martin Harris a kaduada dagiti katulongak a da Sidney Rigdon ken Joseph Smith, Jun.

25 Pagdaliasatenyo met dagiti katulongak a da David Whitmer ken Harvey Whitlock, ket mangasabada iti dalan nga agturong iti daytoy isu met la a daga.

26 Pagdaliasatenyo met dagiti katulongak a da aParley P. Pratt ken bOrson Pratt, ket mangasabada iti dalan, nga agturong pay iti daytoy isu met la a daga.

27 Kasta met a pagdaliasatenyo dagiti katulongak a da Solomon Hancock ken Simeon Carter iti daytoy met la a daga, ket mangasabada iti dalan.

28 Pagdaliasatenyo met dagiti katulongak a da Edson Fuller ken Jacob Scott.

29 Pagdaliasatenyo met dagiti katulongak a da Levi W. Hancock ken Zebedee Coltrin.

30 Pagdaliasatenyo met dagiti katulongak a da Reynolds Cahoon ken Samuel H. Smith.

31 Pagdaliasatenyo met dagiti katulongak a da Wheeler Baldwin ken William Carter.

32 Ken pagdaliasatenyo met dagiti katulongak a da aNewel Knight ken Selah J. Griffin nga agpada a naordenan.

33 Wen, pudno kunak, pagdaliasatenyo amin dagitoy iti maymaysa a lugar, iti agduduma a dalan, ket saan a mangbangon ti maysa a tao iti apamuon ti sabali, wenno agdaliasat iti sabali a turong.

34 Isu a napudno, isunto met laeng ti mataginayon ken maparaburan iti adu a abunga.

35 Ket manen, kunak kadakayo, pagdaliasatenyo dagiti katulongak a da Joseph Wakefield ken Solomon Humphrey iti dagdaga iti dumaya;

36 Pagtrabahuenyo ida kadagiti kaamaanda, amangipakdaar iti awan sabali a banag no di dagiti propeta ken apostol, a bnakita ken nangngeganda ken kangrunaanna a maipaneknekda a cpatienda, tapno matungpal dagiti padto.

37 Iti pannakapasamak ti panaglabsing, aalaenyo manipud ken ni Heman Basset ti naisagut kenkuana, ket ikabilyo iti ulo ni Simonds Ryder.

38 Ket manen, pudno kunak kadakayo, aordenanyo a saserdote ni Jared Carter, kasta met ni George James a maordenan a bsaserdote.

39 aPabantayanyo kadagiti nabati kadagiti elder dagiti simbaan, ket ipakdaarda ti balikas kadagiti lugar iti aglawlawda; ket pagtrabahuenyo ida kadagiti imada tapno awan ti maaramid a bpanagrukbab iti didiosen wenno kinadangkes.

40 Ket laglagipenyo iti amin a banag dagiti anakurapay ken bagkasapulan, dagiti masaksakit ken agsagsagaba, ta isu a di mangaramid kadagitoy a banag, saan nga isu ti disipulok.

41 Ket manen, pangalaenyo da Joseph Smith, Jun., ken Sidney Rigdon ken Edward Partridge iti apangyam-ammo manipud iti simbaan. Ket adda met maysa a madawat a para iti katulongak a ni Oliver Cowdery.

42 Ket kastoy, a kas iti nasaokon, no napudnokayo ummongenyo ti bagbagiyo a sangsangkamaysa nga agrag-o iti daga ti aMissouri, a daga a btawidyo, a daga itan dagiti kabusoryo.

43 Ngem, adtoy, siak, ti Apo, idaraskonto ti panawen ti siudad, ket balangatakto dagiti napudno iti aragsak ken iti panagrag-o.

44 Adtoy, siak ni Jesucristo, ti Anak ti Dios, ket aitag-aykonto ida iti maudi nga aldaw. Pudno a kasta. Amen.