Benneg 78
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:255–257). Ti bilin nga inted ti Apo ken ni Joseph Smith para iti pannakabangon ti pagidulinan iti agpaay kadagiti marigrigat. Saan a kanayon a makaay-ayo ti pannakaipakaammo iti lubong ti kinasiasino dagiti tao nga inagapad ti Apo kadagiti paltiing; ngarud, iti pannakaipablaak daytoy ken sumagmamano a simmaruno a paltiing naagapad dagiti kabsat iti sabali a saan a ti pudno a naganda. Idi saanen a nasken ti pannakailimed ti nagan dagiti di am-ammo a tao, naiteden ti pudno a naganda manipud idin iti saklot ti pangidasig. Gapu ta saanen a nasken ita ti panagaramat iti parbo a nagan, dagiti laengen pudno a nagan ti naaramat ditoy a kas naited kadagiti orihinal a manuskrito.
1–4, Nasken a mangurnos ken mangbangon dagiti Santo iti pagidulinan; 5–12, Mangiturong iti pannakaisalakan ti nainsiriban a pannakaaramat dagiti sanikuada; 13–14, Nasken a nawaya ti Simbaan kadagiti naindagaan a bileg; 15–16, Agserbi ni Miguel (Adan) babaen ti panangiturong ti Nasantuan (Cristo); 17–22, Nagasat dagiti napudno, ta tawidendanto amin a banag.
1 Nagsao ti Apo ken ni Joseph Smith, Jun., a kinunana: Imdengandak, kinuna ti Apo a Diosyo, dakayo a naordenan iti anangato a kinasaserdote ti simbaanko, a nangummong iti bagbagiyo a sangsangkamaysa;
2 Ket denggenyo ti apammagbaga ti bnangorden kadakayo a naggapu iti ngato, a mangisao iti lapayagyo kadagiti nainsiriban a balikas, tapno mayetnag kadakayo ti pannakaisalakan iti dayta banag nga indatagyo kaniak, kinuna ti Apo a Dios.
3 Ta pudno kunak kadakayo, dimtengen ti kanito, ket asidegen; ket adtoy, ken imutektekanyo, nasken nga adda atimpuyog dagiti taok, iti pannakaipagna ken pannakaipasdek dagiti aramid iti bpagidulinan para kadagiti cnakurapay a taok, ditoy man a lugar ken iti daga ti dZion—
4 Para iti mataginayon ken agnanayon a pasdek ken urnos iti simbaanko, a mangipatungpal iti gagem, a nangikumitanyo iti bagiyo, para iti pannakaisalakan ti tao, ken iti dayag ti Amayo nga adda iti langit;
5 Tapno amaipataskayo iti binglay kadagiti nailangitan a banag, wen, ken kadagiti pay naindagaan a banag, para iti pananggun-od kadagiti nailangitan a banag.
6 Ta no saankayo a maipatas kadagiti naindagaan a banag saankayo a maipatas iti pananggun-od kadagiti nailangitan a banag;
7 Ta no kayatyo nga ikkankayo iti lugar iti acelestial a lubong, nasken nga bisaganayo ti bagbagiyo babaen ti cpanangaramidyo kadagiti banag nga imbilinko ken kinalikagumak kadakayo.
8 Ket ita, pudno kastoy ti kinuna ti Apo, nasken a maaramid ti amin a banag iti adayagko, babaen kadakayo a nagkaykaysa iti daytoy nga burnos;
9 Wenno, iti sabali a pannao, nasken nga iwanwan ni katulongak a Newel K. Whitney ken ni katulongak a Joseph Smith, Jun., ken ni katulongak a Sidney Rigdon dagiti santo nga adda iti Zion;
10 No saan gamgamen ni aSatanas a yadayo ti puspusoda iti kinapudno, tapno agbalinda a bulsek ket dida maawatan dagiti banag a naisagana a para kadakuada.
11 Gapuna, bilinenkayo, a mangisagana ken mangurnos iti bagbagiyo babaen ti pammatalged wenno agnanayon a akatulagan a saan a malabsing.
12 Ket asino man nga aglabsing pukawennanto ti akemna ken sasaadenna iti simbaan, mayawatto a apagrennekan ni Satanas agingga iti aldaw ti pannakasubbot.
13 Adtoy, daytoy ti panagsagana nga insaganak kadakayo, ken ti pamuon, ken ti pagarigan nga itedko kadakayo, a pakatungpalanyo kadagiti bilin nga itedko kadakayo;
14 A babaen ti tulongko, iti laksid dagiti apanagtutuok a maigabsuon kadakayo, tapno agtalinaed a nawaya ti simbaan kadagiti amin a naparsua iti sirok ti celestial a lubong;
15 Tapno matun-oyyo ti akorona a naisagana a para kadakayo, ket maaramidda nga bagturay kadagiti adu a pagarian, kinuna ti Apo a Dios, ti Naespirituan iti Zion, a nangipasdek kadagiti pamuon iti cAdan-ondi-Ahman;
16 A nangtuding ken ni aMiguel a prinsipeyo, ken nangipasdek kadagiti dapanna, ken nangitayok kenkuana iti ngato, ken intedna kenkuana dagiti tulbek ti pannakaisalakan babaen ti panangiwanwan ken panangiturong ti Naespirituan, nga awanan ti rugi dagiti aldaw wenno gibus ti biag.
17 Pudno, pudno, kunak kadakayo, babassitkayo nga ubbing, ket diyo pay la maawatan no kasano ti kinaindaklan dagiti bendision ti Ama nga adda kadagiti imana ken insaganana kadakayo;
18 Ket diyo pay la akabaelan amin a banag ita; nupay kasta, agragsakkayo, ta biturongkayo. Kukuayo ti pagarian ken dagiti paraburna, ken kukuayo pay dagiti kinabaknang ti ckinaagnanayon.
19 Ket isu nga umawat iti amin a banag a asiyayaman maidaydayawto; ket mainayonto kenkuana dagiti banag iti daytoy a daga, iti bmaminggasut, wen, ad-adu pay.
20 Gapuna, aramidenyo dagiti banag nga imbilinko kadakayo, kinuna ti Mannubbotyo, nga isu ti Anak nga aAhman, a mangisagana iti amin a banag sakbay nga balaennakayo;
21 Ta dakayo ti asimbaan ti Inauna, ket bitayabnakayonto iti ulep, ket itedna iti tunggal tao ti binglayna.
22 Ket isu a napudno ken amasirib nga bagaywan agtawidto iti camin a banag. Amen.