Benneg 87
Paltiing ken padto iti gubat, naited babaen ni Joseph Smith a Propeta, idi 25 ti Disiembre 1832 (History of the Church, 1:301–302). Naawat daytoy a benneg iti panawen a panagpampanunot ken panagsisinnukat ti kapanunotan dagiti kabsat maipapan iti pannakaadipen dagiti Aprikano iti kontinente ti America ken ti pannakaadipen dagiti annak ti tattao iti intero a lubong.
1–4, Naipadto ti gubat iti nagbaetan ti Amianan nga Estado ken ti Abagatan nga Estado; 5–8, Nakaro a didigra ti mapasamakto kadagiti amin nga agindeg iti daga.
1 Pudno, kastoy ti kinuna ti Apo maipanggep kadagiti gubat a mapasamakto iti saan a mabayag, a mangrugi iti yaalsa iti aAbagatan a Carolina, nga agbanagto iti ipapatay ken panagsagaba ti adu a kararua;
2 Ket umayto ti panawen nga agsaknapto ti agubat kadagiti amin a pagilian, manipud iti daytoy a lugar.
3 Ta adtoy, mabingayto ti Abagatan nga Estado a maibusor iti Amianan nga Estado, ket agayabto ti Abagatan nga Estado iti sabsabali a pagilian, uray pay ti pagilian ti Gran Britania, kas awagna, ken agayabdanto met iti sabsabali a pagilian, tapno masalaknibanda ti bagbagida kadagiti sabsabali a pagilian; kalpasanna agsaknapton ti agubat kadagiti amin a pagilian.
4 Ket mapasamakto, kalpasan ti adu nga aldaw, sarangtento dagiti aadipen dagiti amoda, a maisagananto ken masanayto iti gubat.
5 Ket mapasamakto pay a dagiti natda a mabati iti daga isaganadanto ti bagbagida, ket agbalinto a makapungtot unay, ket pagsagabaendanto dagiti Gentil iti nakaro a panagsagaba.
6 Ket iti kasta, babaen ti espada ken ti panagsayasay ti dara aagladingitto dagiti agindeg iti daga; ket babaen ti bbisin, ken angol, ken ginggined, ken ti gurruod iti langit, ken ti pay nakaam-amak ken natadem a kimat, ti pakariknaanto dagiti agindeg iti daga iti pungtot, ken gura, ken cpannusa ti ima ti Mannakabalin a Dios, agingga nga daggibus iti amin a pagilian ti naipaulog a naan-anay a pannakadadael;
7 A ti araraw dagiti santo, ken ti adara dagiti santo, saanton a dumanon kadagiti lapayag ti Apo a bMannakabalin, manipud iti daga, a maibales kadagiti kabusorda.
8 Gapuna, aagtakderkayo kadagiti nasantuan a lugar, ket saankayo nga aggaraw, agingga a dumteng ti aldaw ti Apo; ta adtoy, umay a di bagtantan, kinuna ti Apo. Amen.