Benneg 62
Paltiing a naited babaen ni Joseph Smith a Propeta, iti igid ti Karayan Missouri iti Chariton, Missouri, idi 13 ti Agosto 1831 (History of the Church, 1:205–206). Iti daytoy nga aldaw sinabat ti Propeta ken ti bunggoyna, iti panagturongda iti Kirtland manipud iti Independence, ti sumagmamano nga elder nga agturong iti daga ti Zion, ket kalpasan ti naragsak a panagkikinnablaaw, inawatda daytoy a paltiing.
1–3, Maisurat iti langit dagiti pammaneknek; 4–9, Agdaliasat ken mangasaba dagiti elder a maibatay iti panangukom ken kas iti panangiturong ti Espiritu.
1 Adtoy, ken imdenganyo, O dakayo nga elder ti simbaanko, kuna ti Apo a Diosyo, nga isu ni Jesucristo, ti amangibabaet kadakayo, a makaammo iti pagkapsutan ti tao ken no kasano a bmatulongan dagiti cnasulisog.
2 Ket pudno a naiturong dagiti matak kadagiti saan pay a napan iti daga a Zion; gapuna saan pay a naan-anay ti misionyo.
3 Nupay kasta, nagasatkayo, ta anaisurat iti langit ti imburayyo a bpammaneknek a kitaen dagiti anghel; ket naragsakanda kadakayo, ket cnapakawankayon kadagiti basolyo.
4 Ket ita ituloyyo ti agdaliasat. Ummongenyo ti bagbagiyo iti daga ti aZion; ket agmimitingkayo ken agragsakkayo a sangsangkamaysa, ket mangipaaykayo iti sakramento iti Kangatuan.
5 Ket kalpasanna mabalinyo ti agsubli a mamaneknek, wen, uray dakayo amin, wenno sagdudua, a kas iti namnamaenyo a nasayaat, awan ti aniamanna kaniak; agtalinaedkayo la ketdi a napudno, ket aipakdaaryo dagiti naimbag a damag kadagiti agindeg iti daga, wenno kadagiti paguummongan dagiti nadangkes.
6 Adtoy, siak, ti Apo, pinagkukuyogkayo tapno matungpal ti kari, tapno mataginayon dagiti napudno kadakayo ket agraragsakda a sangsangkamaysa iti daga ti Missouri. Siak, ti Apo, agkariak kadagiti napudno ket saanak a amakapagulbod.
7 Siak, ti Apo, siaannugotak, no asino man kadakayo ti agtarigagay nga agsakay iti kabalio, wenno iti mola, wenno iti karuahe, awatenna daytoy a bendision, no awatenna manipud iti ima ti Apo, a naimpusuan ti apanagyamanna iti amin a banag.
8 Nabati dagitoy a banag nga aramidenyo a maibatay iti panangukom ken ti panangiwanwan ti Espiritu.
9 Adtoy, kukuayo ti apagarian. Ken adtoy, ket imutektekanyo, kanayon nga baddaak kadagiti napudno. Pudno a kasta. Amen.