Benneg 60
Paltiing a naited babaen ni Joseph Smith a Propeta, iti Jackson County, Missouri, idi 8 ti Agosto 1831 (History of the Church, 1:201–202). Iti daytoy a pasken tinarigagayan dagiti elder a natudingan nga agsubli iti Daya a maammuan no kasano ti panagtuloyda ken no ania nga ayo ken wagas ti panagdaliasatda.
1–9, Nasken a mangasaba dagiti elder kadagiti paguummongan dagiti nadangkes; 10–14, Nasken a dida dadaelen ti panawenda, wenno ilemmeng ti kabaelanda; 15–17, Mabalinda a bugguan dagiti sakada a kas pammaneknek a maibusor kadagiti mangsupring iti ebanghelio.
1 Adtoy, kastoy ti kuna ti Apo kadagiti elder ti simbaanna, a sipapardas nga agsubli iti daga a naggapuanda: Adtoy, maragsakanak, ta immaykayo ditoy;
2 Ngem saanak unay a maragsakan kadagiti dadduma, ta dida ungapen dagiti angiwatda, ngem ilemmengda ti btalento nga intedko kadakuada, gapu iti cbutengda iti tao. Ay-ay pay dagiti kasta, ta maaronan ti pungtotko kadakuada.
3 Ket mapasamakto, no dida yad-adda ti agbalin a napudno kaniak, amaibabawinto, uray pay dagiti addan kadakuada.
4 Ta siak, ti Apo, ti agturay iti langit iti ngato, ken kadagiti abuyot iti daga; ket iti aldaw a panangpapintasko iti langa dagiti bgamengko, ammonto dagiti amin a tao ti ipasimudaag ti bileg ti Dios.
5 Ngem, pudno, agsaoakto kadakayo iti maipanggep iti panagdaliasatyo iti daga manipud iti daga a naggapuanyo. Agaramidkayo iti bapor, wenno gumatangkayo, no ania ti ammoyo a nasayaat, saan a nasken kaniak, ket rugianyo a dagus ti agdaliasat a mapan iti lugar a managan iti San Luis.
6 Ket manipud sadiay bay-anyo a mapan dagiti katulongak, a da Sidney Rigdon, Joseph Smith, Jun., ken Oliver Cowdery, nga agdaliasatda nga agpa-Cincinnati;
7 Ket iti daytoy a lugar bay-anyo nga agpukkawda ket ipakdaarda ti balikasko iti napigsa a timek, nga awanan iti pungtot wenno panagduadua, nga itag-ayda dagiti nasantuan nga ima kadakuada. Ta mabalinkayonto nga aramiden a anasantuan, ket bmapakawankayonto kadagiti basolyo.
8 Ket bay-anyo dagiti nabati nga agdaliasat manipud iti San Luis, a sagdudua, ket ikasabada ti balikas, a saan nga agdardaras, kadagiti paguummongan dagiti nadangkes, agingga nga agsublida kadagiti simbaan a naggapuanda.
9 Ket agpaay amin dagitoy iti pagimbagan dagiti simbaan; ta daytoy a panggep ti nangibaonak kadakuada.
10 Ket paibinglayyo iti katulongak a ni aEdward Partridge ti kuarta nga intedko kenkuana, iti pasetna kadagiti elder a nabilin nga agsubli.
11 Ket isu a makabael, paisubliyo kenkuana babaen ti mangibagi; ket isu a saan a makabael, kenkuana saan a kasapulan.
12 Ket ita agsaoak kadagiti nabati nga umayto iti daytoy a daga.
13 Adtoy, naibaonda a mangikasaba iti ebangheliok, kadagiti paguummongan dagiti nadangkes; gapuna, bilinek ida, a kastoy: Diyo adadaelen ti panawenyo, kasta met a diyo ilemmeng ti btalentoyo tapno saan a maammuan.
14 Ket kalpasan ti idadanonyo iti daga ti Zion, ket naikasabayon ti balikasko, dardarasenyo ti agsubli, a mangipakdaar kadagiti paguummongan dagiti nadangkes, a saan nga agdardaras, wenno aagpungtot wenno makiriri.
15 Ket pagpagenyo ti atapok iti saksakayo kadagiti saan nga umawat kadakayo, a saanda a makita, amangan ta mapagurayo ida, ngem iti nalimed; ket bugguanyo dagiti sakayo, a kas pammaneknek a maibusor kadakuada iti aldaw ti panangukom.
16 Adtoy, umdasen daytoy kadakayo, ken iti pagayatan ti nangibaon kadakayo.
17 Ken babaen ti ngiwat ni katulongak a Joseph Smith, Jun., maipakaammonto ti maipanggep kada Sidney Rigdon ken Oliver Cowdery. Dagiti nabati kalpasan daytoy. Pudno a kasta. Amen.