Benneg 89
Paltiing a naited babaen ni Joseph Smith a Propeta, iti Kirtland, Ohio, idi 27 ti Pebrero 1833 (History of the Church, 1:327–329). Kas nagbanagan ti miting dagiti nagkauna a kakabsat nga agar-aramat iti tabako, naiturong ti Propeta nga agutob maipanggep iti daytoy a banag; kas nagbanaganna nagdamag iti Apo maipanggep iti daytoy. Daytoy a paltiing, a maawagan iti Nainsiriban a Balikas, ti banagna. Immun-una a naisurat dagiti tallo nga umuna a bersikulo a kas naparegta a pakauna ken pangilawlawag ti Propeta.
1–9, Maiparit ti panagaramat iti arak, naingel nga inumen, tabako, ken dagiti napudot nga inumen; 10–17, Naisangrat nga aramaten ti tao ken dagiti ayup dagiti ruot, bungbunga, karne, ken bukbukel; 18–21, Panagtungpal iti paglintegan ti ebanghelio, a pakairamanan ti Nainsiriban a Balikas, ti mangipaay iti bendision a naindagaan ken naespirituan.
1 Ti aNainsiriban a Balikas, a para iti pagimbagan ti konseho dagiti nangato a saserdote, a naguummong iti Kirtland, ken ti simbaan, kasta met dagiti santo iti Zion—
2 Maipatulod a kablaaw; saan a babaen ti bilin wenno panangpilit, ngem babaen ti paltiing ken ti nainsiriban a balikas, a mangipakita iti bilin ken apagayatan ti Dios iti naindagaan a pannakaisalakan dagiti amin a santo kadagiti maudi nga aldaw—
3 Naited a pagbatayan nga addaan iti akari, a mainugot iti kabaelan dagiti nakapsut ken dagiti kakapsutan kadagiti amin a bsanto, a maawagan wenno mabalin a maawagan iti santo.
4 Adtoy, pudno, kastoy ti kuna ti Apo kadakayo: Kas banag dagiti adakes ken panggep a simmeksek ken sumeksekto iti puspuso dagiti bagkukunsabo a tao kadagiti maudi nga aldaw, cbinallaagankayo, ken palagipankayo, babaen ti pannangtedko kadakayo iti daytoy nainsiriban a balikas babaen ti paltiing—
5 A no asino man kadakayo ti uminum iti aarak wenno naingel nga inumen, adtoy, saan a nasayaat, wenno maiparbeng iti imatang ti Amayo, iti panangummongyo laeng iti bagbagiyo a mangidaton iti sakramento kenkuana.
6 Ket, adtoy, nasken nga arak, wen, anadalus nga arak, a dakayo ti nangisagana.
7 Ket manen, saan a para iti tian dagiti anaingel nga inumen, ngem pangbuggo kadagiti bagiyo.
8 Ket manen, saan a para iti abagi ti tabako, wenno para iti tian, ket saan a nasayaat a para iti tao, ngem ruot a para kadagiti garumiad ken amin a masakit a dinguen, a maaramat iti nasayaat a pangngeddeng ken kabaelan.
9 Ket manen, saan a para iti bagi wenno tian dagiti napudot nga inumen.
10 Ket manen, pudno kunak kadakayo, insangrat ti Dios dagiti amin a nasayaat a aruot a para iti bagi, nakabuklan, ken aramaten ti tao—
11 Tunggal ruot iti panawenna, ken tunggal bunga iti panawenna; aramaten amin dagitoy a siaannad ken asiyayaman.
12 Wen, kasta met ti akarne dagiti bayup ken dagiti tumatayab, siak, ti Apo, insangratko dagitoy nga aramaten ti tao a siyayaman; nupay kasta csagpaminsan koma ti pannakaaramatda;
13 Ket makaay-ayo kaniak a nasken a saanda a maaramat, iti laeng panawen ti panagtutudo, wenno lamiis, wenno bisin.
14 Naisangrat amin a abukel a para iti tao ken kadagiti ayup, a taraon ti biag, saan laeng a para kadagiti tao ngem kadagiti pay ayup iti talon, ken dagiti tumatayab iti langit, ken amin nga atap nga ayup nga agtaray wenno agkarayam iti daga;
15 Ket inaramid ti Dios dagitoy a para iti tao iti panawen laeng ti bisin wenno nakaro a pannakabisin.
16 Nasayaat amin a bukel a para iti taraon ti tao; kasta met ti bunga dagiti agkalatkat; nga agbunga, iti man daga wenno iti ngato—
17 Nupay kasta, trigo ti para iti tao, ken mais ti para iti baka, ken bukakaw ti para iti kabalio, ken senteno ti para kadagiti tumatayab ken baboy, ken para iti amin nga ayup iti talon, ken sebada para iti amin a maar-aramat nga ayup, ken para kadagiti saan a naingel nga inumen, a kas met iti sabali a bukel.
18 Ket amin a santo a makalagip a mangsalimetmet ken mangaramid kadagitoy a sao, situtudio a mangtungpal kadagiti bilin, amapasalun-atto ti pusegda ken pata dagiti tulangda;
19 Ket makasarakdanto iti asirib ken dakkel a kinabaknang iti bpannakaammo, a kas kadagiti nailemmeng a kinabaknang;
20 Ket aagtaraydanto a di mabannog, ken magnadanto a di agkapsut.
21 Ket siak, ti Apo, aagkariak kadakuada, a blabasanto ida ti mangdadael nga anghel, a kas kadagiti annak ti Israel, ket saannanto ida a papatayen. Amen.