Benneg 56
Paltiing a naited babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:186–188). Saan a marugian ni Ezra Thayre, ti natudingan nga agdaliasat nga agturong iti Missouri a kadua ni Thomas B. Marsh (kitaen ti benneg 52:22), ti misionna idi sisasaganan ti naud-udi. Saan a sisasagana ni Elder Thayre nga agtuloy iti panagdaliasatna gapu iti pannakairamanna kadagiti parikut iti Thompson, Ohio (kitaen ti paulo ti benneg 54). Sinungbatan ti Apo ti saludsod ti Propeta maipanggep iti dayta a banag babaen ti pannangtedna iti daytoy a paltiing.
1–2, Nasken a bagkaten dagiti Santo ti krusda ket surotenda ti Apo tapno magun-odda ti pannakaisalakan; 3–13, Agbilin ken mangwaswas iti bilin ti Apo, ket mapapanaw dagiti nasukir; 14–17, Ay-ayto dagiti baknang a di tumulong kadagiti nakurapay, ken ay-ayto dagiti nakurapay a di nasneban ti puspusoda; 18–20, Nagasat dagiti nakurapay a natarnaw ti panagpuspusoda, ta tawidendanto ti daga.
1 Imdenganyo, O tattao a amamatpati iti naganko, kuna ti Apo a Diosyo; ta adtoy, maaronan ti pungtotko kadagiti nasukir, ket maammuandanto ti imak ken ti pungtotko, iti aldaw ti bisasarungkar ken ti pungtot kadagiti pagilian.
2 Ket isu a di mangbagkat iti akrusna ken bsumurot kaniak, ken mangtungpal kadagiti bilinko, saanto a maisalakan.
3 Adtoy, siak, ti Apo, agbilin; ket isu a di aagtungpal bmaisinanto iti naituding a panawenko, kalpasan ti panagbilinko ket saan a natungpal ti bilinko.
4 Gapuna siak, ti Apo, agbilin ken amangwaswas, a kas iti namnamaek a nasayaat; ket amin dagitoy sungbatanto iti ulo dagiti bnasukir, kuna ti Apo.
5 Gapuna, waswasek ti bilin a naited kadagiti katulongak a da aThomas B. Marsh ken Ezra Thayre, ket ikkak iti baro a bilin ni katulongak a Thomas, nga agdaliasat a dagus nga agturong iti daga ti Missouri, ket sumurot met kenkuana ni katulongak a Selah J. Griffin.
6 Ta adtoy, winaswasko ti bilin nga intedko kadagiti katulongak a da Selah J. Griffin ken Newel Knight, a bunga ti kinasukir dagiti taok nga adda iti Thompson, ken dagiti yaalsada.
7 Gapuna, pagbatienyo ni katulongak a Newel Knight kadakuada; ket mapan ti kas iti kaadu ti mapan, a napnuan kaniak, ket idauluanna ida iti daga nga intudingko.
8 Ket manen, pudno kunak kadakayo, a nasken nga agbabawi ni katulongak nga Ezra Thayre iti akinapannakkelna, ken iti kinapaidamna, ket surotenna ti immuna a bilin nga intedko kenkuana maipanggep iti lugar a pagnaedanna.
9 Ket no aramidenna daytoy, iti kaawan ti naaramid a panagbibingay iti daga, matudinganto pay laeng a mapan iti daga ti Missouri;
10 No saan awatennanto ti kuarta nga imbayadna, ket panawannanto ti lugar, ken amaisinanto iti simbaan, kuna ti Apo a Dios dagiti pangen;
11 Ket nupay mapukaw ti langit ken ti daga, saanto a amapukaw dagiti balikasko, ngem matungpaldanto.
12 Ket no nasken a bayadan ni katulongak a Joseph Smith, Jun., ti kuarta, adtoy, siak, ti Apo, ti mangbayad manen kenkuana iti daga ti Missouri, tapno magunggonaanto manen dagiti awatenna a maibatay iti aramidda;
13 Ta umawatdanto iti maibatay iti aramidenda, a kas kadagiti daga a tawidenda.
14 Adtoy, kastoy ti kuna ti Apo kadagiti taok—adu a banag ti aramiden ken ibabawiyo; ta adtoy, dimmanon kaniak dagiti basolyo, ket saanda a mapakawan, gapu ta apabagbagaankayo iti bukodyo a wagas.
15 Ket saan a mapnek ti puspusoyo. Ket diyo tungpalen ti kinapudno, ngem amaayatankayo iti kinikillo nga aramid.
16 Ay-aykayo pay a abaknang a tattao, a dinto bmangted iti kinabaknangyo kadagiti cnakurapay, ta rukerento ti dkinabaknangyo dagiti kararuayo; ket daytoyto ti pagleddaanganyo iti aldaw ti isasarungkar, ken ti panangukom, ken ti pungtot: Limmabasen ti epanagani, naggibusen ti kalgaw, ket saan a naisalakan ti kararuak!
17 Ay-aykayo pay a anakurapay a tattao, a saan a nasneban ti puspusoda, ken saan a napnuan babawi dagiti espirituda, ken saan a mapnek dagiti buksitda, ken saan a mangikayakay iti im-imada kadagiti sanikua dagiti sabali a tao, nga addaan iti mata a napno iti bkinaagum, ken saan nga agtrabaho iti bukodyo nga ima!
18 Ngem nagasat dagiti anakurapay a natarnaw ti pusoda, a bnasneban ti puspusoda, ken napnuan babawi dagiti espirituda, ta makitadanto ti cpagarian ti Dios a dumteng iti bileg ken naindaklan a dayag a pakaisalakananda; ta kukuadanto ti taba ti ddaga.
19 Ta adtoy, umayto ti Apo, ket aitugotnanto ti pangsupapakna, ket gunggonaannanto ti tunggal tao, ket agrag-onto dagiti nakurapay;
20 Ket atawidento dagiti kaputotanda ti daga kadagiti agsasaruno a kaputotan, iti agnanayon nga awan inggana. Ket ita igibusko ti panagsao kadakayo. Pudno a kasta. Amen.