Dagiti Nasantuan a Kasuratan
Doktrina ken Katulagan 17


Benneg 17

Paltiing a naited kada Oliver Cowdery, David Whitmer, ken Martin Harris babaen ni Joseph Smith a Propeta, iti Fayette, Nueva York, idi Hunio 1829, sakbay ti pannakakitada kadagiti nakitikitan a pinanid a naglaon iti pakaammuan iti Libro ni Mormon (History of the Church, 1:52–57). Naadal da Joseph ken ti para suratna, ni Oliver Cowdery, manipud iti patarus dagiti pinanid ti Libro ni Mormon a tallo a naisangsangayan a saksi ti matudingan (kitaen ti Ether 5:2–4; 2 Nephi 11:3; 27:12). Natignay da Oliver Cowdery, David Whitmer, ken Martin Harris babaen ti makaparegta a tarigagay nga agbalin a tallo a naisangsangayan a saksi. Nagdamag ti Propeta iti Apo, ket naited daytoy a paltiing a kas sungbat babaen ti Urim ken Tumim.

1–4, Babaen ti pammati makitanto dagiti Tallo a Saksi dagiti pinanid ken sabsabali a nasagraduan a bambanag; 5–9, Mangted ni Cristo iti pammaneknek ti kinailangitan ti Libro ni Mormon.

1 Adtoy, kunak kadakayo, a nasken nga agtalekkayo iti balikasko, a no aramidenyo nga addaan naan-anay a panggep ti puso, amakitayonto dagiti bpinanid, ken kasta met ti kalasag, ti cespada ni Laban, ti dUrim ken Tumim, a naited iti ekabsat ni Jared iti bantay, idi nakisarita iti Apo a frupanrupa, ken dagiti gdatdatlag a mangiturturong a naited ken ni Lehi bayat ti kaaddana iti langalang, iti igid ti hNalabaga a Baybay.

2 Ket makitayonto ida babaen ti pammatiyo, a kas iti pammati dagiti nagkauna a propeta.

3 Ket kalpasan dayta a pannakagun-odyo iti pammati, ket makitayo ida kadagiti matayo, apaneknekanyonto ida, babaen ti bileg ti Dios;

4 Ket daytoyto ti aramidenyo tapno ni Joseph Smith, Jun., a katulongak, saanto a madadael, tapno mayegko dagiti nalinteg a panggepko kadagiti annak ti tattao iti daytoy nga aramid.

5 Ket paneknekanyonto a nakitayo ida, a kas iti katulongak a ni Joseph Smith, Jun., a nakakita kadakuada; ta nakitana ida babaen ti bilegko, ken gapu ta adda pammatina.

6 Ket impatarusna ti alibro, a kas iti dayta bpaset nga imbilinko kenkuana, ket pudno a kas iti panagbiag ti Apo ken Diosyo.

7 Gapuna, naawatyo ti umasping a bileg, ken umasping a pammati, ken umasping a sagut a kas kenkuana;

8 Ket no aramidenyo dagitoy maudi a bilinko, a naitedkon kadakayo, awanto ti bael dagiti aruangan ti impierno kadakayo; ta umdas ti bparaburko kadakayo, ket cmaitan-okkayonto iti maudi nga aldaw.

9 Ket siak, ni Jesucristo, ti aApo ken ti Diosyo, nasaonan kadakayo, a mabalin a yegkonto dagiti nalinteg a panggepko kadagiti annak ti tattao. Amen.