Ngaahi Folofola
Tokāteline mo e Ngaahi Fuakava 44
ʻŪ Meʻa kuo Download
Tohí Kotoa (PDF)
ʻŪ Futinōutí

Hide Footnotes

Kaveingá

Vahe 44

Ko e fakahā naʻe fai kia Siosefa Sāmita ko e Palōfitá pea mo Sitenei Likitoni, ʻi Ketilani, ʻi ʻOhaiō, ʻi he konga fakamuimui ʻo Fēpueli 1831 (History of the Church, 1:157). Naʻe talangofua ʻa e Siasí ki he fekau ʻoku fakahā atu ʻi heni, naʻe tuʻutuʻuni ai ke fai ha konifelenisi ʻi he ʻuluaki konga ʻo Sune ka hoko maí.

1–3, ʻOku fekau ke fakataha ʻa e kaumātuʻá ʻi ha konifelenisi; 4–6, Kuo pau ke nau fokotuʻutuʻu ʻa kinautolu ʻo fakatatau ki he ngaahi lao ʻo e fonuá mo nau tokangaʻi ʻa e masivá.

1 Vakai, ʻoku folofola peheni ʻe he ʻEikí kiate kimoutolu ʻa ʻeku kau tamaioʻeiki, ʻoku ʻaonga kiate au ke ui ʻa e kaumātuʻa ʻo hoku siasí ke nau fakataha mei he hahaké mo e hihifó mo e tokelaú mo e tongá, ʻaki ha tohi pe ha toe founga ʻe taha.

2 Pea ʻe hoko ʻo pehē, ʻe fakatatau ki heʻenau tui faivelengá, mo ngāue ʻaki ʻa e tui kiate aú, te u huaʻi hifo ʻa hoku aLaumālié kiate kinautolu ʻi he ʻaho te nau fakataha aí.

3 Pea ʻe hoko ʻo pehē, te nau ʻalu atu ki he ngaahi potu takatakaí, ʻo amalanga ʻaki ʻa e fakatomalá ki he kakaí.

4 Pea ʻe afakaului ʻa e tokolahi, ʻo aʻu ki hoʻomou maʻu ʻa e mālohi ke fokotuʻu ʻa kimoutolu ʻo bfakatatau ki he ngaahi lao ʻa e tangatá;

5 Koeʻuhí ke ʻoua naʻa maʻu ʻe homou ngaahi afilí ha mālohi kiate kimoutolu; koeʻuhí ke maluʻi ʻa kimoutolu ʻi he ngaahi meʻa kotoa pē; koeʻuhí ke mou lava ʻo tauhi ʻeku ngaahi fonó; koeʻuhí ke lava ʻo maumauʻi ʻa e ngaahi haʻi kotoa pē ʻa ia ʻoku feinga ai ʻa e filí ke fakaʻauha ʻa hoku kakaí.

6 Vakai, ʻoku ou pehē kiate kimoutolu, kuo pau ke mou aʻaʻahi ki he masivá pea mo e faingataʻaʻiá pea tokoni ki honau fakafiemālieʻí, koeʻuhí ke tauhi ʻa kinautolu kae ʻoua ke fai ʻa e ngaahi meʻa kotoa pē ʻo fakatatau ki heʻeku fono kuo mou maʻú. ʻĒmeni.