Isigaba 137
Umbono owanikwa uJoseph Smith umPhrofethi, ethempelini eKirtland, e-Ohio, ngomhlaka 21Â Januwari, 1836. Kwakungesikhathi kwenziwa izimiso kulungiselelwa ukungcweliswa kwethempeli.
1–6, UmPhrofethi ubona umfowabo u-Alvin embusweni wesilestiyali; 7–9, Imfundiso ngensindiso yabafileyo iyembulwa; 10, Bonke abantwana basindiswa embusweni wesilestiyali.
1 Amazulu savulelwa wona, ngase ngibona umbuso wesilestiyali kaNkulunkulu, nenkazimulo yawo, noma ngangisemzimbeni noma ngangingekho angazi.
2 Ngabona ubuhle be sango obubabazekayo okuzongena kulo izindlalifa zalowo mbuso, obabufana namalangabi omlilo azungezayo;
3 Futhi nesi vuthayo isihlalo sobukhosi sikaNkulunkulu, kuso okwakuhleli uBaba ne Ndodana.
4 Ngabona imigwaqo emihle yalowo mbuso, eyayibonakala sengathi yayenziwe nge golide.
5 Ngabona uBaba u-Adamu no-Abrahama; futhi no baba no mama; nomfowethu u-Alvin, osewalala kudala;
6 Futhi ngamangaliswa wukuthi walithola kanjani ifa kulowo mbuso, ngokuba wayedlule kulomhlaba ngaphambi kokuba iNkosi yelule isandla sayo ukuqoqa u-Israyeli okwesibili, futhi wayengazange abhabhadiswe ukuze kuthethelelwe izono.
7 Lasho kanje izwi leNkosi kimi, lithi: Bonke abafe ngaphandle kolwazi lwalelivangeli, abebe zolemukela ukuba babevunyelwe ukuphila, bayokuba yizindlalifa zo mbuso wesilestiyali kaNkulunkulu;
8 Futhi bonke abayokufa kusuka manje ngaphandle kokulazi, abebe zolemukela ngezinhliziyo zabo zonke, bayoba yizindlalifa zalowo mbuso.
9 Ngokuba mina, iNkosi, ngizo kwahlulela bonke abantu ngokwe misebenzi yabo, ngokwe zifiso zezinhliziyo zabo.
10 Futhi ngaphinde ngabona ukuthi bonke abantwana abafa bengakafiki eminyakeni yokuziphendulela basindiswa embusweni wesilestiyali wasezulwini.