Ìpín 131
Àwọn ìtọ́sọ́nà láti ọwọ́ Wòlíì Joseph Smith, tí a fifúnni ní Ramus, Illinois, 16 àti 17 Oṣù Karun 1843.
1–4, Ìgbéyàwó sẹ̀lẹ́stíà jẹ́ pàtàkì sí ìgbéga ológo ní ibi gíga jùlọ ní ọ̀run; 5–6, Bí a ṣe nfi èdìdí di àwọn ènìyàn sí ìyè ayérayé ni a ṣe àlàyé rẹ̀; 7–8, Gbogbo ẹ̀mí jẹ́ ohun èlò.
1 Nínú ògo ti sẹ̀lẹ́stíà àwọn ọ̀run tàbí àwọn ìpele mẹ́ta ni wọ́n wà;
2 Àti ní ètò láti gba èyí tí ó ga jùlọ, ènìyàn gbọdọ̀ wọlé sí inú ètò ti oyè àlùfáà yìí [tí ó túmọ̀ sí májẹ̀mú titun àti àìlópin ti ìgbéyawó];
3 Bí òun kò bá sì ṣe é, òun kò le gbà á.
4 Òun lè wọ inú òmíràn, ṣùgbọ́n èyí ni yíò jẹ́ òpin ìjọba rẹ̀; òun kì yíò ní àlékún kan.
5 (Oṣù Karun 17, 1843.) Ọ̀rọ̀ àṣọtẹ́lẹ̀ tí ó fẹsẹ̀múlẹ̀ jù túmọ̀ sí pé ènìyàn ní ìmọ̀ pé a fi èdìdi di òun sí ìyè ayérayé, nípasẹ̀ ìfihàn àti ẹ̀mí ìsọtẹ́lẹ̀, nípasẹ̀ agbára ti Oyè Àlùfáà Mímọ́.
6 Kò ṣeéṣe fún ènìyàn kan láti di gbígbàlà nínú àìmọ̀kan.
7 Kò sí irú ohun náà bíi àìwúlò. Gbogbo ẹ̀mí ni ohun èlò, ṣùgbọ́n ó jẹ́ dídara tàbí àìlábàwọ́n, a sì le dáa mọ̀ nípa ojú tí ó jẹ́ àìlábàwọ́n jù nìkan;
8 A kò lè rí i; ṣùgbọ́n nígbàtí ara wa bá di sísọ di mímọ́ àwa yíò lè ríi pé gbogbo rẹ̀ jẹ́ ohun èlò.