Ìpín 126
Ìfihàn tí a fi fúnni nípasẹ̀ Wòlíì Joseph Smith, ní ilé Brigham Young, ní Nauvoo, Illinois, 9 Oṣù Keje 1841. Brígham Young ṣẹ̀ṣẹ̀ padà dé sí ọ̀dọ̀ ẹbí rẹ̀ ní Nauvoo láti ibi iṣẹ́ ìránṣẹ́ kan sí England tí ó fẹ́rẹ́ tó ọdún méjì.
1–3, Brigham Young ni a yìn fún àwọn iṣẹ́ rẹ̀ tí a sì rọ̀ lóókún níti ìrìnàjò ọjọ́ iwájú sí ilẹ̀ òkèèrè.
1 Arákùnrin ọ̀wọ́n àti àyànfẹ́-gidi, Brigham Young, lóotọ́ báyìí ni Oluwa wí fún ọ: Ìránṣẹ́ mi Brígham, a kò béèrè lọ́wọ́ rẹ mọ́ láti fi ẹbí rẹ sílẹ̀ bíi ti àwọn ìgbà àtẹ̀hìnwá, nítorí ẹbọ- ọrẹ rẹ jẹ́ ìtẹ́wọ́gbà sí mi.
2 Èmi ti rí iṣẹ́ àti làálàá rẹ ní rírin àwọn ìrìnàjò fún orúkọ mi.
3 Nítorínáà mo pàṣẹ fún ọ láti rán ọ̀rọ̀ mi sí òkèèrè, kí o sì ṣe àmòjùtó pàtàkì ti ẹbí rẹ láti àkókò yìí, láti ìgbà yìí lọ àti títí láé. Àmín.