Vunau kei na Veiyalayalati 124
    Footnotes

    Wase 124

    Na veika sa vakatakilai vei Josefa Simici na Parofita mai Nauvu, Ilinoi, ena 19 ni Janueri 1841. Ena vuku ni veivakacacani ka sa levu cake tikoga kei na ivalavala cala vakalawa eso era sa vorati tiko kina mai vei ira na vakailesilesi vakamatanitu, era sa nanuma kina na Yalododonu me ra sa biuti Misuri. Na ivakaro ni veivakamatei se veivakasevi ka soli mai vei Liliponi W. Bokasi, na kovana kei Misuri ena 27 ni Okotova 1838, sa sega tale kina ni dua na ka e rawa ni ra cakava. Ena gauna a vakaraitaki kina na ivakatakila oqo ena yabaki 1841, era sa tara oti tu kina na Yalododonu na koro ko Nauvu ena vanua a dau tu kina e liu na koro ko Komesi e Ilinoi, sa tauyavutaki eke na itikotiko liu ni lotu.

    1–14, Sa vakaroti ko Josefa Simici me tukuna vakadoudou na kosipeli vua na peresitedi kei Amerika, vei ira na kovana, kei na iliuliu ni veimatanitu; 15–21, Era sa vakalougatataki ko Airame Simici, Tevita W. Peteni, Josefa Simici Levu, ka vakakina e lewe vuqa era sa bula tiko kei ira na sa mate, ena vuku ni nodra yalodina ka ivalavala savasava; 22–28, Era sa vakaroti na Yalododonu me ra tara e rua na vale, e dua me nodra ivakavakacegu na vulagi ka dua na valetabu e Nauvu; 29–36, Me vakayacori ena valetabu na papitaiso ena vukudra na sa mate; 37–44, Era sa dautara na valetabu na tamata ni Turaga me vakayacori kina na veicakacaka tabu vakalotu; 45–55, Era sa vagalalataki na Yalododonu ena icolacola ni kena tara na valetabu ena yasayasa vaka-Jekesoni, ni ra sa vakaleqa na nodra cakacaka ko ira na nodra meca; 56–83, Vakaroti na veika me caka ena tara ni Vale ni Nauvu; 84–96, Lesi me peteriaki ko Airame Simici, me ciqoma na idola eso ka sosomitaki Oliva Kaudari; 97–122, Sa vunauci ko Viliame Lo kei na so tale, ena vuku ni nodra cakacaka; 123–145, Cavuti na yacadra me ra vakailesilesi liu kei na ilesilesi tale e so, vakamacalataki na nodra itavi kei na kuoramu era lewena.

    1 Sa kaya vakaidina vakaqo na Turaga vei iko, Josefa Simici na noqu tamata, Au sa vakadonuya na nomu kerekere ka ciqoma na nomu vakatutusa me vaka ko sa vakayacora; ena vuku ni ka oqo au sa tuberi iko kina, me’u vakaraitaka yani na noqu yalomatua ena veika amalumalumu ni vuravura.

    2 Na nomu masu au sa ciqoma; ia me kedra isau au sa kaya kina vei iko, ni ko sa lesi ena gauna sara ga oqo mo vunautaka yani na noqu kosipeli, ka vakakina na aiteki oqo kau sa tura me vatu ni tutu kei Saioni, ka na boro taliva me vakatautauvatataki ki na dua na itikotiko vakaturaga.

    3 Ia ena tukuni yani na ivakaro vei ira kece na atui e vuravura, ki na kena tutu vava, ki vua na peresitedi sa digitaki, kei ira na kovana dokai ni vanua oqo ko ni tiko kina, ka vakakina vei ira na veimatanitu e delai vuravura.

    4 Raica ena volai ena ayalomalua kei na kaukauwa ni Yalo Tabu, ka na tiko vei iko, ena gauna ko na vola kina na veika oqo;

    5 Ni na solia vei iko na Yalo Tabu mo kila na lomaqu ena vukudra na tui kei ira na vakaitutu ni vakataulewa, io na veika tale ga ena yaco vei ira ena gauna mai muri.

    6 Ia, raica, sa vakarau meu na kerei ira me ra raica na iserau kei na lagilagi kei Saioni, ni sa yaco mai na gauna me vakalagilagi kina.

    7 O koya mo kaci kina vakadomoilevu vei ira, kei na nomu ivakadinadina, kakua ni rerevaki ira, ni ra sa vaka ga na aco, kei na nodra lagilagi sa vaka na sena ni na sega ni dede sa lutu, me na sega kina ni dua na nodra iulubale—

    8 Ia meu na sikovi ira kina ena siga ni veitotogitaki, na gauna au na cereka kina na iubi ni mataqu, meu na lesia kina vua na dau veivakararawataki na nona tikina ena kedra maliwa na dauveivakaisini, na vanua ni avakasequruqurubati, kevaka era sa sega ni vakabauti ira na noqu tamata kei na kequ ivakadinadina kau sa vakatakila vei ira.

    9 Kei na dua tale, au na sikovi ira ka vakamalumalumutaka na lomadra, e vuqa vei ira me na yaga vei kemudou, mo dou kune loloma soli wale kina e matadra, me na cilavi ira kina na ararama ni dina, kei ira na kai Matanitu Tani me vakacerecerei se laveti cake kina ko Saioni.

    10 Raica ena yaco kusarawa na siga ni noqu veitotogitaki, io ena aauwa dou sa sega ni namaka kina; ia evei me ra na dro bula kina na noqu tamata, se na vanua era na vakaruru kina ko ira na kena vo?

    11 Dou yadra mai, Oi kemudou na tui kei vuravura! Dou lako mai, io, dou lako mai ka kauta mai na nomudou koula kei na nomudou siliva, me ra vukei kina na noqu tamata, ki na nodra vale na gone yalewa ni Saioni.

    12 Kei na dua tale, au sa kaya vakaidina vei iko, me vukei iko na noqu tamata ko Ropate B. Tomuseni ena volai ni ivakaro oqo, ni’u sa vakadonui koya sara, me tiko vata kei iko.

    13 Me muria kina ko koya na nomu ivakasala, ka’u na vakalougatataki koya ena veivakalougatataki e vuqa; me na yalodina ka dina tikoga ko koya ena veika kece sara me tekivu mai na gauna oqo ka lako yani, ia ena cecere ko koya e mataqu;

    14 Ia me nanuma tiko ko koya, ni’u na gadreva e ligana na veika e sa aveiqaravi kina.

    15 Kei na dua tale, au sa kaya vakaidina vei iko, sa kalougata sara ko aAirame Simici na noqu tamata; ni’u sa lomani koya koi Au na Turaga ena vuku ni bdina ni lomana, kei na nona dau taleitaka na veika e dodonu e mataqu, sa kaya na Turaga.

    16 Ka dua tale, me na vukei iko tale ga ko Joni C. Beneti na noqu tamata ena nomu cakacaka ena kena vunautaki yani na noqu vosa vei ira na tui kei ira na lewei vuravura, ka me tu e yasamu, io ko iko Josefa Simici na noqu tamata, ena auwa ni nomu vakararawataki; ia kevaka sa ciqoma tiko na aivakasala ena rawata vakaidina na kena isau.

    17 Ia ena nona loloma ena vakacerecerei kina ko koya, ni na noqu ko koya kevaka sa vakayacora na veika oqo, sa kaya na Turaga. Au sa raica na cakacaka sa vakayacora, au na ciqoma kevaka ena tomana tiko, ka’u na vakaisalataki koya ena veivakalougatataki kei na lagilagi e cecere.

    18 Kei na dua tale, au sa kaya vei iko ni sa noqu lewa me tomana tiko ko Laimeni Waiti na noqu tamata na nona vunau tiko me baleti Saioni, io me ia ena yalomalua, me vakatusai au ki vuravura; kau na tabei koya cake me vaka ena taba ni aikeli; ia ena rawata na lagilagi kei na vakarokorokotaki vua ka vakakina ki na yacaqu.

    19 Ia ni sa vakacavara na nona cakacaka, au na qai kauti koya vei au, me vaka au a kitaka vei aTevita Peteni na noqu tamata, ka keirau sa tiko vata oqo, io vei bEtuwate Patereji tale ga na noqu tamata, io kei cJosefa Simici Levu tale ga na noqu tamata qase, ka sa tiko oqo ena liga imatau di Eparaama, raica sa vakalougatataki ka lagilagi sara ko koya, ni sa noqu.

    20 Kei na dua tale, au sa kaya vakaidina vei iko, ni sa sega ni tiko na yalo ni aveivakaisini vei Joji Mila na noqu tamata; sa rawa ni vakabauti ena vuku ni nona sa tamata yalodina; kei na nona loloma ena vuku ni noqu ivakadinadina koi Au na Turaga, au lomani koya.

    21 O koya au sa kaya kina vei iko, ni’u sa vauca ki buradelana na itutu avakamatabisopi, me vakataki Etuwate Patereji na noqu tamata, me dau ciqoma na veika kece sa vakatabui ki na noqu vale, me qarava na nodra vakalougatataki o ira era dravudravua vei ira na noqu tamata, sa kaya na Turaga. Me kakua ni dua e beci Joji na noqu tamata, ni sa dau vakarokorokotaki au ko koya.

    22 Me ratou tara e dua na avale ki na yacaqu ko Joji na noqu tamata, kei Laimeni na noqu tamata, kei Joni Sinaida na noqu tamata kei na so tale, me vaka na vale ena vakaraitaka vei iratou ko Josefa na noqu tamata, ena vanua talega ena vakaraitaka vei iratou ko koya.

    23 Ka me na icili, na vale me ra na mai vakacegu kina na vulagi ka ra lako sara mai vakayawa; ia me tara vakavinaka sara, ka me kilikili kaya na kena ciqomi; me ra kunea kina na avulagi era sa oca tu mai vakalevu na vakacegu kei na veitaqomaki ni ra vakananuma tiko na vosa ni Turaga; kei na bvatu ni tutu au sa lesia me baleti Saioni.

    24 Raica kevaka sa tara na vale ena vuku ni yacaqu, sa na yaco me itikotiko bulabula, ia kevaka ena sega ni vakatara ko koya sa lesi me qarava, me curu yani kina e dua na ka dukadukali. Me na ka savasava, de na sega ni tiko kina na Turaga na nomu Kalou.

    25 Kei na dua tale, au sa kaya vakaidina vei iko, me ra lako mai na noqu yalododonu mai na veivanua vakayawa.

    26 Ia mo dou talai ira kusarawa yani na nomudou italai, io, ko ira na nomudou italai digitaki, ka kaya vei ira: Dou lako mai, vata kei na nomudou koula kecega, kei na nomudou siliva, kei na nomudou vatu talei, kei na nomudou iyau maroroi kecega; ia me ra lako tale ga mai ko ira na kenadau ni iyau maroroi; kei ira kecega era via lako mai me ra lako mai, me ra kauta mai na dilo, na damanu, kei na paini, kei na kau talei kecega e vuravura.

    27 Vata kei na kaukamea, kei na kopa, kei na parasa kei na kapa, kei na veika talei kecega ni vuravura; ka tara e dua na avale ki na yacaqu, me na mai btiko kina ko Koya sa Cecere Sara.

    28 Raica sa sega tale na vanua e kune e vuravura me na lako mai kina ka avakalesuya na veika sa yali vei kemudou, se na veika sa kauta tani ko koya, io na ilesilesi taucoko sara mada ga ni matabete.

    29 Raica sa sega tu e vuravura na tobu ni apapitaiso, io me ra bpapitaisotaki kina ko ira na noqu yalododonu ena vukudra na sa mate—

    30 Raica sa rawa wale ga ni vakayacori na cakacaka vakalotu oqo ena noqu vale, ia au na qai vakadonuya wale ga kevaka e caka ena noqu vale, vakavo ga ena gauna ni nomudou dravudravua, ka dou na sega kina ni rawa ni tara e dua na vale vei au.

    31 Ia au sa vakaroti kemudou, oi kemudou kece na noqu yalododonu, mo dou tara e dua na vale vei au; kau sa solia vei kemudou na gauna e rauta mo dou atara kina e dua na vale vei au; ia ena gauna oqori au na ciqoma kina na papitaiso me baleti ira na mate e sega ni caka ena valetabu.

    32 Ia raica, ni sa oti na gauna oqori, au sa na sega ni vakadonuya na nomudou veipapitaisotaki ena vukudra na mate; ia kevaka dou na sega ni vakayacora na veika oqo ena loma ni gauna ko ya, au na sega ni vakadonui kemudou vakamatalotu, kei ira na nomudou mate, sa kaya na Turaga na nomudou Kalou.

    33 Niu sa kaya vakaidina vei kemudou, ni sa solia oti vei kemudou na gauna mo dou tara kina vei au e dua na vale, na vanua e dodonu me vakayacori kina na cakacaka vakalotu ni veipapitaisotaki ena vukudra na sa mate, ia me vaka ni sa tauyavutaki me vakakina ni se bera ni tauyavutaki ko vuravura, sa na sega ni dodonu vei au na nomudou veipapitaisotaki vei ira na nomudou mate;

    34 Ni na vakayacori kina na veilesi ki na aidola ni matabete tabu, mo ni rokovi kina ka vakalagilagi.

    35 Ia ni sa cava na gauna sa soli tu oqori, au sa na sega ni vakadonuya na nomudou veipapitaisotaki ena vukudra na sa mate, mai vei ira ena veivanua tani, sa kaya na Turaga.

    36 Ni sa lesi tu ko Saioni, ka vakakina na kena veiteki, vata kei Jerusalemi, na veivanua oqori au sa lewa me aidrodro, me ra vanua mo dou veipapitaisotaki kina ena vukudra na nomudou mate.

    37 Kei na dua tale, au sa kaya vakaidina vei kemudou, me na dodonu vakaevei vei au na nomudou aveisavai, vakavo kevaka e vakayacori ena dua na vale dou sa tara ki na yacaqu.

    38 Ena inaki oqo au sa vakaroti Mosese kina me tara e dua na avale cavu, me ra kauta voli vata kei ira ena lekutu, ka me ra qai tara e dua na bvale ena vanua yalataki, me na vakatakilai kina na veicakacaka vakalotu oqo ka a vunitaki tu ni bera ni tauyavu ko vuravura.

    39 O koya au sa kaya kina vakaidina vei kemudou, na nomudou aveilumuti, kei na nomudou veisavai, kei na nomudou bveipapitaisotaki ena vukudra na mate, kei na nomudou csoqoni tabu, kei na nomudou ivakananumi kei na nomudou disoro eso mai vei ira na luvei Livai, kei na nomudou ivakatakila ena nomudou eveivanua tabu sara ko dou na veivosaki kina, kei na nomudou lawa kei na lewa, me baleta na itekivu ni ivakatakila kei na tauyavu kei Saioni, kei na nodra vakalagilagi, vakarokorokotaki, kei na nodra edaumeni na lewena kece sara, sa lesi ena cakacaka vakalotu ena noqu vale tabu, ka ra sa dau vakaroti na tamata me ra tara ena yacaqu.

    40 Ka’u sa kaya vakaidina vei kemudou, me tara na vale oqo ki na yacaqu, me’u vakatakila kina na noqu cakacaka vakalotu vei ira na noqu tamata;

    41 Ni’u nanuma ni sa kilikili me’u avakatakila ki na noqu lotu na veika sa bvunitaki tu ni se bera ni tauyavutaki na vuravura, na veika e baleta na itabagauna ni ctaucoko ni gauna.

    42 aKau na vakaraitaka vei Josefa na noqu tamata na veika kece e baleta na vale oqo, kei na kena matabete, kei na vanua me na tara kina.

    43 Raica mo dou tara ena vanua dou sa nakita tiko mo dou tara kina, ni sai koya oqori na vanua au sa digitaka mo dou tara kina.

    44 Kevaka dou sa cakacaka vagumatua, au na avakatabuya na tikina koya me vanua savasava sara.

    45 Ia kevaka era na muria na domoqu ko ira na tamata, kei na domodra na noqu aitalai ka’u sa digitaka me ra liutaki ira na noqu tamata, raica, au sa kaya vakaidina vei kemudou, era na sega sara ni vakayavalati rawa mai na nodra tikina.

    46 Ia kevaka era sa sega ni muria na domoqu, kei na domodra na tamata oqo kau sa lesia, era na sega ni vakalougatataki, baleta ni ra sa vakadukadukalitaka na vanua savasava, kei na noqu cakacaka tabu vakalotu, kei na lawa, kei na noqu vosa savasava au sa solia vei ira.

    47 Ka na qai yaco kevaka dou sa tara e dua na vale ki na yacaqu, ka sega ni vakayacora na veika au sa tukuna, au na sega ni cakava na abubului au sa vakayacora vei kemudou, ka sega talega ni vakataucokotaka na yalayala dou namaka mai ligaqu, sa kaya na Turaga.

    48 Ia ena aisosomi ni veivakalougatataki, ena vuku ni nomudou cakacaka, dou na kauta mai kina na cudruvi, na cudru waqawaqa, na isau ni ivalavala ca, kei na lewa ki na ulumudou, ena vuku ni nomudou yalowai, kei na nomudou veika vakasisila, dou dau vakayacora e mataqu, sa kaya na Turaga.

    49 E dina, e dina au sa kaya vei kemudou, ni’u sa solia e dua na ivakaro vua e dua vei ira na luve ni tamata me cakava e dua na cakacaka ena yacaqu, ka ra qai lako yani na luve ni tamata oqori ena nodra igu kei na veika kece e tu vei ira me ra cakava na cakacaka oya, ka asega ni guce kina, ia era qai lako mai na nodra meca me tarovi ira mai na nodra cakava na cakacaka oya, raica, au sa na lewa meu kakua tale ni btaroga na cakacaka oya ena ligadra na luve ni tamata oqori, ia meu ciqoma ga na veika era sa rawata.

    50 Ia na ca kei na talaidredre ki na noqu lawa savasava kei na ivakaro, au na atauca e uludra o ira era tarova na noqu cakacaka, me yacova na ikatolu kei na ikava ni bitabatamata, ena gauna kece era sega tu kina ni cveivutuni, ka cati au tiko, sa kaya na Turaga na Kalou.

    51 Ia, ena vuku ni ka oqo au sa ciqoma kina na veika era sa rawata ko ira au a vakarota me ra tara e dua na koro levu kei na dua na avale ki na yacaqu, mai bna yasayasa vaka-Jekesoni e Misuri, ka ra qai tarovi mai vei ira na nodra meca, sa kaya na Turaga na nomudou Kalou.

    52 Kau na sauma vei ira ena alewa, ena cudru waqawaqa, ena isau ni ivalavala ca, na tagiyaso, kei na yaluma, kei na vakasequruquru bati e uludra, ki na ikatolu kei na ikava ni itabatamata, ena gauna kece era sega tu kina ni veivutuni, ka cati au tiko, sa kaya na Turaga na nomudou Kalou.

    53 Ia oqo au sa vakayacora me ivakaraitaki vei kemudou, mo dou vakacegu kina koi kemudou kece sa vakaroti mo dou qarava e dua na cakacaka ka qai tarovi mai na ligadra na kemudou meca, kei na veivakararawataki, sa kaya na Turaga na nomudou Kalou.

    54 Ni koi Au na Turaga na nomudou Kalou, ka’u na vakabulai ira kecega na wekamudou sa asavasava na lomadra, era a bvakamatei ena vanua ko Misuri, sa kaya na Turaga.

    55 Kei na dua tale, au sa kaya vakaidina vei kemudou, au sa vakaroti kemudou tale mo dou tara e dua na avale ki na yacaqu, io ena vanua oqo, mo dou bvakadinadinataki kemudou kina vei au ni dou sa yalodina tikoga ena veika kecega au sa vakaroti kemudou kina, me’u vakalougatataki kemudou, ka vakaisalataki kemudou ena vakarokoroko, ena tawa mate rawa, kei na bula tawamudu.

    56 Ia oqo au sa kaya vei kemudou, me baleta na noqu abure ni vulagi ka’u sa vakarota mo dou tara me ra dau vakaicili kina na vulagi, me tara ki na yacaqu, ka me vakayacani ena yacaqu, me na dua na tikina me tiko kina ko Josefa kei na nona kawa, mai na itabatamata ki na itabatamata.

    57 Ni veilumuti au sa biuta e uluna, me na qai biu talega e uludra na nona kawa mai muri na nona veivakalougatataki.

    58 Ia me vaka au a kaya vei aEparaama me baleti ira na veimataqali kecega e vuravura, au sa tukuna tale ga vakakina vei Josefa na noqu tamata: Ena kalougata na veimataqali kecega e vuravura ena vukumu kei ira na nomu bkawa.

    59 Ia, me dua na tikina ena vale ko ya me nei Josefa na noqu tamata, kei ira na nona kawa, mai na itabatamata ki na itabatamata, me sega ni mudu ka sega ni mudu, sa kaya na Turaga.

    60 Ia me vakayacani na vale ko ya, na Vale ni Nauvu; me na itikotiko vinaka ka taleitaki vei ira na tamata, ka ivakavakacegu vua na vulagi lako, me na dau vakananuma kina na lagilagi kei Saioni, io na lagilagi ni vale oqo, na kena vatu ni tutu;

    61 Mo dou rogoca kina na nodra ivakasala ko ira au sa vakatikora me ra kedra acoke na rogo, ka bivakatawa ena kena bai.

    62 Raica, au sa kaya vakaidina vei kemudou, me ratou cokonaki iratou ko Joji Mila na noqu tamata, kei Laimeni Waiti na noqu tamata, kei Joni Sinaida na noqu tamata, kei Pita Ose na noqu tamata, ka digitaka e dua vei iratou me peresitedi ni nodratou kuoramu me baleta na kena tara na vale koya.

    63 Ia me ratou bulia e dua na yavu ni vakavulewa me baleta na kumuni ni ilavo me tara kina na vale ko ya.

    64 Me ratou kakua ni ciqoma e lailai sobu mai na limasagavulu na dola me nona ivotavota e dua na tamata, ena taukeni ni vale ko ya, ia sa vakadonui me ratou ciqoma e tinikalima na udolu na dola me nona ivotavota e dua ga na tamata.

    65 Ia e sega ga ni vakatarai me ratou taura e sivia e tinikalima na udolu na dola me nona ivotavota e dua ga na tamata.

    66 Ia e sega tale ga ni vakatarai me ratou ciqoma e lailai sobu mai na limasagavulu na dola me nona ivotavota e dua na tamata, ena taukeni ni vale ko ya.

    67 Raica e sega tale ga ni vakatarai me ratou vakadonuya vua e dua na tamata me lewa e dua na ka ena vale ko ya, ia ena qai rawa ga kevaka e sa solia sara na nona ivotavota ki ligadratou.

    68 Ia sa na vakatau na kaukauwa ni nona lewa ki na levu ni ivotavota sa sauma; ia kevaka e sega ni sauma ki ligadratou e dua na ka, ena sega tale ga ni lewa e dua na ka ena vale ko ya.

    69 Ia kevaka e dua sa solia na nona ivotavota ki ligadratou, sa okati me itaukei ni vale ko ya, io sa okati me nona kei ira na nona tabatamata ena muri koya mai, mai na itabatamata ki na itabatamata, kevaka era sa sega ni volitaka se solia yani ko koya vata kei ira na nona kawa na nodra ivotavota ena nodra lewa se na nodra cakacaka vakataki ira, kevaka dou na vakayacora na noqu lewa, sa kaya na Turaga na nomudou Kalou.

    70 Kei na dua tale au sa kaya vakaidina vei kemudou, kevaka eratou sa ciqoma e ligadratou ko Joji Mila na noqu tamata, Laimeni Waiti na noqu tamata, Joni Sinaida na noqu tamata, kei Pita Ose na noqu tamata e dua na ivotavota ena ilavo se iyauqaqa ena kena isau vakailavo, me ratou kakua sara ni vakayagataka vakatani, ia me vakayagataki ga me baleta na vale oqo.

    71 Ia kevaka eratou sa mani vakayagataka vakatani e dua na iwase ni ivotavota oqori ena dua tale na vanua ka sega ena vale oqo, e se bera ni duavata kina ko koya a solia mai, ka ra qai sega ni sauma lesu me vakavataki na kena levu ni ivotavota eratou vakayagataka ena dua tale na vanua, ka segai ena vale oqo, eratou na cudruvi, ka vakasivoi mai na nodratou itutu, sa kaya na Turaga na Kalou; ni koi Au, na Turaga, au sa Kalou, io au na sega ni avakalialiai ena dua na ka vakaoqo!

    72 Au sa kaya vakaidina vei kemudou, me solia tale ga ko Josefa na noqu tamata na ivotavota ki na ligadratou me baleta na tara ni vale oqo, me vaka e vinaka vua; ia ena sega ni rawa ni sauma ko Josefa na noqu tamata na ivotavota me sivia na tinikalima na udolu na dola ena vale oqo, ka sega talega ni rawa ni lailai sobu mai na limasagavulu na dola; sa vakatalega kina na tamata kecega, sa kaya na Turaga.

    73 Raica era sa tu talega eso era via kila na ka au sa lewa ena vukudra, ni ra a sa kerea oti vei au.

    74 O koya oqo au sa tukuna kina vei kemudou na veika e baleti Vinisoni Naiti na noqu tamata, raica kevaka sa via muria na noqu lewa, me solia tale ga na nona ivotavota ki na vale ko ya me baleti koya, ka vakakina na nona itabatamata mai muri, mai na itabatamata ki na itabatamata.

    75 Ia me tabalaka cake na domona me balavu ka rogolevu, me avakamamasu ena vukudra na dravudravua kei ira era leqa tu; me kakua sara ni guce ka kakua tale ga ni yalolailai; kau na bvakadonuya na nona vakacacabo, ni na sega ni vaka na vakacacabo nei Keni, ni sa noqu ko koya, sa kaya na Turaga.

    76 Me ra reki sara na lewe ni nona matavuvale ka kakua ni lomararawa tiko; ni’u sa digitaki koya ka lumuti koya, ena rokovi ena loma ni nona vale, ni’u na vosota na nona ivalavala ca kecega, sa kaya na Turaga. Emeni.

    77 Au sa kaya vakaidina vei kemudou, me solia tale ga ki na vale oqo na ivotavota e rawata ko Airame na noqu tamata me vaka e vinaka vua, me baleti koya kei na nona itabatamata mai muri, mai na itabatamata ki na itabatamata.

    78 Me biuta tale ga na nona ivotavota ki na vale oqo ko Aisake Qolani na noqu tamata; niu sa lomani koya sara koi Au na Turaga, ena vuku ni cakacaka sa vakayacora oti, ka’u na vosota na nona ivalavala ca kece sara; ia, me nanumi tiko ko koya ni sa wasei na tubu mai na vale ko ya mai na itabatamata ki na itabatamata.

    79 Mo dou lesi Aisake Qolani na noqu tamata, ka me tabaki koya ko Viliame Makisi na noqu tamata, ka vakalougatataki koya, me rau lako vata kei Airame na noqu tamata ka vakayacora na cakacaka sa talai rau kina ko Josefa na noqu tamata, erau na vakalougatataki vakalevu kina.

    80 Me sauma na nona ivotavota ena vale ko ya ko Viliame Makisi na noqu tamata, me vaka e vinaka vua, me baleti koya kei ira na nona itabatamata, mai na itabatamata ki na itabatamata.

    81 Me sauma talega ko Anare G. Seudi na noqu tamata, na ivotavota ki na vale ko ya, me vaka e vinaka vua, me baleti koya kei na nona kawa mai muri, mai na itabatamata ki na itabatamata.

    82 Me sauma ko Viliame Lo na noqu tamata, na ivotavota ki na vale ko ya, me baleti koya kei na nona kawa mai muri, mai na itabatamata ki na itabatamata.

    83 Kevaka sa via muria na noqu lewa me kakua ni kauta na nona matavuvale ki na veivanua ena tokalau, ki Katiladi sara mada ga, raica, koi Au na Turaga, au na tarai Katiladi cake, ia koi Au, na Turaga, au sa vakarautaka tu e dua na kedra ikuita na lewena.

    84 Ia me baleta na noqu tamata ko Alamoni Babiti, sa vuqa na ka au sega ni marautaka; raica, sa segata vakaukauwa ko koya me ra vakarorogo vua na tamata ka sega ki vei au, io vei iratou na Mataveiliutaki ni Lotu; ka sa vakarautaka kina ko koya e dua na luve ni bulumakau akoula me ra qarava ko ira na noqu tamata.

    85 Ia me kakua ni dua vei ira na tamata a alako mai ki ke ni ra sa via muria na noqu ivakaro, me toki tani tale ena vanua oqo.

    86 Ia kevaka era sa mai bula eke, me ra bula vei au; ia kevaka era mate me ra mate vei au; ni ra na mai avakacegui ena nodra lomaocaoca eke, ka ra tomana kina na nodra cakacaka.

    87 Ia, me vakabauti au ko Viliame na noqu tamata ka vakanuinui ga vei au, ka me kakua ni leqataki ratou na nona matavuvale, ena vuku ni mate veitauvi ena vanua oqo. Kevaka dou sa alomani au, dou muria na noqu vunau; ia ena byaco na mate veitauvi levu oqo mo dou vakalagilagi kina.

    88 Ia me lako yani ko Viliame na noqu tamata ka vunautaka vakadomoilevu na noqu kosipeli tawamudu, ena yalomarau, me vaka sa vakauqeti koya kina na aYaloqu, vei ira na lewei Oso, ka vakakina vei ira na lewei Kaceji, ka vakakina vei ira na lewei Boligitoni, ka vakakina vei ira na lewei Mediseni, ka qai waraka ena yalo vosota kei na gugumatua na ikuri ni ivakaro ena noqu koniferedi raraba, sa kaya na Turaga.

    89 Kevaka sa via muria na noqu ivakaro me tekivu oqo ka lako yani me vakarorogo ki na nona ivakasala na noqu tamata ko Josefa, ka vukei ira na dravudravua ena aveika e rawata, ka tabaka na bivakadewa vou ni noqu vosa tabu vei ira na lewei vuravura.

    90 Ia kevaka sa kitaka oqo, au na avakalougatataki koya ena veivakalougatataki e vuqa, me kakua kina ni guilecavi, ka me ra kakua talega ni kunei na nona kawa ni ra bkere kakana.

    91 Kei na dua tale au sa kaya vakaidina vei kemudou, me lesi, tabaki, ka lumuti, ko Viliame na noqu tamata me daunivakasala vei Josefa na noqu tamata, me sosomitaki Airame na noqu tamata; ia ko Airame me taura na itutu avaka-Peteriaki ena ilesilesi ni Matabete, ka a lesi kina mai vei tamana, ena veivakalougatataki ka vakakina ena dodonu;

    92 Ia mai na gauna oqo ka lako yani sa na tu vua na kaukauwa ni veivakalougatataki avakapeteriaki ki na uludra na noqu tamata kecega,

    93 Ia ko ira kecega ena vakalougatataka ko koya era na vakalougatataki, ia ko ira kecega sa acudruva ko koya era na cudruvi; ia na veika kecega ena bvauca e vuravura ena vauci mai lomalagi; kei na veika kecega ena sereka e vuravura ena sereki mai lomalagi.

    94 Io me tekivu oqo ka lako yani au sa lesi koya me parofita, ka adaurairai, ka dauvakatakila ena noqu lotu, ka vakatalega kina vua na noqu tamata ko Josefa.

    95 Ia me rau dau cakacaka vata talega kei Josefa na noqu tamata; ka me dau ciqoma talega na ivakasala mai vei Josefa na noqu tamata, o koya ena vakaraitaka vua na adodonu me kerekere kina ka rawata, ka me vakaisalataki ena veivakalougatataki vata ga, na lagilagi, kei na vakarokoroko, kei na isolisoli ni matabete, ka a soli ena dua na gauna vei koya, ka a dau noqu tamata tu ko bOliva Kaudari;

    96 Me na qai dau tukuna ko Airame na noqu tamata na veika au na vakatakila vua, me na qai nanumi tu na yacana mai na itabatamata ki na itabatamata, me sega ni mudu ka sega ni mudu.

    97 Me ciqoma talega ko Viliame Lo na noqu tamata, na idola me kerea ka rawata kina na veivakalougatataki; me ayalomalumalumu vei au, ka sega vua na yalo ni bveivakaisini, ia ena rawata na Yaloqu, io na cDauveivakacegui, ka na vakatakila vua na dina ni veika kecega, ka na solia vua, ena kena auwa sara ga, na veika me tukuna.

    98 Ia ena dau muri koya tu na aivakatakilakila oqo—ena bvakabulai ira na tauvimate, ena vakaseva na tevoro, ka na sereki mai vei ira era na solia vua na veika gaga vakarerevaki;

    99 Ka na tuberi ena sala ena sega kina ni katia rawa na bukubuku ni yavana na gata aweli gaga, ia ena vuka cake me vaka na ikeli vakatabana ena bkaukauwa ni nona vakanananu.

    100 Ia kevaka au sa lewa me vakaturi ira cake na sa mate, me kakua ni kinoca na domona.

    101 Ia me vunau vakadomoilevu yani ko Viliame na noqu tamata ka kakua ni guce kina, ena reki kei na yalomarau, ka vakaosana vei koya sa dabe tiko ena idabedabe vakaturaga me sega ni mudu ka sega ni mudu, sa kaya na Turaga na nomudou Kalou.

    102 Raica, au sa kaya vei kemudou, au sa vakarautaka tu e dua na ilesilesi vei rau ko Viliame na noqu tamata, kei Airame na noqu tamata, koi rau taurua ga; ia me tiko mada ga eke ko Josefa na noqu tamata, ni sa tu eke na ka me qarava. Ia au na qai vakatakila e muri vei kemudou na kena vo. A sa vakakina. Emeni.

    103 Kei na dua tale, au sa kaya vakaidina vei kemudou, kevaka ena qaravi au ko aSidini na noqu tamata ka me daunivakasala vei Josefa na noqu tamata, me tucake ka lako mai ka tu ena itutu ni nona ilesilesi, ka vakayalomalumalumutaki koya vei au.

    104 Ia kevaka sa cabora vei au e dua na vakacacabo uasivi, ka vakatutusa, ka tiko ga vata kei ira na noqu tamata, raica, koi Au, na Turaga na nomudou Kalou, au na vakabulai koya me bula; ka tabalaka cake tale na domona ko koya ena veiulunivanua, ka me agusunivosa e mataqu.

    105 Me lako mai vata kei na nona matavuvale ka mai tiko vata kei na nona matavuvale ena yasana sa tiko kina ko Josefa na noqu tamata.

    106 Ia ena vanua kece sa lako kina me vunau tiko vakadomoilevu me vaka na domo ni davui, ka vunauci ira na kai vuravura me ra dro tani mai na cudru sa lako tiko mai.

    107 Me mai vukei Josefa na noqu tamata, ia ko Viliame Lo tale ga na noqu tamata me vukei Josefa na noqu tamata, me tukuni yani na noqu aivakaro vei ira na tui e vuravura, me vaka au a sa tukuna oti vei kemudou.

    108 Kevaka ena muria na noqu ivakaro ko Sidini, me kakua ni tokia na nona vuvale ki na vanua ena atokalau; ia me veisautaka ga na nona itikotiko, me vaka au sa vakarota oti.

    109 Raica, au sa sega ni vakaroti koya me dro ka la’ki vakaitikotiko ena dua tani tale na vanua, ia ena koro ga ko aNauvu me vaka au sa lesia vei kemudou.

    110 Au sa kaya vakaidina vei kemudou, io ena gauna oqo, kevaka ena muria na domoqu, ena kalougata kina ko koya. Io ena vakakina. Emeni.

    111 Kei na dua tale, au sa kaya vakaidina vei kemudou, me sauma ko Emosi Deviesi na ivotavota ki na ligadra ko ira au sa lesia me ra tara e dua na bure ni vulagi, io na Vale ni Nauvu.

    112 Me kitaka na ka oqo kevaka ena taleitaka; ia me vakarorogo ki na nona ivakasala ko Josefa na noqu tamata, ka tara sara ga na cakacaka me ra vakabauti koya kina na tamata.

    113 Ia kevaka sa vakadinadinataki koya ena nona yalodina ena ka kecega sa nuitaki kina, io, ke vica wale mada ga, ena qai lesi me alewa na ka e vuqa.

    114 Me avakamalumalumutaki koya kina me rawa ni qai vakacerecerei. Io ena vakakina. Emeni.

    115 Kei na dua tale, au sa kaya vakaidina vei kemudou, kevaka ena muria na domoqu ko Ropate D. Vosita na noqu tamata, me na tara e dua na vale vei Josefa na noqu tamata, me vaka na veidinadinati erau sa cakava tu, me vaka ni na dau dolavi vua na katuba ena veigauna.

    116 Ia me veivutunitaka sara na nona ivalavala lialia kecega, ka vakasulumi koya ena aloloma uasivi; ka muduka na nona caka ca, ka biuta vakatikitiki na nona dau vosa kaukauwa;

    117 Ia me sauma tale ga na ivotavota vei iratou na kuoramu sa qarava na cakacaka ni Vale ni Nauvu, me baleti koya kei ira na nona itabatamata ena qai muri mai, mai na itabatamata ki na itabatamata.

    118 Ka vakarorogo ki na nodratou ivakasala na noqu tamata ko Josefa, kei Airame, kei Viliame Lo, kei ira tale ga ka’u sa lesia me ra tura na yavu kei Saioni; ia ena kalougata kina ko koya me sega ni mudu ka sega ni mudu. Io ena vakakina. Emeni.

    119 Kei na dua tale au sa kaya vakaidina vei kemudou, me kakua ni sauma e dua na ivotavota ki na kuoramu ni Vale ni Nauvu e dua na tamata vakavo kevaka e vakabauta na iVola i Momani, kei na veika au sa vakatakila vei kemudou, sa kaya na Turaga na nomudou Kalou;

    120 Ni veika kece e asivia cake se lailai sobu mai na veika oqori sa vu mai na ca, erau na sota kei na cudruvi ka sega ni vakalougatataki, sa kaya na Turaga na nomudou Kalou. Io ena vakakina. Emeni.

    121 Kei na dua tale, au sa kaya vakaidina vei kemudou, me ratou saumi vakadodonu ena vuku ni cakacaka eratou cakava ena kena tara na Vale ni Nauvu ko iratou na kuoramu ni Vale ni Nauvu; ia na levu ni ilavo me ratou saumi kina me vaka na kena levu eratou sa veivakadonuitaka vata vakataki iratou.

    122 Ia me vakaicolacola na tamata yadua e sauma e dua na ivotavota ena dua na tiki ni kedratou isau, kevaka e dodonu me vakakina, me ra bula kina, sa kaya na Turaga; kevaka e sega, sa rawa ni okati me kedratou isau na ivotavota ena vale koya. Ia ena vakakina. Emeni.

    123 Raica au sa kaya vakaidina vei kemudou, au sa vakaraitaka oqo vei kemudou na aveitutu ena noqu Matabete, mo dou taura na kena bidola, io na Matabete ena kena ivakarau vei cMelikiseteki, ka sa vaka na kena ivakarau vua na Luvequ e Duabau Ga.

    124 Taumada, au sa soli Airame Simici vei kemudou me nomudou apeteriaki, me tu vua na veivakalougatataki ni bveivauci ena noqu lotu, io na Yalo Tabu ni cyalayala, o koya dou sa dvauci kina ki na siga ni veivueti, mo dou kakua kina ni lutu ni sa yaco mai na eauwa ni veitemaki.

    125 Au sa lesi iko Josefa na noqu tamata mo italatala qase vakatulewa ena noqu lotu taucoko, mo dauvakadewa vosa, mo dauvakatakila, adaurairai, ka parofita.

    126 Au sa lesia vua me rau nona daunivakasala ko Sidini Rikitoni na noqu tamata kei Viliame Lo na noqu tamata, me ratou tauyavutaka e dua na kuoramu ka me Mataveiliutaki Taumada, me ciqoma na aivakatakila me baleta na lotu raraba.

    127 Au sa lesi aBiriqemu Yaga na noqu tamata vei kemudou me peresitedi ni matabose dauveilakoyaki Le Tinikarua;

    128 O iratou na Le aTinikarua oqori sa tu vei iratou na kaukauwa kei na lewa me ratou tauyavutaka na noqu matanitu ki na veiyasai vuravura, ni sa oti koya me ratou qai bvunautaka yani na noqu vosa vei ira na tamata kecega.

    129 Sai iratou oqo: Iba C. Kimiboli, Pali P. Pereta, Osoni Pereta, Osoni Aidi, Viliame Simici, Joni Teila, Joni E. Peji, Wilivote Uturavu, Wiladi Rusiate kei Joji A. Simici;

    130 Ia ko aTevita Peteni au sa bkauti koya lesu tale mai vei au; raica, na nona matabete ena sega ni dua na tamata me kauta tani rawa mai vua; ia, au sa kaya vakaidina vei kemudou, ena lesi e dua me kena isosomi.

    131 Kei na dua tale, au sa kaya vei kemudou, au sa lesia vei kemudou e dua na amatabose e cake, me vatu ni tutu kei Saioni—

    132 Sai iratou oqo: Samuela Beni, Anare G. Seudi, Joji W. Erisi, Jale C. Riji, Tomasi Korova, Niueli Naiti, Tevita Doti kei Daniba Wilisoni—ko Simo Baranisoni au sa kauti koya ki vei au; ena sega ni dua na tamata me kauta tani rawa na nona matabete, ia ena lesi tale e dua ki na matabete vata oqo me kena isosomi; kau sa kaya vakaidina vei kemudou, me tabaki ko Eroni Jonesoni na noqu tamata ena lesilesi oqo me kena isosomi—ko Tevita Vulima, Alifio Katela kei Viliame Anitigitoni.

    133 Kei na dua tale, au sa lesi Toni K. Simici me peresitedi ni kuoramu ni bete levu;

    134 Ia na cakacaka vakalotu sa tauyavutaki ena inaki me ra vakarautaki kina ko ira me ra na qai lesi me peresitedi tudei se vakailesilesi tale e so ena vei aiteki sa dui tu ena veivanua;

    135 Sa rawa tale ga me ra na veilakoyaki kevaka era vinakata, ia sa nodra ilesilesi dina ga me ra peresitedi tudei; io oqori na itutu era sa lesi kina, sa kaya na Turaga na nomudou Kalou.

    136 Au sa lesi rau ko Amasa Laimeni kei Noa Pekadi ki vua me rau nona daunivakasala, me ratou na vakatulewa ena kuoramu ni bete levu ni noqu lotu, sa kaya na Turaga.

    137 Kei na dua tale, au sa kaya vei kemudou, Au sa lesi iratou ko Joni A. Iki, Samuela Viliame kei Jese Peka vei kemudou, na nodratou matabete me ratou na vakatulewa ena kuoramu ni aitalatala qase, na kuoramu oqo sa tauyavutaki me baleti ira na italatala tudei; ia sa rawa ni ra veilakoyaki, ia sa nodra ilesilesi dina ga me ra italatala tudei ena noqu lotu, sa kaya na Turaga.

    138 Kei na dua tale, au sa lesi Josefa Yaga, Josaia Batafili, Taniela Mailesi, Anare Eremani, Sera Pulisiva, Livai Enikoka, Jemesa Vosita, vei kemudou me ratou vakatulewa ena kuoramu ni Le aVitusagavulu;

    139 Na kuoramu oqo sa tauyavutaki me baleti ira na italatala qase dauveilakoyaki me ra vunautaka yani na yacaqu ki vuravura taucoko, ena veivanua kecega era na talai ira yani kina ko ira na matabose e cake dauveilakoyaki, kei ira na noqu iapositolo, me ra vakarautaka kina na noqu gaunisala.

    140 Na duidui ni kuoramu oqo kei na kuoramu ni italatala qase sai koya ni dua vei rau era na veilakoyaki tikoga, kei na kena ikarua ni ra na dau vakatulewa tiko ena lotu ena veigauna eso; e dua e tiko na kena itavi ni vakatulewa ena veigauna eso, kei na kena ikarua e sega ni dua na kena itavi ni vakatulewa, sa kaya na Turaga na nomudou Kalou.

    141 Kei na dua tale, au sa kaya vei kemudou, au sa lesi Vinisoni Naiti, Samuela H. Simici kei Setareki Raudi, kevaka e vinakata, vei kemudou, me ratou vakatulewa ki na amatabisopi; na veika me baleta na matabisopi oqori sa tukuni tu vei kemudou ena ivola ni bVunau kei na Veiyalayalati.

    142 Kei na dua tale, au sa kaya vei kemudou, ko Samuela Rolo kei rau na nona daunivakasala ena bete, kei na peresitedi ni ivakavuvuli kei rau na nona daunivakasala, kei na peresitedi talega ni dikoni kei rau na nona daunivakasala, ka vakatalega kina na peresitedi ni iteki kei rau na nona daunivakasala.

    143 Na veitutu oqori e cake au sa solia vei kemudou, kei na kena idola talega vakakina, me veivuke ena kena cicivaki, na cakacaka ni veiqaravi kei na nodra avakataucokotaki na noqu yalododonu.

    144 Kei na dua na ivakaro au sa solia vei kemudou, mo dou vakatawana na veitutu kece sara oqori ka avakadonuya na veiyaca oqori au sa cavuta, se kevaka e sega dou qai saqata ena noqu koniferedi raraba.

    145 Ka vakakina mo dou qai vakarautaka na rumu me baleta na itutu kece sara oqo ena noqu vale ni dou sa tara ki na yacaqu, sa kaya na Turaga na nomudou Kalou. Io me na vakakina. Emeni.