កណ្ឌទី ១០៦
វិវរណៈដែលបានប្រទានឲ្យមកតាមរយៈ យ៉ូសែប ស៊្មីធ ជាព្យាការី នៅក្រុងខឺតឡង់ រដ្ឋអូហៃអូ ថ្ងៃទី២៥ ខែវិច្ឆិកា ឆ្នាំ១៨៣៤ (History of the Church, ២:១៧០–១៧១)។ វិវរណៈនេះត្រូវបានតម្រង់ទៅរក វ៉ារិន អេ ខៅឌើរី ជាបងប្រុសរបស់អូលីវើរ ខៅឌើរី។
១–៣, វ៉ារិន អេ ខៅឌើរី ត្រូវបានហៅឲ្យធ្វើជាមេដឹកនាំត្រួតត្រានៅកន្លែងរបស់គាត់; ៤–៥, ការយាងមកលើកទីពីរនឹងមិនមកដល់កូនចៅនៃពន្លឺដូចជាចោរឡើយ; ៦–៨, ព្រះពរដ៏មហិមាទាំងឡាយ មកតាមក្រោយការបម្រើដ៏ស្មោះត្រង់នៅក្នុងសាសនាចក្រ។
១គឺជាព្រះហឫទ័យរបស់យើង ដែល វ៉ារិន អេ ខៅឌើរី ជាអ្នកបម្រើរបស់យើង ត្រូវបានតាំងហើយតែងតាំងឲ្យធ្វើជាសង្ឃជាន់ខ្ពស់ត្រួតត្រាលើសាសនាចក្ររបស់យើង នៅក្នុងដែនដីកហ្វ្រ៊ីដុម និងនៅភូមិភាគទាំងឡាយជុំវិញ
២ហើយត្រូវផ្សាយដំណឹងល្អដ៏អស់កល្បអស់កាលជានិច្ចរបស់យើង ហើយបន្លឺសំឡេងរបស់គាត់ឡើង ហើយព្រមានប្រជាជន មិនគ្រាន់តែនៅកន្លែងគាត់ផ្ទាល់តែប៉ុណ្ណោះទេ តែនៅស្រុកទាំងឡាយជុំវិញផង
៣ហើយត្រូវថ្វាយពេលទាំងមូលចំពោះការងារដ៏ខ្ពង់ខ្ពស់ និងបរិសុទ្ធនេះ ដែលយើងប្រទានដល់គាត់នៅពេលឥឡូវនេះ ដោយការព្យាយាមកស្វែងរកខនគរស្ថានសួគ៌ និងសេចក្ដីសុចរិតទាំងឡាយនៃនគរនោះ ហើយគ្រប់របស់ដែលចាំបាច់ទាំងអស់នឹងបានប្រទានមកលើថែមទៀត ត្បិតគអ្នកដែលធ្វើការ នោះសមនឹងឈ្នួលរបស់ខ្លួនហើយ។
៤ហើយជាថ្មីទៀត យើងប្រាប់អ្នកជាប្រាកដថា កការយាងមកនៃព្រះអម្ចាស់ខជិតដល់ហើយ ហើយនឹងមកដល់ពិភពលោក ដូចជាគចោរមកនៅពេលយប់ —
៥ហេតុដូច្នេះហើយ ចូរក្រវាត់ចង្កេះ ប្រយោជន៍ឲ្យអ្នកអាចបានទៅជាកូនចៅនៃកពន្លឺ ហើយដើម្បីកុំឲ្យថ្ងៃនោះខមកដល់អ្នក ដូចជាចោរឡើយ។
៦ហើយជាថ្មីម្ដងទៀត យើងប្រាប់អ្នកជាប្រាកដថា មានសេចក្ដីអំណរនៅលើស្ថានសួគ៌ កាល វ៉ារិន ជាអ្នកបម្រើរបស់យើង ក្រាបចំពោះដំបងពេជ្ររបស់យើង ហើយបំបែកខ្លួនចេញពីកលល្បិចនៃមនុស្ស
៧ហេតុដូច្នេះហើយ វ៉ារិន ជាអ្នកបម្រើរបស់យើង មានពរហើយ ព្រោះយើងនឹងមានសេចក្ដីមេត្តាករុណាដល់គាត់ ហើយទោះជាភាពកអសារឥតការនៃចិត្តគាត់ក៏ដោយ គង់តែយើងនឹងលើកគាត់ឡើងដែរ ដរាបណាគាត់បន្ទាបខ្លួននៅចំពោះយើង។
៨ហើយយើងនឹងប្រទានកព្រះគុណ និងការបញ្ជាក់ដល់គាត់ ដើម្បីឲ្យគាត់អាចឈរមាំមួនបាន ហើយបើសិនជាគាត់ធ្វើជាសាក្សីដ៏ស្មោះត្រង់ និងពន្លឺដល់សាសនាចក្រតទៅ នោះយើងបានរៀបចំមកុដមួយទុកសម្រាប់គាត់នៅក្នុងខវិមានទាំងឡាយនៃព្រះវរបិតារបស់យើង។ គឺដូច្នោះមែន។ អាម៉ែន៕