1 Voorwaar, so sê die Here, bykomend tot die wette van die kerk aangaande vroue en kinders, diegene wat aan die kerk behoort, wat hulle mans of vaders ^averloor het:

2 Vroue het ^aaanspraak op hulle mans vir hulle onderhoud, totdat hul mans geneem word; en indien hulle nie oortreders bevind word nie, sal hulle deelgenootskap hê in die kerk.

3 En indien hulle nie getrou is nie, sal hulle nie deelgenootskap hê in die kerk nie; nietemin hulle mag hulle erfenisse behou volgens die wette van die land.

4 Alle ^akinders het aanspraak op hulle ouers vir hulle onderhoud totdat hulle meerderjarig is.

5 En daarna, het hulle aanspraak op die kerk, of met ander woorde, op die Here se ^avoorraadskuur, indien hulle ouers nie genoegsaam het om vir hulle erfenisse te gee nie.

6 En die voorraadskuur sal beheer word deur die toewydings van die kerk; en vir die ^aweduwees en wese sal voorsien word, asook die ^barmes. Amen.