1 Dit is my wil dat my dienskneg Warren A. Cowdery aangestel en geordineer word as ’n presiderende hoëpriester oor my kerk, in die land ^aFreedom en die streke rondomheen;

2 En moet my ewigdurende evangelie predik, en sy stem verhef en die volk waarsku, nie slegs in sy eie plek nie, maar in die aangrensende distrikte;

3 En al sy tyd toewy aan hierdie hoë en heilige roeping, wat Ek nou aan hom gee, en ywerig die ^akoninkryk van die hemel en al sy regverdigheid ^bsoek, en alle noodsaaklike dinge sal daaraan bygevoeg word; want die ^carbeider is sy loon werd.

4 En verder, voorwaar Ek sê vir julle, die ^akoms van die Here ^bkom nader, en dit oorval die wêreld soos ’n ^cdief in die nag—

5 Daarom, omgord julle lendene, sodat julle die kinders van die ^alig mag wees, en daardie dag sal julle nie ^boorval soos ’n dief nie.

6 En verder sê Ek vir julle, daar was vreugde in die hemel toe my dienskneg Warren neergebuig het voor my septer, en hom afgesonder het van die bedrieërye van mense;

7 Daarom, geseënd is my dienskneg Warren, want Ek sal barmhartigheid hê oor hom; en, nieteenstaande die ^aydelheid van sy hart, sal Ek hom verhef in soverre hy homself voor My sal verootmoedig.

8 En Ek sal hom ^agenade en versekering skenk waarmee hy mag staan; en indien hy volhard om ’n betroubare getuie te wees en ’n lig vir die kerk, het Ek ’n kroon vir hom voorberei in die ^bwonings van my Vader. Dit is so. Amen.