Pali 80
Soukohp Sosep Smith alehdi kaudiahl ong Stephen Burnett nan Hiram, Ohio, Mahs 7, 1832.
1–5, Stephen Burnett oh Eden Smith malipilipidahr en kahlohk sohte lipilipil wasa me ira pilada ie.
1 Mehlel, Kauno ahpw mahsaniher met ong kowe nei ladu Stephen Burnett: Kowei, kowei nin sampah oh kalohngki rongamwahuo ong aramas koaros me pwarekihdo ngilomwen.
2 Oh pwehki sang ni ahmw inangih emen iengomw, I pahn ketkihonguhk nei ladu Eden Smith.
3 Eri, kowei oh kalohngki ei rongamwahu, sohte lipilipil ma paliepeng de palieir, palimese de palikapi, met sohte katepe, pwe ke sohte pahn kak sapwungala.
4 Eri met, kalohngki soahng kan me ke rongehr, oh mehlel kamehlele, oh ese me e mehlel.
5 Kilang, iei kupwure met me malipeiukehro, ahmw Soundoar, iei Sises Krais. Ahmen.