Irelaud 73
Soukohp Sosep Smith oh Sidney Rigdon alehdi kaudiahl nan Hiram, Ohio, Senweri 10, 1832. Sangehr ni tepin Tihsempeu kohdo, Soukohp oh Sidney inenen ngoangkihla ara kalkalohk, oh sang ni mwekid wet palilaud en mehkot pweida sang ni sosohralahn madamadau suwed kan me pwarada me uhwong Mwomwohdiso (kilang oaralap en irelaud 71).
1–2, Elder kan en peusehla kalohk; 3–6, Sosep Smith oh Sidney Rigdon en peusehla kaweweh Paipel lao e unsekla.
1 Pwe mehlel, Kauno me mahsaniher, e konehng ong ie me irail anahne peusehla kalkalohngki rongamwahuo, oh kangoangehki ihmw sarawi kan ni wasa kan me kapilpene, lao e lel ansou en kapokon lap;
2 Oh mwuhr, kilang, e pahn sansalohng irail, sang ni utuht en aramas akan, arail misin tohto kan.
3 Met, kilang I mahsanihong kumwa nei ladu kan, Sosep Smith, Jun., oh Sidney Rigdon, Kauno me mahsanih, e konehng kumwa en pil ehu kaweweh;
4 Oh, ma e pahn kakete, en kalohk nan wasa kan me kapilpene lao lel ansou en kapokon lap; oh mwurin mwo e konehng en peusehla doadoahk en kaweweh lao e unsekla.
5 Oh mweidohng met en wia ehu wiepen doadoahk ong elder kan lao irail alehdi ekei mehn kamarain, iei met me ntingdier.
6 Met I solahr pahn kihong kumwail mehkot nan ereihn ahnsou wet. Pirehkipene likepomwail kan kateng oh onohnop. Ihme pahn wiawi. Ahmen.