Iralaud 26
Kaudiahl kohieng Soukohp Sosep Smith, Oliver Cowdery, oh John Whitmer, nan Harmony, Pennsylvania, Sulai 1830 (tehk ni oaralap en iralaud 24).
1, Kauno mahsanihong irail en onopiki pwuhksarawi kan oh en kalohk; 2, Kauno ketin kamanahla kosonned en utuhtkipene pwuhng en koaros.
1 Kilang, I ndahionguhk kumwail me kumwail pahn loaloapwoationg onopiki pwuhksarawi kan, oh kalkalohk, oh kaskasarawihla mwomohdiso nan Colesville, oh ong wiwia amwail doadoahk nan sahpwo, ni soahng kan me anahnepe, lao lel ansou me kumwail pahn pwurala palikapi ong tiepenehn kapokon; oh e ahpw pahn kasansalohng kumwail dahme kumwail pahn wia.
2 Oh soahng koaros pahn wiawi sang ni utuhtpenehn koaros nan mwomwohdiso, sang ni kapakap kehlail oh pwoson, pwe soahng koaros me kumwail pahn alehdi pahn sang ni pwoson. Ahmen.