Iralaud 16
Kaudiahl kohieng Soukohp Sosep Smith ong Peter Whitmer Jr. nan Fayette, New York, Suhn 1829 (tehk nan oaralap en iralaud 14). Mwuhr, Peter Whitmer Jr. wiahla emen Sounkadehde Welimeno ong Pwuhk en Mormon.
1–2, Limen Kauno kin mih wasa koaros pohn sampah; 3–6, Kalohngki rongamwahuo oh kamaurala aramas akan iei me keieu kesempwal.
1 Rong mwahu, nei sounpapah John, oh rong mahsen kan en Sises Krais, ahmw Kaun oh ahmw Soundor.
2 Pwe kilang, I koasoionguhk ni inen oh manaman, pwe pehi kan kin mih wasa koaros pohn sampah.
3 Oh I pahn ndahionguhk dahme aramas sohte wehweki, ihte kowe oh ngehi kelehpw me wehwehki—
4 Pwe pak tohto ke kin inangih esehsang ie dahme keieu pahn keieu kesempwal ong kowe.
5 Kilang, meid pai kowe pwehki soahng wet, oh pwehki ahmw kosoakoasoia ahi mahsen kan me I kihonguhk nin duwen ei kosonned akan.
6 Oh met, kilang, I ndahionguhk, me dahme pahn keieu kesempwal ong kowe iei kalohngki koluhla ong aramas kat, pwe ken kak wahdo aramas rehi, pwe ken kak komoaldi rehi nan wehin Sahmo. Ahmen.