Pali 79
Soukohp Sosep Smith alehdi kaudiahl nan Hiram, Ohio, Mahs 12, 1832.
1–4, Jared Carter ahpw malipilipida sang Sounkaloalamwahuo pwe en kalohngki rongamwahuo.
1 Mehlel I mahsanihong kumwail, me iei kupwurei me nei ladu Jared Carter anahne pwurehng pwurala ni palimese en wehi kan, sang ni ehu wasa kohlahng ni ehu wasa, oh sang ni kahnihmw kolahng ni kahnihmw, ni manaman en pwukoah sarawi me e kasarawihengehr, kalkalohngki rohng kaperen en popohl lap, iei rongamwahu poatoapoato.
2 Oh I pahn kadarewehng ih Sounkaloalamwahuo, me pahn padahkihong ih me mehlelo oh wasa me e pahn kohla ie;
3 Oh ni ah pahn kin loaloapwoat, I pahn pwurehng kamwaramwarehkihdi kapakap en wahn tuhkeh kan.
4 Eri, mweidohng ahmw mongiong en perenda, nei ladu Jared Carter, oh dehr masak, ahmw Kauno mahsaniher, iei Sises Krais. Ahmen.