Pali 66
Soukohp Sosep Smith alehdi kaudiahl nan Hiram, Ohio, Oakotohpe 29, 1831. William E. McLellin ahpw pekidahr rehn Kauno ni rir pwe en kasalehiong Soukohpo pasapeng ong iren kalelapak limau, me Sosep Smith sohte wewehki. Pwehki en McLellin pekipek, Soukohpo ahpw peki rehn Kauno oh alehdi kaudiahl wet.
1–4, Inou poatoapoato iei me wia unsek en rongamwahuo; 5–8, Elder kan en kalohngki, kadehdehki, oh wewehieng aramas akan; 9–13, Loaloapwoatieng doadoahk en papah kihong koapwoaroapwoar en ahneki sohso en mour soutik.
1 Kilang, Kauno ahpw mahsanihong nei ladu William E. McLellin—Meidpai kowe, pwehki ni ahmw sohpeisang ahmw wiewia suwed kan, oh aledahr ei mahsen mehlel kan, Kauno ahmw Soundor me mahsaniher, Sounkomour en sampah, mehlel ong koaros me kamehlele mwarei.
2 Mehlel I mahsanihong uhk, meidpai kowe pwehki ahmw alehdier ai inou poatoapoato, iei unsek en ei rongamwahu, me Kauno ketin kadarewehng aramas akan, pwe irail en kak ahneki mour oh iang pwaisiki lingan akan me pahn sansalada ni imwin rahn akan, nin duwen me ntingdier sang soukohp akan oh wahnpoaron akan en kawahko.
3 Mehlel I mahsanihong uhk, nei ladu William, me ke mwakelekelehr, ahpw kaidehn ni unsek; eri, koluhkihla soahng kau koaros me sohte mwahu ong mwohn meseiet, Kauno me mahsanih, pwe Kauno pahn ketin kasalehiong uhk irail.
4 Oh met, mehlel, Ngehi, Kauno, pahn kasalehiong uhk dahme I pahn kasik sang uhk, de dahme I kupwuriki me pid duwen kowe.
5 Kilang, mehlel I mahsanihong uhk, me iei ei koasondi me ke pahn kalohngki ei rongamwahu sang wehi kolahng wehi, oh sang kahnihmw kolahng kahnihmw, ei, ni sahpw akan me kapilpene wasa me kalohk saik lel ie.
6 Ieremen wie mihmihki wasaht rahn tohto; ke dehr mahs kohla sapwen Saion; ahpw sang ni uwen me ke kak kadar, kadar; ma soh, a kedehpa medewe ahmw dipwisou kan.
7 Seilokwei mahs ni palimese en sahpw akan, wia ahmw kadehde wasa kan koaros, ong aramas akan koaros oh nan arail mpwal kan, wewehieng aramas akan.
8 Mweidohng nei ladu Samuel H. Smith en ianguhkada, oh kedehpa kokohlahsang, oh kihong ih mehn kaweid kan; oh mehmen me loaloapwoat pahn kehlail nan wasah kan koaros; oh Ngehi, Kauno, pahn iang uhk.
9 Kidahng pehmw kan pohn me soumwahu kan, oh irail ahpw pahn kehlailda. Dehr pwurodo lao Ngehi, Kauno, pahn kadaruhkala. Ahneki kanengamah ni ahnsou en kahpwal. Peki, oh ke pahn alehdi; letelet, oh e pahn ritidahnguhk.
10 Dehr song en toutoukihla. Kesehla wiewia suwed kan koaros. Dehr kawehla kosonned en kamwahl—kasongosong me ke lelikihongehr kahpwal loalle.
11 Kapwaiada mahsen pwukat, pwe irail mehlel oh poatoapoat; oh ke pahn wahuneki ahmw pwukoah doadoahk en ohpis, oh nantihong kadarala aramas tohto en kokoul kohla Saion oh ahneki peren loaloapwoat.
12 Wenlahte mwowe nan mepwukat lao lel ni imwin ahnsou, oh ke pahn alehdi kamwaramwar en mour soutuk ni palimaun en Semeio, me diren kalahngan oh mehlel.
13 Mehlel, Kauno ahmw Koht mahsanih, ahmw Soundor, iei Sises Krais. Ahmen.