Iralaud 22
Kaudiahl kohieng Soukohp Sosep Smith, nan Manchester, New York, Epreil 16, 1830. Kaudiahl wet kohdohng Mwomwohdiso pwehki mie ekei aramas me papidaisehr mwowe ahpw men iangala Mwomwohdiso ni sohte pwurehng papidaisla.
1, Papidais iei ehu inou kapw oh poatoapoat; 2–4, Papidais me mie mweimwei anahnepe.
1 Kilang, I ndahiong kumwail me inou kan en mahs I kupwuriki en imwisekla nan soahng wet; oh met iei inou kapw oh poatoapoat, iei me kohsang nin tapio.
2 Eri, mehndahte ma aramas men pahn papidaisla pak epwiki e sohte katepe, pwe kumwail sohte kak pidelong nan ewen kehlo sang ni kosonned en Moses, de pil sang amwail doadoahk mehla kan.
3 Pwehki amwail doadoahk mehla kan me kahrehda ei kupwurehda me lahs en inou wet oh mwomwohdiso wet en kokouda ong ie, iei duwehte mwehin kawa ko.
4 Eri, kumwail pidelong ni ewen kehlo, nin duwen ei mahsaniher, oh dehr rapahki ken kaweid amwail Koht. Ahmen.