Iralaud 36
Soukohp Sosep Smith alehdi Kaudiahl ong Edward Partridge, karanihte Fayette, New York, Tihsempe 9, 1830 (tehk ni oaralap en iralaud 35). Nan ehn Sosep Smith poadoapoad kasalehda me Edward Partidge “wia karasaras en aramas loaloapwoat sarawi, oh wia emen sapwellimen Kauno ohl kesempwal.”
1–3, Kauno pwilikihdi pehkan pohn Edward Partridge sang ni pehn Sidney Rigdon; 4–8, Aramas koaros me pahn alehdi rongamwahuo oh prihsduhdo e pahn malipilipda en kohwei oh kalohk.
1 Kauno Koht, Wasa Lapalap en Israel, ketin mahsanih: Kilang, I ndahionguhk, nei ladu Edward, me ke meid pai, oh I mahkohngehr dipomw kan, oh ke malipilipdahr en kalohngki ei rongamwahu duwehte ngilen koronihda;
2 Oh I pahn pwilikihdi pehi kat pohmw sang ni pehn nei ladu Sidney Rigdon, oh ke pahn alehdi ei Ngehno, Ngehn Sarawio, iei Sounkaloaloamwahuo, me pahn padahkihonguhk soahng kan me popohl en wehio;
3 Oh ke pahn kalohngki ni ngihl laud, ndinda: Kepinga Kauno, mei pai mwaren Koht wasalapalahpie.
4 Oh met malipilip wet oh kosonned wet I kihonguhk duwen aramas koaros—
5 Me koaros me pahn kohdo mwohn nei ladu kan Sidney Ridgon oh Sosep Smith, Jun., alehda pwukoah wet oh kosonned wet, pahn kasarawihla oh pekederwei en kalohngki rongamwahu poatoapoato nan wehi kan—
6 Padapadahngki koluhla, ndinda: Kumwail doarehsang kumwail dih suwed pwukat, oh kohsang nan kisiniei, oh kadohwankumwail sang likou kan me saminkilahr uduk.
7 Oh kosonned wet pahn kohieng elder kan en ei mwomwohdiso, pwe aramas koaros me pahn pilada sang ni mohngiong mehlel en kak kasarawihla oh pekederwei, nin duwen ei mahsaniher.
8 Ngehi Sises Krais, Sapwellimen Kohto; eri, katengehdi likopomw kan oh I pahn mwadang kohdo nan ei tehnpas sarawi. Iei ni mehlel. Ahmen.