Isigaba 34
Isambulo esanikwa ngoJoseph Smith umPhrofethi ku-Orson Pratt, eFayette, eNew York, ngomhlaka 4 Novemba 1830. Umzalwane uPratt wayeneminyaka eyishumi nesishiyagalolunye ubudala ngaleso sikhathi. Wayese phendukile futhi esebhabhadisiwe ngesikhathi ezwa ukushunyayelwa kwevangeli elibuyiselwe ngomfowabo omdala, uParley P. Pratt, emasontweni ayisithupha ngaphambilini. Lesi sambulo satholakala ekhaya lakwaPeter Whitmer oMdala.
1–4, Abakholwayo baba ngamadodana kaNkulunkulu ngeNhlawulo; 5–9, Ukushunyayelwa kwevangeli kulungisa indlela yokuZa kweSibili; 10–12, Isiphrofetho siza ngamandla oMoya oNgcwele.
1 Ndodana yami u-Orson, lalela futhi uzwe futhi ubheke lokhu mina, iNkosi uNkulunkulu, engizokusho kuwena, ngisho uJesu Kristu umHlengi wakho;
2 Onguku khanya nokuphila komhlaba, ukukhanya okukhanya ebumnyameni futhi ubumnyama abukuqondi;
3 Owathanda umhlaba waze wanikela ngempilo yakhe, ukuze bonke abayokholwa babe ngamadodana kaNkulunkulu. Ngalokho-ke uyindodana yami;
4 Futhi ubusisiwe ngokuba ukholiwe;
5 Futhi ubusisiwe ngokwedlulele ngokuba ubizwe yimi ukuba ushumayela ivangeli lami—
6 Ukuba uphakamisa izwi lakho njengokukhala kwecilongo, kade futhi kakhulu, futhi ushumayele ngokuphenduka kwesonakeleyo nesinenkani isizukulwane, ulungisa indlela yeNkosi ulindele ukuza kwayo kwesibili.
7 Ngokuba bheka, ngiqinisile, ngiqinisile, ngithi kuwe, isikhathi sesiseduze ukuthi ngiyoza efwini ngamandla nenkazimulo enkulu.
8 Futhi kuyokuba usuku olukhulu ngesikhathi sokuza kwami, ngokuba zonke izizwe ziyothuthumela.
9 Kodwa ngaphambi kokuza kwalolosuku olukhulu, ilanga liyofiphala, nenyanga iphendulwe igazi; nezinkanyezi ziyonqaba nokukhanya kwazo, ezinye ziyokuwa, futhi ukubhujiswa okukhulu kulinde ababi.
10 Ngalokho-ke, phakamisa iphimbo lakho ungazibambi, ngokuba iNkosi uNkulunkulu ikhulumile; ngakho-ke phrofetha, futhi kuzokwambulwa ngamandla kaMoya oNgcwele.
11 Futhi uma uthembekile, bheka, nginawe ngize ngize—
12 Futhi ngiqinisile, ngiqinisile, ngithi kuwe, ngiza masinyane. NgiyiNkosi nomHlengi wakho. Amen.