1 තවද එය මෙසේ සිදු විය, එනම් ඔවුන් නතර වී පියවරක් ඔවුන්ගෙන් ආපස්සට ගත්තෝය. තවද මොරෝනායි සෙරහෙම්නාට කථා කොට: බලව, සෙරහෙම්නා, අපට රුධිරය වගුරුවන මනුෂ්‍යයන් වීමට අවශ්‍ය නැත. නුඹලා අප අත්වල සිටින්නාවු බව නුඹලා දන්නෝය, එහෙත්, අපට නුඹලා මරා දමන්නට ආශාවක් නැත.

2 බලව, අප බලය සඳහා නුඹලාගේ රුධිරය වගුරවනු පිණිස අප නුඹලාට විරුද්ධව සටනට පැමිණියේ නැත; එමෙන්ම කිසිවෙකු වහල්කමේ වියගහට ගෙන ඒමට ආශාවක් ද අපට නොමැත. එහෙත් මෙම කාරණාව වෙනුවෙන්ම නුඹලා අපට විරුද්ධව පැමිණ ඇත; එසේය, තවද නුඹලා අපගේ ආගම හේතුවෙන් අප කෙරෙහි කෝපයට පත් ව ඇත.

3 එහෙත් දැන්, නුඹලා අප සමඟ ස්වාමීන්වහන්සේ සිටින බව දැක ඇත; තවද උන්වහන්සේ නුඹලාව අපගේ දෑතට භාර දුන් බව නුඹලා දැක ඇත. තවද දැන් මෙය අප කෙරෙහි කර ඇත්තේ අපගේ ආගම සහ ක්‍රිස්තුස්වහන්සේ කෙරෙහි අපගේ ඇදහිල්ල නිසා බව නුඹලා දැන ගන්නවාට මම කැමැත්තෙමි. තවද දැන් එනම් නුඹලාට අපගේ මෙම ඇදහිල්ල විනාශ නොකළ හැකි බව නුඹලාට පෙනෙනු ඇත.

4 දැන් මෙය දෙවියන්වහන්සේගේ සැබෑ ඇදහිල්ල බව නුඹලා දැක ඇත; එසේය, නුඹලා දැක ඇත එනම් අප උන්වහන්සේ කරා, තවද අපගේ ඇදහිල්ල කරා, තවද අපගේ ආගම කරා ඇදහිලිවන්ත වනතාක්, දෙවියන්වහන්සේ අපට උපකාර කරන බවත්, තවද නඩත්තු කර, තවද අපව රැකගන්නා බවට; තවද අප වරදට වැටී අපගේ ඇදහිල්ල ප්‍රතික්ෂේප කරනවා හැර ස්වාමීන්වහන්සේ කිසි විටෙකත් අපව විනාශ වන්නට ඉඩ නොදෙන සේක.

5 තවද දැන්, සෙරහෙම්නා, සියලු – බලය ඇත්තා වූ දෙවියන්වහන්සේගේ නාමයෙන්, මම නුඹට අණ කරමි, උන්වහන්සේ නුඹ මත බලය ලබා ගැනීමට අපගේ දෑත් ශක්තිමත් කළ සේක, අපගේ ඇදහිල්ල තුළින්, අපගේ ආගම තුළින්, තවද අපගේ නමස්කාර කිරීමේ වතාවත් තුළින්, තවද අපගේ සභාව තුළින්, අපගේ භාර්යාවන්ට සහ අපගේ දරුවන්ට අප ණය ගැති ශුද්ධ වූ උපකාර තුළින්, අපගේ දේශයට සහ භූමියට අපව බැඳ තබන එම නිදහස තුළින්; එසේය, තවද එසේම අපගේ සියලු සතුටට අප ණයගැති විය යුතු, දෙවියන්වහන්සේගේ ශුද්ධ වූ වචනය පවත්වා ගැනීම තුළින් ද; තවද අප කෙරෙහි ඉතා වටිනා සියලු දේ තුළින් ද –

6 එසේය, තවද මෙය සියල්ලක් නොව; නුඹට ජීවිතය සඳහා ඇති සියලු ආශාවන් මඟින් මම නුඹට අණ කරමි, එනම් නුඹලාගේ යුද ආයුධ අප වෙත භාර දෙන ලෙසට, තවද අප නුඹලාගේ රුධිරය නොසොයන පිණිස, එනම් නුඹලා නුඹලාගේ මඟ ගොස් තවද අපට විරුද්ධව යුද වැදීමට නොපැමිණෙන්නේ නම්, අප නුඹලාගේ ජීවිත ඉතිරි කරන්නෙමු.

7 තවද දැන්, නුඹලා මෙය නොකරන්නේ නම්, බලව, නුඹලා අපගේ දෑතේ සිටින්නෝය, තවද නුඹලාට පහර දෙන ලෙස මම මාගේ මනුෂ්‍යයින් හට අණ කරමි, තවද නුඹලාගේ ශරීරවලට මරණයේ තුවාල පමුණුවන පිණිස, එනම් නුඹලා නැති වී යන පිණිස; තවද එවිට මෙම ජනතාව මත බලය ඇත්තේ කා හට දැයි අපි දකින්නෙමු; එසේය, කවුරුන් වහල්භාවයට ගෙන එන්නේ දැයි අපි දකින්නෙමු.

8 තවද දැන් එය මෙසේ සිදු විය, එනම් සෙරහෙම්නා මේ කියමන් ඇසූ විට ඔහු ඉදිරියට පැමිණ තවද ඔහුගේ කඩුව හා ඔහුගේ කිනිස්ස, තවද ඔහුගේ දුන්න ද මොරෝනායිගේ දෑතට භාර දුන්නේය, තවද ඔහුට කීවේය: බලව, මෙන්න අපේ යුද ආයුධ; අපි ඒවා නුඹට භාර දෙන්නෙමු, එහෙත් නුඹලාට දිවුරුමක් දීමට අපි අප හට අවසර නොදෙන්නෙමු, එය අපි කඩකරන බව අපි දනිමු, තවද එසේම අපේ දරුවන්; එහෙත් අපේ යුද ආයුධ ගන්න, තවද වනාන්තරයට අපට පිටත්ව යාමට ඉඩ දෙන්න; එසේ නැතිනම් අපි අපගේ කඩු තබා ගෙන, තවද අපි විනාශ වන්නෙමු නැතහොත් ජය ගන්නෙමු.

9 බලව, අප නුඹගේ ඇදහිල්ලේ නොවෙමු; අපව නුඹගේ දෑතට භාර දුන්නේ දෙවියන්වහන්සේ බව අප විශ්වාස නොකරන්නෙමු; එහෙත් අප විශ්වාස කරන්නේ එනම් අපගේ කඩුවලින් නුඹව රැක ගත්තේ නුඹගේ කපටිකම නිසා බවයි. බලව, එය නුඹලාගේ ළයවැසුම් සහ නුඹලාගේ පලිහවල් නිසා නුඹලා රකිනු ලැබූ බවයි.

10 තවද දැන් සෙරහෙම්නා මේ වචන කතා කොට අවසන් කළ පසු, මොරෝනායි ඔහුට ලැබුණු කඩු සහ යුද ආයුධ, සෙරහෙම්නා හට, ආපසු දුන්නේය, මෙසේ කියමින්: බලව, අපි ගැටුම අවසන් කරන්නෙමු.

11 දැන් මා කතා කළ වචන මට සිහි කළ නොහැක, එසේහෙයින් ස්වාමීන්වහන්සේ ජීවමාන බව සැබෑවක්සේම, නුඹලා නැවත අපට විරුද්ධව යුද්ධයකට නොපැමිණෙන ලෙසට දිවුරුමක් දී නුඹලා පිටත් වෙනවා මිසක නුඹලාට පිටත් විය නොහැක. දැන් නුඹලා අපගේ දෑතේ සිටිනා බැවින් අපි නුඹලාගේ රුධිරය පොළොව මත වගුරුවන්නෙමු, නැතිනම් මා යෝජනා කළ කොන්දේසිවලට නුඹලා යටත් විය යුතුය.

12 තවද දැන් මොරෝනායි මේ වචන පැවසූ විට, සෙරහෙම්නා ඔහුගේ කඩුව තබා ගත්තේය, තවද ඔහු මොරෝනායි සමඟ කෝපයට පත්ව, තවද ඔහු මොරෝනායිව මරණ ලෙස ඉදිරියට පැන ආවේය; එහෙත් ඔහු ඔහුගේ කඩුව ඔසවන කල, බලව, මොරෝනායිගේ සොල්දාදුවන්ගෙන් කෙනෙකු එයට පහර දී බිමට පවා හෙලන ලදී, තවද එය මිටෙන් කැඩී ගියේය; තවද ඔහු සෙරහෙම්නාට පහර දුන්නේය, එනම් ඔහු ඔහුගේ කේස සහිත වූ හිස් මුදුන ගලවා තවද එය පොළොවට පතිත විය. තවද සෙරහෙම්නා ඔවුන් අබියසින් පසුබැස ඔහුගේ සොල්දාදුවන් අතරට ගියේය.

13 තවද එය මෙසේ සිදු විය, එනම් සෙරහෙම්නාගේ කෙස් සහිත මුදුන ඉවත් කළ, අසල සිටි එම සොල්දාදුවා, පොළොව මතින් කෙස් සහිත හිස් මුදුන ගෙන, තවද ඔහුගේ කඩුවේ තුඩ මත එය තබා, තවද ඔවුන් වෙත එය ඉදිරිය දිගු කර, උස් හඬින් ඔවුන්ට මෙසේ පැවසුවේය:

14 නුඹගේ ප්‍රධානියාගේ කෙස් සහිත මුදුන වූ, මෙම කෙස් සහිත හිස් මුදුන පොළොවට වැටුණාක් මෙන්, නුඹලාගේ යුද ආයුධ අත්හැර සාමයේ ගිවිසුමක් ඇතිව පිටත්ව යනවා හැර නුඹලා ද පොළොවට වැටෙන්නෝය.

15 දැන් එහි බොහෝ අය, ඔවුන් මෙම වචන අසා සහ කඩුව මත වූ කෙස් සහිත හිස් මුදුන දුටු විට, එනම් බියට පත් විය; තවද බොහෝ දෙනෙක් පෙරට පැමිණ තවද ඔවුන්ගේ යුද ආයුධ මොරෝනායිගේ පාමුල හෙළා තවද සාමයේ ගිවිසුමකට එළඹුණෝය. තවද ගිවිසුමකට එළඹුණු එපමණින් ද වනාන්තරයට පිටත්ව යාමට ඔවුන් ඉඩ දුන්නෝය.

16 දැන් එය මෙසේ සිදු විය, එනම් සෙරහෙම්නා බොහෝ සේ කෝපයට පත් විය, තවද නීෆායිවරුන් සමඟ බලවත් ලෙස සටන් කිරීම පිණිස, ඔහුගේ ඉතිරි සොල්දාදුවන්ව ඔහු කෝප ගැන්වූවේය.

17 තවද දැන් ලේමන්වරුන්ගේ මුරණ්ඩුකම නිසා, මොරෝනායි කෝපයට පත් විය; එසේහෙයින් ඔහු ඔහුගේ ජනතාවට අණ කළේ එනම් ඔවුන් ඔවුන්ට පහර දී තවද ඔවුන්ව මරා දමන ලෙසයි. තවද එය මෙසේ සිදු විය, එනම් ඔවුන් ඔවුන්ව මරා දමන්නට පටන් ගත්තේය; එසේය, තවද ලේමන්වරුන් ඔවුන්ගේ කඩුවලින් තවද ඔවුන්ගේ ශක්තියෙන් සටන් කළෝය.

18 එහෙත් බලව, ඔවුන්ගේ නිරුවත් සම සහ ඔවුන්ගේ නොවැසූ හිස් නීෆායිවරුන්ගේ තියුණු කඩුවලට නිරාවරණය වී තිබුණි; එසේය, බලව ඔවුන්ව පසාරු කර තවද පහර දෙන ලදී, එසේය, තවද ඔවුන් නීෆායිවරුන්ගේ කඩු ඉදිරියෙහි අතිශයින් වේගයෙන් වැටී ගියේය; තවද මොරෝනායිගේ සොල්දාදුවා අනාවැකි කී පරිදි පවා, ඔවුන් විනාශ වී යන්නට පටන් ගත්තේය.

19 දැන් සෙරහෙම්නා, ඔවුන් සියලුදෙනා විනාශ වන්නට ආසන්න බව දැක, මොරෝනායි හට මහ හඬින් මොර ගසන්නට විට, ඔහු ද ඔහු සමඟ ඔහුගේ ජනතාව ද ගිවිසුම් ගත වන බවට පොරොන්දු වෙමින්, ඔවුන් ඔවුන්ගේ ඉතිරි වූ ජීවිත ගලවන්නේ නම්, එනම් ඔවුන් කිසිදිනෙෙක ඔවුන්ට විරුද්ධව යුද්ධ කිරීමට නොපැමිණෙන බවට.

20 තවද එය මෙසේ සිදු විය, එනම් මොරෝනායි මරණයේ ක්‍රියාව ජනතාව අතරින් නතර වීමට සැලැස්වීය. තවද ඔහු ලේමන්වරුන්ගෙන් යුද ආයුධ ගත්තේය; තවද ඔවුන් ඔහු සමඟ සාමයේ ගිවිසුමකට එළඹුණු පසු ඔවුන්ට වනාන්තරයට පිටත්ව යාමට ඉඩ දුන්නේය.

21 දැන් ඔවුන්ගේ මළවුන්ගේ ගණන එහි සංඛ්‍යාවේ විශාලත්වය නිසා ගණනය නොකරන ලදී; එසේය, ඔවුන්ගේ මිය ගිය සංඛ්‍යව බොහෝසෙයින් මහත්ය, නීෆායිවරුන්ගේ ද තවද ලේමන්වරුන්ගේ ද දෙගොල්ලන්ගේම එසේය.

22 තවද එය මෙසේ සිදු විය, එනම් ඔවුන් ඔවුන්ගේ මළවුන්ව ශිදොන් හි ජලයන්ට දැමුවෝය, තවද ඔවුන් පෙරට ගොස් තවද මුහුදේ ගැඹුරේ වැළලී ඇත.

23 තවද නීෆායිවරුන්ගේ, නැතහොත් මොරෝනායිගේ හමුදා, හැරී ආපසු තවද ඔවුන්ගේ නිවෙස්වලට හා ඔවුන්ගේ භූමිවලට පැමිණියෝය.

24 තවද මෙලෙස නීෆායි ජනතාව මත විනිශ්චයකරුවන්ගේ පාලන සමයේ දහඅට වන වසර අවසන් විය. තවද මෙලෙස නීෆායිගේ තහඩු මත ලියා තිබූ, ඇල්මාගේ වාර්තාව අවසන් විය.