1 දැන්, ඇමන් ලැමෝනිහි වැසියන්ට නොකඩවා උගන්වමින් සිටි පරිදි, අපි ආරොන් සහ ඔහුගේ සහෝදරයන් පිළිබඳ වාර්තාවට ආපසු යන්නෙමු; මක්නිසාද ඔහු මිද්දෝනි දේශයෙන් පිටත්ව ගිය පසු ආත්මයාණන් විසින් නීෆායිගේ දේශයට, ඉෂ්මායෙල්ගේ දේශය හැර මුළු දේශයටම අධිපති වූ රජුගේ නිවසට පවා ගෙන යන ලදී; තවද ඔහු ලැමෝනිගේ පියා විය.

2 තවද එය මෙසේ සිදු විය, එනම් ඔහු තම සහෝදරයන් සමඟ, රජ මාලිගාවේ ඔහු වෙතට ගොස්, රජු ඉදිරියේ වැඳ වැටී, තවද මෙසේ කීවේය: බලන්න, රජතුමනි, ඔබ සිරගෙදරින් නිදහස් කළා වූ, අප ඇමන්ගේ සහෝදරයෝ වන්නෙමු.

3 තවද දැන්, අහෝ රජතුමනි, ඔබ අපගේ ජීවිත ඉතිරි කළහොත්, අප ඔබගේ සේවකයන් වන්නෙමු. තවද රජු ඔවුන්ට මෙසේ කීවේය: නැඟිටින්න, මක්නිසාද මම නුඹලාගේ ජීවිත නුඹලාට දෙන්නෙමි, තවද නුඹලා මාගේ සේවකයන් වීමට මම ඉඩ නොදෙමි; නමුත් නුඹලා මා හට උපස්ථාන කළ යුතු බව මම තරයේ කියා සිටිමි; මක්නිසාද නුඹලාගේ සහෝදර ඇමන්ගේ ත්‍යාගශීලීභාවය සහ වචනවල ශ්‍රේෂ්ඨත්වය නිසා මම තරමක් කලබල වී සිටින්නෙමි; තවද ඔහු නුඹලා සමඟ මිද්දෝනියෙන් පිටතට නොපැමිණීමට හේතුව දැන ගැනීමට මම ආශා කරමි.

4 තවද ආරොන් රජුට මෙසේ කීවේය: බලව, ස්වාමීන්වහන්සේගේ ආත්මයාණන් ඔහුව වෙනත් මාර්ගයකට කැඳවා ඇත්තේය; ඔහු ලැමෝනිහි ජනතාවට ඉගැන්වීමට, ඉෂ්මායෙල්ගේ දේශයට ගොස් ඇත්තේය.

5 දැන් රජු ඔවුන්ට මෙසේ කීවේය: ස්වාමීන්වහන්සේගේ ආත්මය ගැන නුඹලා කී දෙය කුමක්ද? බලව, මා හට වෙහෙස ගෙනෙන්නේ මෙය වන්නේය.

6 තවද එසේම, නුඹලා පසුතැවිලි වුවහොත් නුඹලා ගැළවෙනු ඇත්තේය, නුඹලා පසුතැවිලි නොවන්නේ නම්, අවසාන දවසේදී නුඹලාව ඉවත දමනු ලබන බව – ඇමන් පැවසූ මෙම දෙය කුමක්ද?

7 තවද ආරොන් ඔහුට පිළිතුරු දෙමින් ඔහුට මෙසේ කීවේය: එනම් දෙවියන් කෙනෙකු සිටින්නාවූ බව ඔබ විශ්වාස කරන්නෙහිද? තවද රජු මෙසේ කීවේය: ඇමෙලකායිවරුන් දෙවියන් කෙනෙක් සිටින බව පවසන බව මම දනිමි, උන්වහන්සේට නමස්කාර කිරීම සඳහා ඔවුන් එක්රැස් වන පිණිස, ශුද්ධස්ථාන ගොඩනඟා ගැනීමට මම ඔවුන්ට අවසර දී ඇත්තෙමි. තවද දැන් නුඹ දෙවියන් කෙනෙක් සිටින්නාවූ බව පවසනවානම්, බලව, මම විශ්වාස කරන්නෙමි.

8 තවද දැන් ආරොන් මෙය ඇසූ විට, ඔහුගේ හදවත ප්‍රීති වීමට පටන් ගත්තේය, තවද ඔහු මෙසේ කීවේය: බලව, ඔබ ජීවමානව සිටින්නාක් මෙන්, රජතුමනි, දෙවියන්වහන්සේ කෙනෙකු සිටින්නෙහුය.

9 තවද රජු මෙසේ කීවේය: එනම් අපගේ පියවරුන් ජෙරුසලම් දේශයෙන් පිටතට ගෙනා ඒ ශ්‍රේෂ්ඨ ආත්මයාණන් දෙවියන්වහන්සේ වන්නේද?

10 තවද ආරොන් ඔහුට මෙසේ කීවේය: එසේය, උන්වහන්සේ ඒ ශ්‍රේෂ්ඨ ආත්මය වන්නේය, තවද උන්වහන්සේ ස්වර්ගයේ සහ පොළොවේ සියල්ල මවනු ලැබූවේය. ඔබ මෙය විශ්වාස කරන්නෙහිද?

11 තවද ඔහු මෙසේ කීවේය: එසේය, බලවත් ආත්මයාණන්වහන්සේ සියල්ල මැවූ බව මම විශ්වාස කරන්නෙමි, තවද මේ සියල්ල ගැන නුඹ මට පවසනවාට මම ආශා කරමි, තවද මම නුඹගේ වචන විශ්වාස කරන්නෙමි.

12 තවද එය මෙසේ සිදු විය, එනම් රජු තම වචන විශ්වාස කරන බව ආරොන් දුටු විට, ඔහු ආදම්ගේ මැවීමෙන් පටන් ගෙන, දෙවියන්වහන්සේ මනුෂ්‍යයාව උන්වහන්සේගේම ස්වරූපයෙන් මැවූ ආකාරයත්, තවද එනම් දෙවියන්වහන්සේ ඔහුට අණ පනත් දුන් ආකාරය සහ වරදට වැටීම නිසා මනුෂ්‍යයා වැටී ඇති බවට වූ – ශුද්ධ ලියවිලි රජුට කියවමින් සිටියේය.

13 තවද ආරොන් ආදම්ගේ මැවීමේ සිට වූ ශුද්ධ ලියවිලි ඔහුට පැහැදිලි කළේය, මනුෂ්‍යයාගේ වැටීම, තවද ඔවුන්ගේ මාංශික තත්වය සහ ක්‍රිස්තුස්වහන්සේ තුළින්, ලෝකයේ අත්තිවාරමේ සිට උන්වහන්සේගේ නාමය විශ්වාස කරන සියල්ලන් සඳහා සකස් කරන ලද මිදීමේ සැලැස්ම ද ඔහු ඉදිරියේ තැබුවේය.

14 තවද මනුෂ්‍යයා වැටී සිටි බැවින්, ඔහුට තමාගෙන් කිසිවක් ලබා ගැනීමට නොහැකි වූ බවත්; නමුත් ක්‍රිස්තුස්වහන්සේගේ දුක් වේදනා සහ මරණය, ඇදහිල්ලෙන් හා පසුතැවිල්ලෙන් හා තවත් බොහෝ වූ දෙයින් ඔවුන්ගේ පාපවලට සමාව ලබා දුන් බවත්; තවද උන්වහන්සේ මරණයේ විලංගු බිඳ දැමූ අතර, එනම් සොහොනට ජයග්‍රහණයක් නොලැබෙන බවත්, තවද මරණයේ දෂ්ට කිරීම, මහිමයේ බලාපොරොත්තුවෙන් ගිල දමන බවත්; ආරොන් මේ සියල්ල රජුට පැහැදිලි කළේය.

15 තවද එය මෙසේ සිදු විය, එනම් ආරොන් මේ දේවල් ඔහුට පැහැදිලි කළ පසු, රජු මෙසේ කීවේය: නුඹ පැවසූ මෙම සදාකාලික ජීවිතය මට ලබා ගැනීමට මා කුමක් කළ යුතුද? එසේය, දෙවියන්වහන්සේගෙන් ඉපදීමට, මේ නපුරු ආත්මය මාගේ හදවතින් මුලිනුපුටා දැමීමට සහ උන්වහන්සේගේ ආත්මය ලබා ගැනීමට, එනම් මම ප්‍රීතියෙන් පිරී යනු පිණිසත්, එවිට මම අවසාන දවසේදී ඉවත නොදමනු පිණිසත්, මා කුමක් කළ යුතුද? බලව, මා සතු සියල්ල මම අත්හරින්නෙමි, එසේය, මේ මහත් ප්‍රීතිය ලබා ගැනීමට, මම මගේ රාජ්‍යය අත්හරින්නෙමි යනුවෙන් ඔහු පැවසුවේය.

16 එහෙත් ආරොන් ඔහුට මෙසේ කීවේය: නුඹ මෙම දේවල් වලට ආශා කරන්නේ නම්, නුඹ දෙවියන්වහන්සේ අභිමුඛයෙහි වැඳ වැටෙන්නේ නම්, එසේය, නුඹ නුඹගේ සියලු පාපයන් වලට පසුතැවිලි වන්නේනම්, තවද දෙවියන්වහන්සේගේ අභිමුඛයෙහි වැඳ වැටී, එනම් නුඹට ලැබෙනු ඇතැයි විශ්වාස කරමින්, ඇදහිල්ලෙන් උන්වහන්සේගේ නාමයට අයැදින්නේ නම්, එවිට නුඹ ආශා කරන්නාවූ බලාපොරොත්තුව නුඹට ලැබෙනු ඇත්තේය.

17 තවද එය මෙසේ සිදු විය, එනම් ආරොන් මෙම වචන පැවසූ විට, රජු ස්වාමීන්වහන්සේ අභිමුඛයෙහි, ඔහුගේ දනහිස් මත වැඳ වැටුණේය; එසේය, ඔහු ඔහු විසින්ම පොළොව මත වැඳ වැටී, තවද බලවත් ලෙස මොර ගසමින්, මෙසේ කීවේය:

18 අහෝ දෙවියන්වහන්ස, දෙවියන් කෙනෙකු සිටින බව ආරොන් මට පවසා ඇත්තේය; තවද දෙවියන් කෙනෙකු සිටින්නේනම්, තවද ඔබවහන්සේ දෙවියන්වහන්සේ නම්, ඔබවහන්සේ මා හට ඔබවහන්සේව ප්‍රකාශ කර දෙනු මැනව, තවද එනම් මම මළවුන්ගෙන් නැඟිටුවනු ලබනු පිණිස, තවද අවසාන දවසේ ගැලවීම ලබනු පිණිස, තවද ඔබවහන්සේ පිළිබඳ දැන ගැනීම සඳහා මම මාගේ සියලු පව් අත්හරින්නෙමි. තවද දැන් රජු මෙම වචන පැවසූ විට, ඔහු මලාක් මෙන් ඔහුට පහර ලැබූනේය.

19 තවද එය මෙසේ සිදු විය, එනම් ඔහුගේ සේවකයන් දිව ගොස් රජු හට සිදු වූ සියල්ල රැජිනට කීවේය. තවද ඇය රජු වෙත පැමිණියේය; තවද එවිට ඔහු මරණයට පත්වුවා මෙන් වැතිර සිටිනවා ඇය දුටුවිට, තවද එසේම ඔහුගේ වැටීමට කාරණාවක් ලෙස ආරොන් සහ ඔහුගේ සහෝදරයන්ද සිටගෙන සිටිනවා ඇය දුටු විට, ඇය ඔවුන් සමඟ කෝපයට පත්ව, තවද ඇගේ සේවකයන්ට, නැතහොත් රජුගේ සේවකයන්ට, එනම් ඔවුන් රැගෙන ගොස් මරණයට පත් කිරීමට අණ කළාය.

20 දැන් රජුගේ වැටීමට කාරණය සේවකයන් දුටු බැවින්, එසේහෙයින් ආරොන් සහ ඔහුගේ සහෝදරයන් මත ඔවුන්ගේ අත් තැබීමට ඔවුන් එඩිතර නොවීය; තවද ඔවුන් රැජින සමඟ මෙසේ කියමින්, අයැද සිටියෝය: එවිට බලන්න ඔවුන්ගෙන් එක් අයෙකු අප සියල්ලන්ටම වඩා බලවත්ව සිටියදී, මෙම මනුෂ්‍යයන්ව මරණයට පත් කිරීමට ඔබ අණ කරන්නේ මන්ද? එසේහෙයින් අප ඔවුන් ඉදිරියේ වැටෙනු ඇත්තේය.

21 දැන් රැජින සේවකයන්ගේ බිය දුටු විට, ඇය එසේම එනම් තමාට යම් දුෂ්ඨකමක් පැමිණෙනු ඇතැයි බෙහෙවින් බිය වීමට පටන් ගත්තාය. තවද එනම් ආරොන් සහ ඔහුගේ සහෝදරයන්ව මරණයට පත් කරන පිණිස, ගොස් ජනතාව කැඳවන ලෙසට ඇය ඇයගේ සේවකයන්ට අණ කළාය.

22 දැන් ආරොන් රැජිනගේ අධිෂ්ඨානය දුටු විට, ඔහු, එසේම ජනතාවගේ හදවත්වල දැඩිකම ද දැන සිටි අතර, එනම් ජන සමූහයක් එක් රැස්ව, තවද ඔවුන් අතර එහි බලවත් මතභේද සහ කැළඹීමක් ඇති වන්නේ යැයි බිය විය; එසේහෙයින් ඔහු ඔහුගේ දෑත දිගු කොට රජුව පොළොවෙන් ඔසවා, තවද ඔහුට මෙසේ කීවේය: නැගී සිටින්න. තවද ඔහුගේ ශක්තිය ලැබ, ඔහු ඔහුගේ පාදවලින් නැගී සිට ගත්තේය.

23 දැන් මෙය සිදු කරනු ලැබූවේ රැජින සහ බොහෝමයක් සේවකයින් ඉදිරියේය. තවද ඔවුන් එය දුටු විට බොහෝ සෙයින් මවිත පත්ව, තවද බිය වීමට පටන් ගත්තෝය. තවද රජු නැඟිට සිට, තවද ඔවුන්ට උපස්ථාන කිරීමට පටන් ගත්තේය. තවද ඔහු ඔවුන්ට උපස්ථාන කළේය, එපමණින් එනම් ඔහුගේ සියලු නිවැසියෝම ස්වාමීන්වහන්සේ වෙතට හරවනු ලැබූවෝය.

24 දැන් එහි රැජිනගේ අණ නිසා ජන සමුහයක් එක් රැස්ව සිටි අතර, තවද ආරොන් සහ ඔහුගේ සහෝදරයන් නිසා ඔවුන් අතරේ මහත් මැසිවිලි දෙඩීමක් පටන් ගත්තෝය.

25 එහෙත් රජු ඔවුන් අතරේ සිට ගෙන තවද ඔවුන්ට මෙහෙ කළේය. තවද ඔවුන් ආරොන් සහ ඔහු සමඟ සිටියාවු අය සමඟ සනසනු ලැබූවෝය.

26 තවද එය මෙසේ සිදු විය, එනම් ජනතාව සන්සුන් වූ බව රජු දුටු විට, එනම් ආරොන් සහ ඔහුගේ සහෝදරයන් ජන සමූහයා මැද සිටගෙන, තවද ඔවුන් හට වචනය දේශනා කරන ලෙසට ඔහු සැලැස්වූවේය.

27 තවද එය මෙසේ සිදු විය, එනම් තවද රජු සියලු දේශය මුළුල්ලේහිම, නැගෙනහිරින් සහ බටහිරින් මුහුදු සීමායිම්වල පවා වූ, සහ සරහෙම්ලා දේශයෙන් නැගෙනහිරින් මුහුදේ සිට බටහිරට පවා දිවෙන පටු වනාන්තරයේ තීරුවකින් බෙදී ගියාවු, මුහුදු වෙරළේ සීමාවන් වටා, සහ සරහෙම්ලා දේශයෙන් උතුරේ පිහිටි වනාන්තරයේ සිමාවන් හි, ශිදොන් ගංඟාවේ උල්පත හරහා, මැන්ටායි දේශසීමා වෙතින්, නැගෙනහිරින් බටහිරට දිවෙන, ඔහුගේ සියලු දේශයෙහිම සිටි ඔහුගේ සියලු ජනතාව අතරට ප්‍රකාශයක් යැවීය – තවද මෙසේ ලේමන්වරුන් සහ නීෆායිවරුන් බෙදී ගියෝය.

28 දැන්, ලේමන්වරුන්ගේ වඩාත් අලස වූ කොටස වනාන්න්තරයේ ජීවත් වූ අතර, තවද කූඩාරම්වල වාසය කළේය; තවද ඔවුන් බටහිර වනාන්තරය හරහා, නීෆායි දේශය පුරාවට විසිර සිටියෝය; එසේය, තවද එසේම සරහෙම්ලා දේශයේ බටහිරින්ද, මුහුදු වෙරළේ මායිම්වල, සහ නීෆායි දේශයේ බටහිරින්ද, ඔවුන්ගේ පියවරුන්ගේ පළමු උරුමයේ ස්ථානයේද, සහ මෙසේ මුහුදු වෙරළ දිගේ සිමාවන්වල ද විය.

29 තවද එසේම එහි නීෆායිවරුන් විසින් ඔවුන්ව පලවා හරිනු ලැබූ, බොහෝ ලේමන්වරුන් නැගෙනහිරින් වූ මුහුදු වෙරළේ සිටියෝය. තවද මෙසේ නීෆායිවරුන් ලේමන්වරුන් විසින් වැටලීමට ආසන්නව සිටියෝය; එසේනමුත්, අසල වනාන්තරයේ අවට, ශිදොන් ගංඟාවේ උල්පත, නැගෙනහිර සිට බටහිර දක්වා, වනාන්තරයේ සීමාවල පිහිටි දේශයේ උතුරු කොටස් සියල්ල නීෆායිවරුන් විසින් අත්පත් කරගෙන සිටියෝය; උතුරේ, ඔවුන් නම්කරනු ලැබූ සරුසාරවත් වූ දේශය දක්වා එය පැමිණියේය.

30 තවද එය ඔවුන් පාළුකරය යැයි ලෙස නම් කරනු ලැබූ දේශයහි සීමාවේ විය, එය එනම් උතුරු දෙසට බොහෝ දුරින් පිහිටා තිබූ අතර, එය ජනාවාස වී විනාශ වූ දේශය තුළට පැමිණියේය, එය සරහෙම්ලාහි ජනතාව විසින් සොයාගනු ලැබීය, එහි ඇටකටු ගැන අප කතා කළෙමු, එය ඔවුන්ගේ පළමු ගොඩ බැසිමේ ස්ථානය විය.

31 තවද ඔවුන් එතැනින් එහි දකුණු වනාන්තරය තුළට පැමිණියෝය. මෙසේ උතුරු දෙසට වූ දේශය පාළුකරය ලෙස නම් කල අතර, තවද දකුණු දෙසට වූ දේශය බෞන්ටිෆුල් යැයි නම් කරන ලද්දේය, එය සියලු වර්ගයේ වන සතුන්ගෙන් පිරී ඇත්තාවූ වනාන්තරයක් වූ අතර, කොටසක් උතුරු දෙසට වූ දේශයෙන් ආහාර සඳහා පැමිණියෝය.

32 තවද දැන්, නැගෙනහිර සිට බටහිර මුහුද දක්වා, බෞන්ටිෆුල් හි සහ පාළුකර දේශ රේඛාවේ, නීෆායිවරයෙකුට ගමන් කිරීම සඳහා එක් දවසක් සහ භාගයක දුර ප්‍රමාණයක් තිබුණේය; තවද මෙසේ නීෆායිගේ දේශය සහ සරහෙම්ලා දේශය ආසන්නව ජලයෙන් වට වී තිබූ අතර, උතුර දේශය සහ දකුණු දේශය අතර පටු කුඩා තීරුවක් විය.

33 තවද එය මෙසේ සිදු විය, එනම් නීෆායිවරුන් නැගෙනහිර සිට බටහිර මුහුද දක්වාම සරුසාරවත් වූ දේශයෙහි වාසය කළාවූ අතර, තවද මෙසේ නීෆායිවරුන් ඔවුන්ගේ ප්‍රඥාවෙන්, එනම් ඒ කරණකොටගෙන ඔවුන් උතුර තවත් අයත් නොකර ගන්නා පිණිස, එනම් ඔවුන් උතුරු දෙසට දේශය යටත් කර නොගන්නා පිණිස, ඔවුන්ගේ රැකවළුන් සහ ඔවුන්ගේ හමුදාවන් සමඟ, දකුණේ ලේමන්වරුන් සිමා කරන ලද්දේය.

34 එසේහෙයින් ලේමන්වරුන්ට නීෆායිගේ දේශයේ සහ අවට වනාන්තරයේ පමණක් තවත් අයත් කරගැනීමට නොහැකි විය. දැන් මෙය නීෆායිවරුන්ගේ ප්‍රඥාව විය – ලේමන්වරුන් ඔවුන්ට සතුරෙකු වූ බැවින්, ඔවුන් සෑම අතින්ම ඔවුන්ගේ පීඩාවන් විඳීමට ඉඩ නොදෙන අතර, තවද එසේම එනම් ඔවුන්ගේ ආශාවන්ට අනුව ඔවුන්ට පලා යාම සඳහා රටක් ඔවුන්ට තිබෙන පිණිසය.

35 තවද දැන් මම, මෙය පැවසීමෙන් පසු, ඇමන් සහ ආරොන්, ඔම්නර් සහ හිම්නි සහ ඔවුන්ගේ සහෝදරයන් පිළිබඳ වාර්තාවට නැවත පැමිණෙන්නෙමි.