Isigaba 4
Isambulo esanikwa ngoJoseph Smith umPhrofethi kuyise, uJoseph Smith oMdala, eHarmony, ePennsylvania, ngoFebruwari 1829.
1–4, Ukusebenza ngesibindi kusindisa abafundisi beNkosi; 5–6, Isimilo sobunkulunkulu sibanika ikhono lobufundisi; 7, Izinto zikaNkulunkulu kufanele ziphokophelelwe.
1 Manje bhekani, umsebenzi omangalisayo usuzoqala kubantwana babantu.
2 Ngakho-ke, O nina enenza umsebenzi kaNkulunkulu, bonani ukuthi nimsebenzela ngayo yonke inhliziyo yenu, nangamandla, nangomqondo, nangomfutho, ukuze nime ningenacala phambi kukaNkulunkulu ngosuku lokugcina.
3 Ngakho-ke, uma ninentshisekelo yokusebenzela uNkulunkulu nibizelwe emsebenzini;
4 Ngokuba bhekani insimu imhlophe isilungele ukuvunwa; futhi bheka, lowo oshwiba isikela lakhe ngamandla akhe, yena lowo uzilondolozela ukuthi angashatshalaliswa, kodwa uzilethela insindiso emoyeni wakhe;
5 Futhi ukholo, ithemba, isihe, nothando, ngeso eliqonde inkazimulo kaNkulunkulu, kumnika ikhono lalomsebenzi.
6 Khumbula ukholo, ubumsulwa, ulwazi, ukuzithiba, isineke, umusa wobuzalwane, ubunkulunkulu, isihe, ukuzithoba, nokuzikhandla.
7 Cela, futhi uzophiwa; ngqongqotha, futhi uzovulelwa. Amen.