81
Ó, borgin litla, Betlehem
Með andakt
1. Ó, borgin litla, Betlehem,
þú bíður í djúpri ró,
í heimi drauma dagsins glaumi
dreifir á þagnarskóg.
Þó lýsir ljósið bjarta,
það ljós er aldrei dvín,
sú von og trú er væntir þú
hún verður loksins þín.
2. Í heim er fæddur frelsarinn
en fögur englahjörð
hjá sveini vakir, vernd einstaka
veitir Kristi’ á jörð.
Ó, flytjið fregn um heiminn
þér fögru himinljós
um dýrð á jörð með Drottins hjörð
og Drottni sigurhrós.
3. Ó, litla barn frá Betlehem,
ég bið þig, kom til mín,
svo megi’ ég finna fögnuð þinn,
þinn friður aldrei dvín.
Nú englar allir syngja
svo ómar geimurinn.
Í kærleik þínum kom til mín,
Ó, Kristur, Drottinn minn.
Texti: Philips Brooks, 1835–1893
Lag: Lewis H. Redner, 1831–1908
Íslensk þýðing: Friðrik Guðni þórleifsson, 1944