Kom, heyrið spámann hefja raust
    Footnotes

    8

    Kom, heyrið spámann hefja raust

    Glaðlega

    1. Kom, heyrið spámann hefja raust

    og heyrið Drottins mál.

    Hátt syngið fögnuð, trú og traust

    af tryggum hug og sál.

    Vér fundum spámannanna fornu mennt,

    er fyrr hér byggðu rann.

    Annan spámann hefur Herrann sent

    að hefja’ upp sannleik þann.

    2. Þann tálar sorta’ er veg sér vann

    um víðan jarðar stig

    fordæmdan Drottinn hefur hann

    og Herrann birti sig.

    Sú villa glötun veröld bjó

    sem vá tortímileg.

    Loks fundu þjónar Drottins þó

    hinn þrönga, krappa veg.

    3. Þeir treysta eigi’ á mannsins mátt

    né manna hyggjulist.

    Þá dæmda vissu’ úr allri náð,

    sem ekki trúa’ á Krist.

    Hann sagði: „Boð mín öll og ein

    aðgæt og bræðralag.“

    Og tákn mun sýna trúin hrein

    allt til hinn efsta dag.

    4. Því meðtak orðsins líf og ljós

    úr lindum sannleikans,

    lát lög Guðs vitna verðugt hrós

    útvalning helgaðs manns,

    uns heyrir þú Guðs helgan róm

    sig hefja’ um alheiminn,

    eilífan kynna konungdóm

    sem kynni’ að verða þinn.

    Texti: Joseph S. Murdock, 1822–1899

    Fjórða vers, Bruce R. McConkie, 1915–1985 © 1985 SDH

    Lag: Joseph J. Daynes, 1851–1920

    Íslensk þýðing: Jón Hjörleifur Jónsson, 1923

    Joseph Smith—Saga 1:14–17

    Kenning og sáttmálar 21:4–7