Ó, faðir, gjör mig lítið ljós
    Footnotes

    48

    Ó, faðir, gjör mig lítið ljós

    Biðjandi

    1. Ó, faðir, gjör mig lítið ljós

    um lífs míns stutta skeið,

    til hjálpar hverjum hal og drós,

    sem hefur villst af leið.

    2. Ó, faðir, gjör mig blómstur blítt,

    sem brosir öllum mót

    og kvíðalaust við kalt og hlýtt

    er kyrrt á sinni rót.

    3. Ó, faðir, gjör mig ljúflingslag,

    sem lífgar hug og sál

    og vekur sól og sumardag,

    en svæfir storm og bál.

    4. Ó, faðir, gjör mig styrkan staf

    að styðja hvern sem þarf,

    uns allt það pund, sem Guð mér gaf,

    ég gef sem bróðurarf.

    5. Ó, faðir, gjör mig sigursálm,

    eitt signað trúarlag,

    sem afli blæs í brotinn hálm

    og breytir nótt í dag.

    Texti: MatthÍas Jochumsson, 1835–1920

    Lag: Jónas Tómasson, 1881–1967

    Markúsarguðspjall 4:21–23

    Mósía 2:17