Það engill uppheims var
    Footnotes

    6

    Það engill uppheims var

    Íhugult / Af tilfinningu

    1. Það engill uppheims var,

    sem alda rauf hér þögn,

    frá himni boðin bar,

    þá björtu, ljúfu sögn.

    Sjá hæð Kúmóra, hún er hér,

    þar heilagt rit eitt falið er.

    Sjá, hæð Kúmóra, hún er hér,

    þar heilagt rit eitt falið er.

    2. Mórónís innsigli´ er

    það auðkennt jörðu í,

    uns Guð sín boðin ber,

    að birtast skuli´ á ný.

    Til ljóss þess aftur leið er gjörð,

    að leiða´ inn ríki Krists á jörð.

    Til ljóss þess aftur leið er gjörð,

    að leiða´ inn ríki Krists á jörð.

    3. Um Jósefs ætt það er

    og eyddra þjóða brot,

    sem eitt sinn áttu hér

    sín örlaganna þrot.

    Og guðspjalls auðlegð einnig þar

    með opinberun veitir svar.

    Og guðspjalls auðlegð einnig þar

    með opinberun veitir svar.

    4. Nú fylling fengin er

    hins fyrirheitna dags,

    lát jörðu hlýða hér

    og hverfa myrkur strax;

    flyt ritið burt svo berist það

    með birtu´ og dýrð á sérhvern stað.

    Flyt ritið burt svo berist það

    með birtu´ og dýrð á sérhvern stað.

    5. Hve glöð mun Ísrael

    nú aftur safnast heim,

    við ráð sem reynast vel

    skal reist Jerúsalem,

    þá Síon rís með geislaglans

    í guðdómsljósi sannleikans.

    Þá Síon rís með geislaglans

    í guðdómsljósi sannleikans.

    Texti: Parley P. Pratt, 1807–1857

    Lag: Jon E. Tullidge, 1806–1873

    Íslensk þýðing: Jón Jóhannesson, Fór til Utah Í BandarÍkjunum 1896, trúboði SDH á Íslandi 1900–1912

    Joseph Smith—Saga 1:30–34

    Kenning og sáttmálar 128:20