Tónlist
Ó, Guð á himni háum
Neðanmálstilvísanir

Hide Footnotes

Þema

71

Ó, Guð á himni háum

Með tilbeiðslu

1. Ó, Guð á himni háum,

vor hjálp er Jesú frá,

er bæn þá til þín berum,

sem byggð er trú vorri’ á.

Vort brauð og vatn þú blessir,

sem ber oss guðleg stjórn,

svo vér þess minnast megum

hve máttug er hans fórn.

2. Sú fórn sem fæstir skildu,

að frelsun vor hún er,

að hold og blóð vorn huga

til hans í lotning ber.

Oss veg þíns sonar vísar

og vottar þjáning hans,

hans andi’ er leið oss lýsir,

er ljósið sannleikans.

3. Er Jesús fórn þá færði,

að flytja’ á jörð til vor,

hans ást til allra manna

og endurlausnarspor,

var fyrirheita fylling

um frelsun syndugs manns,

sú blessun heimi borin,

var boðskapurinn hans.

4. Hve háan vísdóm hafa

þau heilagleikans ráð,

að fullkomna þá frelsun,

sem færði’ oss Drottins náð,

að hann á meðal manna

hér mannsins gerfi bar

og dauðans fórn þá færði,

sem frelsun mannsins var.

Texti: William W. Phelps, 1792–1872. þessi sálmur var Í fyrstu sálmabók SDH, 1835.

Lag: Felix Mendelssohn, 1809–1847

Íslensk þýðing: MarÍus Ólafsson, 1891–1983

Kenning og sáttmálar 20:77, 79

Jesaja 53:2–5