Ó, blessuð sértu bænarstund
    Footnotes

    44

    Ó, blessuð sértu bænarstund

    Friðsælt

    1. Ó, blessuð sértu bænarstund!

    Mér býður þú á föðurfund

    með hvað eitt, sem mér amar að,

    því einn hann veit og skilur það.

    Þá hryggð í mínu hjarta bjó,

    frá honum fékk ég kraft og fró.

    Já, ávallt gefst mér gull í mund

    frá Guði’ á helgri bænarstund.

    Já, ávallt gefst mér gull í mund

    frá Guði’ á helgri bænarstund.

    2. Ó, blessuð sértu bænarstund!

    Þú ber í hæð á föðurfund,

    mín andvörp þung, og skært þá skín

    Guðs skæra náð á tárin mín.

    Hann býður mér að byggja traust

    á blíðri Jesú hirðis raust.

    Ó, Herra, þín með ljúfri lund

    ég leita vil á bænarstund.

    Ó, Herra, þín með ljúfri lund

    ég leita vil á bænarstund.

    Texti: Eignað William W. Walford, 1772–1850, alt.

    Lag: William B. Bradbury, 1816–1868, alt.

    Íslensk þýðing: Jón Jónson á Hvoli, 1859–1949

    Sálmarnir 55:16–17, 22

    Filippíbréfið 4:6–7