Göngum þakkargjörðar til
    Footnotes

    25

    Göngum þakkargjörðar til

    Rösklega

    1. Göngum þakkargjörðar til,

    Guði þökk ég syngja vil,

    uppskerunni inn var náð

    áður’ en rísa veður bráð.

    Það sem jafnan þurfum vér

    þessu Guð oss fyrir sér.

    Kom í Herrans helgidóm,

    hefjum þökk með einum róm.

    2. Drottinn erjar alla jörð,

    uppsker lof og þakkargjörð.

    Góðu’ og illu sáð er senn,

    sorg og gleði þiggja menn.

    Urtin þrep af þrepi grær,

    þar til góðum vexti nær.

    Drottinn uppskerunnar ljá

    okkur góðum þroska’ að ná.

    Texti: Henry Alford, 1810–1871

    Lag: George J. Elvey, 1816–1893

    Íslensk þýðing: Friðrik Guðni þórleifsson, 1944

    Kenning og sáttmálar 86:1–7

    Markúsarguðspjall 4:26–28