Fagna þú veröld
    Footnotes

    76

    Fagna þú veröld

    Fagnandi

    1. Fagna þú veröld, fagna hátt,

    því frelsarinn borinn er.

    Lát sérhvert hjarta hýsa hann,

    vorn himinborna konungsmann.

    Lát hefja helgan söng,

    um himna’ og jarðar göng.

    Lát hefja, hefja glaðan helgisöng.

    2. Fagna þú veröld, fagna hátt,

    því frelsarinn borinn er.

    Nú veröld hljómi ein og öll

    um ystu lendur, firði’ og fjöll

    þann glaða enduróm,

    þann glaða enduróm.

    Þann glaða, söngva glaða enduróm.

    3. Lát eigi framar sorg né synd

    vorn særa þjáðan heim,

    því Kristur kom með næga náð

    og nóg við öllu sigurráð.

    Hann veitir næga náð,

    hann veitir næga náð.

    Hann veitir öllum mönnum næga náð.

    4. Senn mun hann ríkja’ í mildi’ og náð

    og mannkyn fá að sjá

    og reyna undra elsku hans

    og eilíft gildi sannleikans.

    Sjá undraelsku hans,

    sjá, undraelsku hans.

    Sjá, undraelsku hans, sjá elsku hans.

    Texti: Isaac Watts, 1674–1741; ums. af William W. Phelps, 1792–1872.

    Lag: George F. Handel, 1685–1759, úts. Lowell Mason, 1792–1872

    Íslensk þýðing: Jón Hjörleifur Jónsson, 1923

    Alma 5:50

    Sálmarnir 97:1

    Sálmarnir 98:4–9