Seksyon 4
Rebelasyon nga ginhatag paagi kay Joseph Smith nga Propeta sa iya amay nga si Joseph Smith Sr., sa Harmony, Pennsylvania sang Pebrero 1829.
1–4, Ang maisog nga pag-alagad nagaluwas sang mga alagad sang Ginuo; 5–6, Ang diosnon nga mga kinaugali nagapaangay sa ila para sa pag-alagad; 7, Ang mga butang sang Dios kinahanglan pangitaon.
1 Karon tan-awa, isa ka dalayawon nga buluhaton ang pagasugdan na sa mga anak sang katawhan.
2 Karon, O kamo nga magasugod sa pag-alagad sa Dios, siguroha nga alagaran ninyo sia sa bug-os ninyo nga tagipusuon, ikasarang, panghunahuna kag kusog agud nga makatindog kamo nga wala’y kabasulanan sa atubang sang Dios sa katapusan nga adlaw.
3 Karon, kon may mga handum kamo sa pag-alagad sa Dios ginatawag kamo para sa buluhaton;
4 Kay tan-awa, ang uma puti na para anihon; kag yari karon, sia nga nagaduso sang iya garab sa iya kusog, ang amo man nagapanigana agud indi sia madula kundi nagadala sang kaluwasan sa iya kalag;
5 Kag ang pagtuo, paglaum, pagkamaluluy-on kag paghigugma nga may mata nga tampad sa himaya sang Dios nagapaangay sa iya para sa buluhaton.
6 Dumduma ang pagtuo, pagkamatarong, ihibalo, pagpugong sang kaugalingon, pagpaumod, mahigugmaon nga paghiliutod, pagkadiosnon, pagkamaluluy-on, pagkamapainubuson, katutum.
7 Magpangayo kag magabaton kamo; magpanuktok kag pagabuksan ini sa inyo. Amen.