Balaan ng mga Kasulatan
Doktrina kag mga Kasugtanan 47


Seksyon 47

Rebelasyon nga ginhatag paagi kay Joseph Smith nga Propeta sa Kirtland, Ohio sang ika-8 sang Marso 1831. Si John Whitmer nga nakaalagad na bilang sekretaryo sang Propeta, sang primero nag-alaala sang ginpangabay sia nga mag-alagad bilang tagsulat sang kasaysayan kag tagsulat sang Simbahan nga mabulos kay Oliver Cowdery. Nagsulat sia, “Mas luyag ko kuntani nga indi ini paghimuon apang nahangpan ko nga ang pagbuot sang Ginuo dapat matuman, kag kon buot niya, luyag ko nga ipahayag niya ini paagi kay Joseph nga Manugpanan-aw.” Pagkatapos nga mabaton ni Joseph Smith ining rebelasyon, ginbaton kag nag-alagad si John Whitmer sa ginhatag sa iya nga palangakoan.

1–4, Si John Whitmer ginpili nga magsulat sang kasaysayan sang Simbahan kag magsulat para sa Propeta.

1 Tan-awa, nagakaigo para sa akon nga ang akon alagad nga si John magsulat kag dalayon nga magmentinar sang kasaysayan sang Simbahan, kag magbulig sa imo, Joseph, alagad ko, sa pagkopya sang tanan nga butang nga ihatag sa imo tubtob nga tawgon sia sa dugang nga mga tulumanon.

2 Sa liwat, sa pagkamatuod ginasiling ko sa imo nga sarang niya man ibayaw ang iya tingug sa mga miting kon kinahanglanon.

3 Kag sa liwat, ginasiling ko sa imo nga pagapilion sia nga magsulat kag magmentinar sang mga rekord kag kasaysayan sang simbahan sing dalayon; kay si Oliver Cowdery ginpili ko para sa lain nga palangakoan.

4 Gani, kon tampad sia ihatag sa iya sang Manugpasulhay ang magsulat sining mga butang. Kag gani amo sini. Amen.