Seksyon 131
Mga instruksyon ni Joseph Smith nga Propeta nga ginhatag sa Ramus, Illinois sang ika-16 kag ika-17 sang Mayo 1843.
1–4, Selestiyal nga pag-asawahay kinahanglanon agud mapakataas sa pinakamataas nga langit; 5–6, Kon paano ang mga tawo makaangkon sang kasigurohan sa kabuhi nga wala’y katapusan ginpaathag; 7–8, Tanan nga espiritu may pisikal nga kinaiya.
1 Sa selestiyal nga himaya may yara sing tatlo ka langit ukon lebel;
2 Kag agud malab-ot ang pinakamataas, ang isa ka tawo kinahanglan magsulod sa sining paagi sang pagkapari [nga amo ang bag-o kag wala’y katubtuban nga kasugtanan sang pag-asawahay];
3 Kag kon indi niya ini paghimuon, indi niya ini malab-ot.
4 Makasulod sia sa iban apang ina lamang ang dulonan sang iya ginharian; indi sia makadugang sang kaliwat.
5 (Ika-17 sang Mayo 1843.) Ang mas pat-od nga mensahe sang propesiya nagakahulugan nga mahibaloan sing isa ka tawo nga may kasigurohan sia sa kabuhi nga wala’y katapusan sa bulig sang rebelasyon kag sang espiritu sang propesiya, paagi sa gahum sang Balaan nga Pagkapari.
6 Imposible nga maluwas and isa ka tawo kon yara sia sa kahimtangan sang pagkaignorante.
7 Wala sing bisan ano nga wala sing pisikal nga kinaiya. Tanan nga espiritu may pisikal nga kinaiya, apang mas pino ukon putli ini, kag mahibaloan lamang sing mas putli nga mga mata;
8 Indi naton makita ini; apang kon matinlo na ang aton mga lawas makita naton nga ini lubos nga may pisikal nga kinaiya.